Асосий мавзулар
11 март 2017

Гугуш 16 йил қамоққа ҳукм қилинди

Келиб чиқиши озарбайжонлик бўлган таниқли қўшиқчи ва кино артисти Гугушни Эрон Инқилобий маҳкамаси 16 йил қамоқ жазосига сиртдан ҳукм қилди.

Гугуш 2000 йилдан буён Лос Анжелесда яшайди

Гугуш 2000 йилдан бери АҚШнинг Лос Анжелес шаҳрида яшаб келади. Инқилобий маҳкама ҳукми Эрон расмий нашри бўлган “Ҳимоят” газетасида эълон қилинди.

Гугуш билан биргаликда ҳижратда яшаëтган Эрон диссидентлари журналист Некоханг Кавасар, блогер Марзия Арман, фотограф Торо Ийнонлу, GTV телеканали раҳбари Саид Каримиён ва тармоқ активисти Амин Анварии Рустами ҳам узоқ муддатли сиртқи жазога ҳукм қилинди.

Улар Эронниг “тинч-осуда” ҳаëтини кўра олмаслик, мамлакат раҳбарларини қоралаш ва миллий хавфсизликни издан чиқариши мумкин бўлган қўпорувчиликда айбланишган.

Эрон мутаассиб режими тарафидан 16 йилга ҳукм қилинган қўшиқчи Гугуш 2002 йилда куйлаган «Ғариби-Ошно» қўшиғи ББС версияси бўйича Шарқнинг энг оммабоп қўшиғи деб эътироф қилинган эди.

Кўчаларга сувлар сепдим, ëр келганда тўз бўлмасин…

Гугушнинг асл исми Фоиқа Оташин. Гугуш унинг таҳаллуси.

Совет Озарбайжонидан қочиб Эронга ерлашган озарий санъаткор оила Собир ва Насриннинг қизи Фоиқа 1950 йили Техроннинг озарийлар яшайдиган Сариқчашма мавзеида туғилди.

Гугуш 7 яшарлик пайтида отаси билан сахналарда қўшиқ куйлади.

Эронда суратга олинган филмларда суратга тушди.

1971 йили Гугуш Франциядаги Канн мусиқа фестивалида “Retour de la ville” ва “J’entends crier je t’aime” қўшиқларини француз тилида ижро қилиб, бош совринни қозонди.

Бу даврга келиб, Гугуш Эрондаги энг машхур қўшиқчига айланиб улгурган эди.

Улкан стадионларга йиғилган минглаб эрон ëшлари “Ман омадаям” қўшиғини Гугушга жўр бўлиб куйлашар эди.

Гугушнинг жарангли овози истиқболига минглаб қўллар чўзилган эди…

Эронда юз берган Исломий инқилобдан сўнг, 1979 йилда мамлакат уламолар кенгаши Гугушга қўшиқ айтишни таъқиқлаб қўйди.

Гугуш Эрондан чиқиб кетганида, Теҳрондаги озарбайжонча газеталар “Оққуш ўз кўлидан айрилди” деб ëзишди.

Ашулачи ўзига таҳаллус сифатида танлаган Гугуш калимаси озарий тилида Гу қуш (Оқ қуш) маъносини беради.

Eltuz.com

Тағин ўқинг
9 август 2017
Сорри, албатта, бироқ мен прогрессив Президентимизнинг кечаги фармонини тушунмадим. Нимага тўй индустриясини бузиш керак? Ҳозир тўй анъаналаридан, айниқса бадавлат ...
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
3 май 2017
Ҳар йили шу куни БМТ Бош котибининг Халқаро матбуот кунига бағишланган баёноти тарқатилади. Жумладан 2006 йилги баёнотида, Оммавий ахборот ...
4 апрел 2017
4 апрелга ўтар кечаси тунда Фарғона вилоятининг Бувайда туманига қарашли Янгиқўрғон шаҳарчасидаги Марказий деҳқон бозорида ёнғин чиқди. Воқеа гувоҳларининг ...
Блоглар
22 феврал 2018
Ўзбекистон прокуратураси матбуот бўлими ходими 23 феврал куни телефонда «Элтуз» мухбирига Қодировнинг қамоққа олинмаганини, бошқа ...
22 феврал 2018
Дунёда энг узоқ муддат қамоқда бўлган журналист, 64 ёшли Муҳаммад Бекжон 22 февраль куни ўзининг ...
21 феврал 2018
Улуғ шоир Матназар Абдулҳаким туғилганига бу йил 70 йил бўлади. У менинг дунёқарашимни ўзгартирган бир ...