Асосий мавзулар
6 январ 2017

Салим Абдувалиев Миллий Олимпия қўмитаси вице-президенти бўлди

Миллий олимпия қўмитасининг 6 январ куни бўлиб ўтган XXX Бош Ассамблеяси йиғилишида Қўмита Вице президентлигига Салим Абдувалиев сайланди.

Шунингдек қўмита сайти тарқатган хабарда йиғилишни Ўзбекистон Республикаси Бош вазири ўринбосари Адҳам Икрамов олиб боргани билдирилган.

Салим Абдувалиев, президентлик сайловида Шавкат Мирзиёев расми тушурилган футболкани кийиб чиқди

Салим Абдувалиев, Валерий Тян, Фарҳод Турдиев ва Умид Аҳмаджонов эса қўмита вице президентлари этиб сайланишган.

Халқ орасида Салим «Бойвачча», «Салим Чойхонаси», «Салим разбор» лақаблари билан танилган Салим Абдувалиев номи Викиликс ҳужжатларида Ўзбекистондаги мафия лидери сифатида эсланади.

Ҳусусан, АҚШнинг Ўзбекистондаги собиқ элчиси Жон Пурнелнинг 2006 йил мартида йўллаган каблограмида «Мафия Босси томонидан давлат тендерлари ва мансабларнинг тақсимланиши» ҳақида батафсил ёзилган.

Викиликс 2012 йилнинг февралида эълон қилган ҳужжатларга кўра, Салим Абдувалиев муайан «коммисиони» эвазига ўтказиладиган тендерларда ҳукуматдаги юқори мансабдорларнинг ғалабасини таъминлаган, шунингдек собиқ президентнинг қизи Гулнора Каримова билан давлат мансабларини пуллаб келган.

2016 йилги президентлик сайловларида эса Салим Абдувалиев Шавкат Мирзиёев номзодининг фаол тарғиботчисига айланди

Салим Абдувалиев 1950 йилнинг майида Фарғона вилоятининг Тошлоқ қишлоғида дунёга келган, кураш бўйича 5 карра Ўзбекистон чемпиони бўлган, спортдан кетгач, аввалига заводда ишлаган, кейин ҳайдовчилик қилган.

Бугунги кунда Тошкентдаги Яшнаобод туманида истиқомат қилади. 4 қиз ҳамда 2 ўғилнинг отаси.

Ассамблея йиғилишида Каримов даврида телекоммуникация ширкатларини лицензиялашга оид коррупция иши учун четлатилган, бугунги кунда эса Бош вазир бўлган Абдулла Арипов ҳам иштирок этди.

4 январ куни, Ўзбекистонда коррупцияга қарши қонун имзоланган эди, бироқ амалда ҳокимият тепасига бирин-кетин эски коррупционерларнинг қайтаётгани кузатилмоқда.

Сўнгги кадрлар алмашуви фонида икки кун бурун қабул қилинган «Коррупцияга қарши кураш ҳақидаги қонун»нинг ишлашига умид кам.

Трансперенс Интернешнл ташкилоти рейтингига кўра Ўзбекистон коррупция даражаси бўйича энг ёмон мамлакатлар ўнлигига киради.


Eltuz.com

Тағин ўқинг
2 май 2015
Бу бахслар НКВД- КГБ пропагандаси яратган заҳарли заминда ўсган мутант дарахтлар меваси каби туюлди менга. Мамлакатда на Чор мустамлакачиларига ...
15 ноябр 2015
Бу йил пахта тера олмадим, деб «хафа бўлиб» юргандим. Лекин кеча синфдошим Қадамбойнинг ғўзапоясини (поқолини) теришгани кўмакка (ёрдамга) борганимда ...
5 апрел 2018
Ўзининг уч яшар ўғлини бўғиб ўлдириб, дарахтлар остига ташлаб кетган андижонлик Саидахон Тиллаволдиева 3 апрель куни Тошкентда ҳибсга олинди. ...
22 феврал 2016
Қирқта чинорга қирон келтирганини тан олганидан бир кун ўтиб Мурод Назаров ўзининг ФБ саҳифасида тармоқ юзери Зафар Ҳошимовдан иқтибос ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...