Асосий мавзулар
17 феврал 2017

Шаҳардан бадарға қилинган «Дамас»лар туманларга қатнай бошлади

Андижон шаҳрида феврал бошида фаолияти тақиқланган “Дамас” машиналари туманларга кетиб киракашлик қилмоқда.

Бу ҳақда Элтуз мухбирига билдирган андижонлик 28 яшар тадбиркор Раҳматуллоҳга кўра, киракашларнинг оилалари “Дамас”дан келадиган тушумга қараб қолган:

«Баъзилар машинасини сотди¸ кўплар эса туманларга қатнаяпти. Тирикчилик қилиш керакку» дейди тадбиркор.

«Мирзиёев ислоҳотларининг формуласи «Алихўжа-Хўжаали» экани яна тасдиқланди», дея ёзди бу ҳақдаги хабарни фейсбукдаги ўз лентасига илган Улуғбек Ашур.

Андижон шаҳридан «бадарға қилинган «Дамас»ларнинг нима учун «ишсиз қолмаганлиги»ни изоҳларкан, журналист Улуғбек Ашур, бунинг сабабини «Дамас» эгаларининг кўпчилиги ҳокимиятда ишлашида кўради.

«Уларнинг сон-саноқсиз автомобиллари шаҳар бўйлаб одам ташийди ва бир тийин ҳам солиқ тўлашмайди. Қўйилган тақиқ уларга яна катта фойда олиб келади энди», дея билдиради у.

Унинг фикрича, шаҳар ташқарисига қатнаш шаҳар ичида юришдан қимматроқ.

«Дамас» ўрнини “Исузи” эгаллади

Элтузга маълум бўлишича, икки йил муқаддам Вилоят ҳокими қарори билан Андижон шаҳрига 200 дона «Исузи» автобуслари келтирилган эди.

Истеъмолчилар ҳуқуқини ҳимоя қилиш жамиятлари федерацияси вакили Элтуз мухбирига, йўловчи ташишда «Дамас»ларнинг тўхтатилишининг бир сабабини ҳайдовчилари устидан кейинги пайтларда кенгашга жуда кўп шикоятлар билан изоҳлаган.

«Дамасчи»лар инсофсиз бўлиб кетишган, йўлкира нархини хоҳлаганча кўтариб олаверадилар, шу сабаб бу транспортлар ҳаракатини чеклаш зарурати анчадан буён кўтарилиб келаётганди», деган эди у.

Йўловчи ташиш учун ҳавфли транспорт

Ҳокимликнинг шаҳарда «Дамас» йўловчи ташилишини тўхтатиш ҳақидаги қарори йўл ҳаракатини тартибга солиш зарурати билан изоҳланган.

Вилоят ҳокимлиги вакилининг маҳаллий матбуотга билдиришича, қарор “Дамаслар иштирокидаги аварияларни олдини олиш мақсадини” кўзлаган.

Элтуз мухбири гаплашган шаҳар ДАН ходимларидан бири, «Дамас»ларнинг йўловчилар ташишга мўлжалланмаганини билдирди.

«Айни “Дамас”чиларнинг ҳаракати туфайли кейинги пайтларда авариялар кўпайиб кетди”, — дейди у.

Унинг фикрича бу кичикроқ оилага мўлжаллаб ишлаб чиқарилган автомобил.

Бошқа томондан шаҳар йўналишида «Дамас» транспортининг тўхтатилишидан кўпчилик йўловчилар норози.

«Агар, мақсад йўл ҳаракатини тартибга солиш бўлса, бунинг учун яроқсиз бўлган транспортни вилоят ҳудудларига йўналтирилишида қандай мантиқ бор?», дея юзланади Музаффар Қосим исмли бошқа бир фейсбук юзери.

Унинг фикрича, бугун «Дамас»лар ҳаракати бошланган туманлар бўйлаб автомобил йўлларининг бугунги аҳволи, Андижон шаҳар йўлларидан кўра юз чандон бузуқроқ.

Андижон вилоят ҳокимининг махсус қарорига кўра 1 февралдан бошлаб шаҳарнинг ички йўналишларида «Дамас» автомашиналари билан йўловчи ташиш бутунлай тақиқланган эди.

Бунга қадар Андижон шаҳрида 92 та йўналиш бўйича тўрт мингга яқин «Дамас» автомобиллари аҳолига хизмат қилган.

Андижон шаҳар ҳокимлигидан олинган маълумотга кўра, уларнинг ярми автоуюшмаларга, ярми эса якка тартибда ишловчи ҳайдовчиларга тегишлидир.

Eltuz.com

Тағин ўқинг
23 декабр 2016
Ўзбекистондаги интернет сайтлари шу вақтгача тилга олинмаган муаммоларни ёритиб, ёзма нашрларга қараганда анча «довюраклашиб» бораётгандек таассурот қолдирмоқда. Хусусан, Kun.uz ...
31 март 2016
Унда чоп этилган битта лавҳачага кўзимиз тушиб, газетанинг савияси қанчалик экани тўғрисида ўзингиз хулоса чиқаринг, деган маънода уни деярли ...
13 декабр 2015
11 декабрь куни Термиз аэропортидаги Германия фойдаланиб келган ҳарбий транспорт базанинг тантанали ёпилиш маросими бўлиб ўтди. Рассом: Туз Eltuz.com
31 май 2017
19 май куни президент Мирзиёев Бухорода эркин сайёҳлик зонасини яратиш қарорини тасдиқлади. 2980-сонли қарорга кўра, Ўзбекистон Миллий банки масъул ...
Блоглар
21 феврал 2018
Улуғ шоир Матназар Абдулҳаким туғилганига бу йил 70 йил бўлади. У менинг дунёқарашимни ўзгартирган бир ...
20 феврал 2018
Фирибгарликда айбланаётган чинозлик тадбиркор, 40 ёшли Аҳмад Турсунбоев ва унинг шерикларига 16 февраль куни жиноят ...
19 феврал 2018
Ўзбекистондаги жўшқин сиёсий ўзгаришлар шу пайтгача мамлакатда энг қудратли куч бўлган Миллий хавфсизлик хизмати ўрнига ...