Асосий мавзулар
13 январ 2017

100 кишига иш берган тадбиркор судда ютқазди

13 январ куни Андижон вилоят хўжалик суди Солиқ бошқармасининг андижонлик тадбиркор устидан даъвосини қондириб, унинг мулкини мусодара қилиш ва корхонани тугатиш ҳукмини чиқарди.

Бундан илгариги иккала суд инстанцияси ҳам солиқчилар фойдасига қарор чиқарга.

“Магнит Савдо Ишонч” ширкати рахбари Исроилов Раҳимжон 3 январ куни ижтимоий тармоқда президентга видеомурожаат қилган эди.

Бунда у фирмани шахсий пули эвазига очгани ва 100 га яқин кишини меҳнат билан таъминлаганини билдирди.

Энди эса суд ҳукми билан унинг ишчилари банкрот ҳолатда кўчада қолишлари мумкин.

Ширинликлар ишлаб чиқаришга ихтисослашган фирма фаолиятини солиқ идораси 2015 йилдан буён тафтиш қилади.

Фирмадаги дастлабки текширувлар 4 ой давом этган.

Ўшанда 4 йил давомида тўпланган транспорт, қурилиш ҳаражатлари билан боғлиқ 806 млн сўмлик солиқ камомади унинг бўйнига илинган эди.

Исроилов ўз бисотидаги тўртта машинасини сотиб камоамадларни қоплаган.

Бироқ, орадан сал вақт ўтиб Исроилов фирмасига қарши 3 млрд 200 млн миқдорида янги жарималар қўлланган.

Фирма рақамлари 6 ойдан буён музлатилган.

3-4 ойдан буён фирма ишчилари маош олишгани йўқ.

7 январ куни солиқчилар билн учрашган президент Шавкат Мирзиёев: «Бола чақасининг ризқини қийиб, бюджетдан пул олмай, иккитагина иш жойи барпо қилган тадбиркорни бошига кўтаришга тайёр»лигини билдирганди.

100 кишини иш билан таъминлаган андижонлик тадбиркор эса, бугунги кунда ўз солиқларидан кун кўрадиган мулозимлар томонидан хонавайрон қилинмоқда.

Видео: https://youtu.be/E28Rnnu1DGY

Eltuz.com

Тағин ўқинг
3 ноябр 2015
Малоҳат Эшонқулова мустақил журналист Қашқадарёнинг қонун ҳимоячилари ўзларининг ғайриқонуний ишлари билан ҳамиша машҳур! Бу гал ҳам шундай бўлди! Вилоятнинг ...
13 феврал 2018
13 февралда Стокҳолм шаҳри судида террор жиноятида айбланаётган ўзбекистонлик Раҳмат Оқилов маҳкамаси бошланди. Ушбу жиноят иши 35 кун, яъни ...
14 июл 2016
«Правда востока» газетаси Вьетнам Социалистик Республикасининг Ўзбекистондаги элчиси байрам муносабати билан «Жаҳон» ахборот агентлигига берган интервьюсини эълон қилди. «Ўзбекистон ...
25 июл 2017
Тўйтепа шаҳри Тошкент вилояти марказига айлантириларкан, уни smart – «ақлли» шаҳарга айлантириш учун 2 миллиард доллар сарфланади. Президент Мирзиёевнинг ...
Блоглар
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...
9 июл 2018
(фермер хўжалиги ишчисининг ҳикояси) Хоразмлик Ҳасанбой фермер хўжалигида ишлайди. Умри далада ўтган, деса ҳам бўлади. ...
3 июл 2018
Президент Шавкат Мирзиёев Олмазор туманидаги учрашувида Вестминстер университетининг 3-курс талабасига туризм вазири ўринбосари бўлишни таклиф ...