Асосий мавзулар
18 май 2017

Шаҳрихондаги заҳарланиш музқаймоқ бизнесига зарба берди

Шаҳрихон туманида юз берган оммавий заҳарланиш музқаймоқ бизнесига сезиларли таъсир кўрсатди. Андижон шаҳридаги ўнлаб музқаймоқ дўконларида савдо 30 % гача тушиб кетган.

Мавсумий савдо билан шуғулланувчи тадбиркорнинг айтишича, одамлар музқаймоқ ейишдан чўчимоқда.

«Бир кунда 100-150 кг гача фрезерли музқаймоқ сотар эдик. Шу воқеадан сўнг, одамлар болаларига музқаймоқ обергани қўрқиб қолди» дейди у.

Музқаймоқдан заҳарланиш ҳақидаги илк хабарлар 15 май куни тарқалганди.

Шаҳардаги барча музқаймоқ сотувчилар тафтиш қилинган

Соғлиқни сақлаш вазирлиги, воқеалар сабабини Шаҳрихон тумани, Амир Темур кўчасида жойлашган «МАКС» кафесида фрезерли музқаймоқ истеъмоли билан боғлайди.

Вазирлик тарқатган хабарга кўра, беморларнинг аксарияти 14 май куни ўша ерда музқаймоқ истеъмол қилишган.

Шунингдек, вазирликнинг аниқлашича, Бултирбоев Жаҳонгирмирзо исмли тадбиркор, ҳеч қандай тегишли рухсатномалар расмийлаштирмасдан, ўзи яшайдиган Андижон шаҳар, Фаробий МФЙ, Тешабой Мирзаев кўчасидаги 29-уйда ноқонуний равишда музқаймоқ учун қоришма тайёрлаш цехи ташкил этган.

Музқаймоқ тайёрлаш жараёнида санитария талабларига риоя қилинмагани, қоришмалар озиқ-овқат маҳсулотларини ташиш мумкин бўлмаган пластик идишларда кафега келтириб, сотишга йўл қўйилгани расмийлар томонидан иддао этилади.

Шунингдек вазирлик хабарида, у ердаги 4 та фрезер ускуналарининг музқаймоқ солинадиган сиғимлари, ҳамда фрезер ускунаси қисмларини ювиш ва зарарсизлантириш учун шароит яратилмаган, дезинфекция воситаларидан фойдаланилмагани билдирилади.

Тадбиркорда юмшоқ музқаймоқ қоришмаси тайёрлашда ҳавфсизликни кафолатловчи ҳужжатлар бўлмаган, музқаймоқ ишлаб чиқаришда эса ишлаб чиқарилган вақти ва яроқлилик муддатлари номаълум бўлган хомашёлардан фойдаланилган.

Кафеда фаолият юритган 4 нафар ходим эса белгиланган тартибда тиббий кўрикдан ўтмаган.

Соғлиқни сақлаш вазирлиги, шунингдек, юзага келган эпидемик вазиятни жойига чиқиб ўрганиш, беморларга ва маҳаллий мутахассисларга ўз вақтида ҳар жиҳатдан амалий ёрдам кўрсатиш учун бир гуруҳ етакчи мутахассислари Андижон вилояти Шаҳрихон туманига юборилганини маълум қилган.

Жабрланганлар расмий маълумотлардагидан кўп бўлиши мумкин

Расмий маълумотларда заҳарланганлар сони 186 нафар деб кўрсатилган бўлсада, шахрихонликлар жабрланганлар унданда кўп эканлигини айтишмоқда.

Беморлар Шаҳрихондаги касалхонадан ташқари, қўшни Асака, Андижон шаҳар юқумли касалликлар шифохонасига ҳам келтирилган.

Ўзини Андижон шаҳар юқумли касалликлар шифохонаси ҳамшираси деб таништирган аёлнинг айтишича, у тунги навбатчиликни топшириб, уйига қайтаётганида ишхонасидан чақириб олишган.

Айтишича, уларнинг шифохонасига ҳам музқаймоқдан заҳарланган беморлар жойлаштирилган.

«Одатда музқаймоқ қоришмасига турли мевалар таъмини берувчи қўшимчалар қўшилади. Содда қишлоқ одамлари ўткир ҳид ва таъмлар туфайли ачиган маҳсулот таъмини сезмаган бўлиши мумкин», дейди ҳамшира.

Элтуз мухбири сўров ўтказган шифохонада даволанаётган бир аёл қўшнисининг оилавий заҳарланган ҳақида айтса, яна бир келинчак 8 ойлик чақалоғига ҳам ўша музқаймокдан едирганидан пушаймонлигини билдиради.

Маълумот учун; Шаҳрихон туманида оммавий заҳарланиш холатлари биринчи маротаба юз бераётгани йўқ. Ўтган ёз мавсумида ҳам айнан шу туманда қандолатчилик маҳсулотларидан 200 нафарга яқин бола заҳарланганди.

Айни кунларда эса, Соғлиқни сақлаш вазирлиги Шаҳрихон туманида кузатилган эпидемик вазият назоратга олинганини билдирмокда.

Eltuz.com

Тағин ўқинг
18 ноябр 2015
Обид қорига суиқасд қилган Жуковский буйруқни Тошкентдан олгани ҳақидаги айблов хулосасини Швеция прокуратураси терговчиси Кристер Петерссон 17 ноябр куни ...
28 март 2016
Наврўз мавзусини давом эттирган «Адолат» газетаси бу байрам эскилик сарқити, диний маросим сифатида тақиқланган, ҳатто коммунист амалдорлар қишлоқма-қишлоқ юриб, ...
30 ноябр 2016
Бир гуруҳ ўзбек фаоллари Телекоммуникация секторидаги коррупцион схемалар ёрдамида тўпланган активларнинг мусодара қилиниши ва коррупция жабрдийдаларига қайтарилиши лозимлиги ҳақида ...
30 сентябр 2016
Москвадаги “Фуқаровий кўмак” ташкилоти раҳбари Баҳром Ҳамроевнинг Москвадаги уйига қўнғироқ қилган eltuz.com нашри мухбири, унинг турмуш ўртоғи билан гаплашиб, ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...