Асосий мавзулар
13 феврал 2017

Reina ҳужумчиси Машарипов ўз ўғлининг ҳам ҳудкуш бомбачи бўлишини истаган

Ўтган жума расман сўроққа тутиш учун Силвири қамоғига юборилган Ўзбекистон ватандоши Абдуқодир Машариповнинг Reina тунги клубига ҳужум олдидан камера олдида туриб видеомурожаат қилгани терговга маълум бўлди.

Турк матбуотининг тергов ҳужжатларига таяниб билдиришига кўра, Машарипов 27 декабр куни соат 23 дан 57 дақиқа ўтганида “алвидо видеоси”ни тасвирга олдирган.

Машариповнинг хотини Зарина Нуриллаева суратга олган бу видеода муҳтамал қотил “ўзини портлатиш усули билан кофирларга талафот етказишини”маълум қилган.

Зарина Нуруллева эри Машарипов Эронда эканлигида ИШИД вакилига байъат берганлигини терговга айтган.

Турк матбуотига сизган маълумотга кўра, видеомурожаатда Машарипов “фарзандлари улғайгунига қадар хотини моддий қийинчилик кўрмаслигига” кафолат сўраган ва ўғлига ҳам улғайганида “жонли бомба бўлишни” тавсия қилган.

Видеотасмада, қирғиндан сўнг Машариповнинг оиласи “ИШИД қўлловида бўлишига шубҳаси йўқлиги ва қирғиндан олдин бу ишга ëрдам берадиган ва ўзи каби яна бир қирғин уюштирадиган биродари билан кўришиши“ ҳақида ҳам билдирилган.

Бу видео олинишидан бир кун олдин Машарипов “қирғин ўтказилиши режаланган” тунги клуб олдида селфи видео олиб Суриядаги ИШИД координаторларига жўнатгани ҳақида ҳам турк матбуоти ëзган эди.

Машарипов ИШИД топшириғига кўра қирғин қилганини эътироф қилди

Истанбул Жумҳурият Бош прокуратурасининг Reina ҳужумида айбланган Машариповни қамоқда сақлаш бўйича ҳужжатида, “ИШИД террор тармоғи аъзоси Ўзбекистон ватандоши бўлган этник тожик Машарипов ИШИДнинг Туркия бўйлаб террор ўтказиш бўйича масъули “Абу Жиҳод” код исми билан ишлаган Yasser Mohammed Salem Radown топшириғига кўра ҳаракат қилганлигини тан олди” дейилади.

«Миллатдошимиз»

34 яшар Абдулқодир Машарипов 1 январга ўтар кечаси Reina тунги клубига қуролли ҳужум қилиб, 39 кишини отиб ташлаган ва яна 69 одамни яраланган эди.

Ҳужум учун масъулиятни “Исломий давлат” радикал гуруҳи ўз зиммасига олди.

Абу Муҳаммад Хуросоний лақабли Машарипов Туркия бўйлаб 16 кун давом этган қидириш амалиёти натижасида Истанбулда ушланди.

Машарипов Туркияга 2016 йил январида Эрон орқали келгани, бир муддат Кўнё шаҳрида яшагани, кейин “Исломий давлат” масъулларидан Истанбулда террор хуружи уюштириш амрини олганини билдирган.

Тошкент телевидениеси 2 февраль куни эфирга узатган «Кўнгилдаги қора доғлар» номли кўрсатувда Истанбул ҳужумчисини «миллатдошимиз» деб атаган эди.

Машарипов иши бўйича 36 киши қўлга олинди. Уларни орасида ўзбеклар жумладан Машариповнинг хотини Зарина Нуруллаева ҳам бор.

Видео: https://youtu.be/eMMgfFOQC0k

Eltuz.com

Тағин ўқинг
20 июн 2016
Товламачилик айби билан хибсда қолаётган 38 яшар Чинозлик тадбиркор Аҳмадбой Турсунбоевга нисбат берилган мактуб ижтимоий тармоқларда пайдо бўлди. «Мактубда» ...
14 декабр 2015
Шу кунларда, Озодлик радиоси ва бошқа бир қатор сайтлар тарқатган хабарларга кўра Ўзбекистон бўйлаб МХХ, милиция ва маҳалла фаоллари ...
24 март 2016
Сана муносабати билан сил қурбонларининг оғир қисматига назар ташлаймиз. 2009 йилнинг 18 январ куни милиция ходимлари 41 ёшли маҳбус ...
5 апрел 2017
Москвага давлат ташрифи билан борган Мирзиёевни аэропортда мамлакат президенти эмас, балки жинси ва драп камзул кийган, жамоатчиликка нотаниш бўлган ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...