Асосий мавзулар
6 январ 2017

Матбуот қарздорларни изза қилиш йўлига ўтди

Фарғона вилояти бош нашри “Фарғона ҳақиқати” солиқ, оқава сув ва электр энергиясидан қарздорлар рўйхати ва мавзуга оид мақолаларни эълон қилди

“Мол-мулк ва ер солиғини ўз вақтида тўлаш борасида дахлдорлик туйғусини унутганлар хусусида” дея аталган мақолада солиқлардан қарздорлар рўйхати илова қилинади.

Рўйҳатда Фарғона вилоятининг турли туманларида яшовчи жами 13 нафар жисмоний шахс ва бир қанча қарздор корхоналарнинг номлари келтирилган.

“Оқава сув истеъмоли хизматидаги муаммолар” мақоласида хизматдаги муаммолар эмас, қарздор ташкилотлар рўйхати келтирилган.

Қарздорлар қаторида номи тилга олинган «Энергомарказ» бош ҳисобчисининг Элтузга билдиришича, газетада келтирилган рақамлар нотўғри.

Оқава сув таъминотида узилишлар бўлганлиги сабабли, корхона маълум муддат сув учун шартномада кўрсатилган маблағларни тўламаган. Бугунги кунда хўжалик суди қарори билан кам-камдан бу маблағ Сув оқава ташкилотига ўтказиб берилмоқда.

“Ёруғи яхши-ю, тўлови ёмон…ми?!” мақолада эса электр энергиясидан қарздорлиги юқори бўлган шахслар рўйхати келтирилган.

Ҳокимликка яқин ўз исмини айтишни истамаган шахснинг Элтузга билдиришича, қарздорларнинг номини матбуотга чиқаришдан мақсад, уларни изза қилиб, қарзларни самарали тарзда, суд ҳаражатларисиз тезроқ ундириб олишдир.

Бироқ айни мақолаларда совуқ кунлардаги электр узилишлари, газнинг танқислиги ва ичимлик суви муаммолари ҳақида ҳеч нарса дейилмайди.

“Элтуз” мақолага муносабатни ўрганар экан, газетага чиқишдан ҳеч кимнинг унчалик хижолат бўлмаётганлигини билди.

“Барибир бу газеталарни ҳеч ким ўқимайди” деди қарздорлар рўйхатидагилардан бири.

«Газеталарнинг рост гапни ёзмаслигини ҳамма билади. Шунинг учун сиздан бошқа ҳеч ким бу масалага қизиққани йўқ», дейди у.

«Муаммолар ҳақида истеъмолчилар билан юзма-юз гаплашишдан қочиб, уларни энди матбуотда бирёқлама изза қилиш йўлига ўтишган», дейди Элтуз мухбирига светнинг сурункали узилишларидан зада бўлган бошқа бир қўштепалик аёл.

Вилоят туғуруқхоналарида электр узилишлари туфайли, движок ва лампа чироқлар ёруғида чақалоқлар дунёга келаётгани, вилоят ҳокимлиги мажлислари пайтида ҳам чироқнинг ўчиб қолгани, айни муаммонинг янада кескинлашаётганини англатади.

Насима Даврон қизи
Eltuz.com

Тағин ўқинг
8 декабр 2017
5 декабрь куни 51 ёшли тадбиркор Олим Сулаймонов оқлов ҳукми билан озод қилинди. Президентга видеошикояти ортидан 9 ой қамоқда ...
24 июн 2018
Россиялик футбол шарҳловчиси Василий Уткин Аргентина-Хорватия ўйини пайтида халқаро нуфузи баланд бўлган ўзбекистонлик рефери Равшан Эрматовни «эшакнинг ўғли» дея ...
1 декабр 2016
«Миллий тикланиш» газетаси (30.11) шу номдаги партиядан Ўзбекистон президентлигига номзод этиб кўрсатилган Сарвар Отамуродовнинг сайловолди учрашувлари якунига бағишланган каттагина ...
1 феврал 2016
Самарқанд вилоятида чақалоқлар ногиронлиги кўпайиб бораётганига оид суриштирувимизга бир неча аёлларнинг бу ҳақдаги шикоятлари сабаб бўлди. Оқдарё туман Равот ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...