Асосий мавзулар
20 январ 2017

Ўқитувчилар далаларга гўнг сочмоқда

Фарғона вилоятида халқ таълими ва бошқа бюджет ташкилотлари хизматчилари буғдой экилган далаларга маҳаллий ўғит – гўнг сочишга чиқарилди.

«Туман ҳокимлигидан буйруқ беришибди, ҳар куни 10-15 чоғли одам фермерларга ёрдам берсин, далага гўнг ташисин, деб. Уларнинг бошида мен турибман», дейди халқ таълими бўлимида ишлайдиган Элтуз манбаси.

Унинг сўзларига кўра, ҳар куни мактаблардан икки-уч нафардан ўқитувчи ёки техник ходимлар далаларга олиб чиқилиши керак.

Айрим далаларда фермерлар қопларга гўнг солиб қатор бошига қўйиб қўйишгани, айрим далаларда эса тележкада олиб келиб эгатлар олдига тўкиб қўйилганлигини айтади у.

«Гўнгни аввал қоп ёки этакка солиб оламиз, кейин буғдойга сочаяпмиз», – дейди суҳбатдош.

Элтуз вазиятга ойдинлик киритиш мақсадида вилоят халқ таълими бошқармасига мурожаат қилди. Аммо улар бу ахборотни тасдиқламади.

“Бизда ўқитувчи ва боғча опалар фақат пахта теримига чиқади холос. Унда ҳам мажбурий эмас, ўзлари хоҳлаб, ҳашар уюштиришади” деди халқ таълими мулозими.

Тошлоқ тумани мудофаага кўмаклашувчи “Ватанпарвар” ташкилоти ходими эса, ҳақиқатдан ҳам фермер хўжаликларида шўр ювиш, гўнг сочиш, буғдойларни суғориш қандай кетаётганлигини, фермерлар бу ишларни қай даражада амалга оширганлигини текшириш учун ҳокимият томонидан ҳар бир ташкилот ва корхонага 2-3 тадан фермер хўжалиги бўлиб берилганлигини, ташкилот вакиллари фермерлар билан бирга далаларда юрганлигини айтиб ўтди.

«Пахтасини териб берганимиздан кейин, буғдойини ҳам етиштириб берамиз-да. Ҳали буғдой пишиғида уни йиғиб-териб олиш учун ҳам дала бошида ўзимиз қоровуллик қиламиз», – деди Қува туманидаги шундай “кўнгилли ҳашарчилар”дан бири.

Ўзбекистонда маориф ходимларига анъанавий тарзда бепул ишчи кучи сифатида қаралади. Улардан ҳукумат кўча тозалаш ва қишлоқ хўжалиги каби «жамоатчилик ишлари»да фойдаланиб келади.

Насима Даврон қизи
Ўзбекистонлик муаллиф таҳаллуси
Eltuz.com

Тағин ўқинг
25 октябр 2016
Ислом Каримов ҳукмронлигининг гуллаб-яшнаган даврида халқ шоири даражасига эришган «омадли» шоирлардан бири Иқбол Мирзо шамол қаёққа эсаётганини кўпчилик ижодкорлардан ...
26 феврал 2018
Каламушлар кема чўкаётгани учун эмас, балки уларга қарши курашишга бел боғлагани учун қочиш ҳаракатига тушиб қолди. Бир неча кун ...
21 июн 2017
Туркия президентининг тансоқчилари бошқармасида ишлайдиган 24 яшар Рамазон Ўзчелик (Ramazan Özçelik)нинг бошидан ўқ узилган жасади Ўзбекистон ватандоши Фарида Байрамованинг ...
17 март 2016
Бундан 11 йил олдин Остонада ўрнатилган ва Қозоғистонлик талантли ҳайкалтарош Тўлепбой Эрбўлатнинг “Севишганлар” номли тахсинга лойиқ асари муҳофазакор фуқаролар ...
Блоглар
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...