Асосий мавзулар
16 июн 2017

«Мардикорлар профсоюзи» фаолининг қамоқда ўлгани ярим йил ўтиб маълум бўлди

Мардикорлар касаба уюшмасини ташкил қилишга уринган фаол Нураддин Жуманиёзовнинг 2016 йилнинг 31 декабр куни 68 ёшида қамоқхонада вафот қилгани ярим йил ўтиб маълум булди. Фото: Маҳкум ўзбек фаоллари (ўнгдан) Нураддин Жуманиёзов ва Фаҳриддин Тиллаев

Инсон ҳуқуқлари ҳимоячиси Надежда Атаеванинг Элтуз нашрига билдиришича, бу хабарни шу йилнинг 15 июнга қадар ҳукумат амалдорлари ҳам, марҳумнинг яқинлари ҳам яшириб келишган.

«Улар индамай келишди шунча вақт. Биз бу вақт ичида БМТ идоралари, мамлакат элчихоналари орқали қанча сўровлар бердик. Унга ёрдам беришга ҳаракат қилиб келдик. Унинг хотини ҳеч ким билан гаплашишни истамади», дея билдирди Надежда Атаева Элтуз Нашрига.

У шунингдек, диабет касали билан оғриган маҳкум Жуманиёзовга адвокат Полина Брауберг орқали дори дармон жўнатганини, бироқ жазони ижро қилиш муассаси қаршилиши билан бу дори дармонлар эгасига етказилмай, адвокатнинг қўлида қолиб кетгани ҳақида гапирди.

Жуманиёзов Нураддин, яна бир ўзбек фаоли Фаҳриддин Тиллаев билан бирга «Одам савдоси»да айбланиб 2014 йилнинг январида ҳибсга олинганди.

Айни айбловлар билан Жуманиёзов 9 йилга, Тиллаев эса 10 йилу 8 ойга ҳукм қилинди. Улар шунингдек, тергов чоғида қийноқлар қўлланганининг адвокат орқали билдиришган.

Ўзбек фаоллари Нуриддин Жуманиёзов ва Фаҳриддин Тиллаевлар ҳибсга олингунига қадар бир неча йил давомида Ўзбекистонда Мардикорлар ва меҳнат мигрантлари ҳуқуқини ҳимоя қилиш мақсадида фаолият олиб боришган.

Улар стихияли тарзда пайдо бўладиган «меҳнат биржалари» (мардикор бозорлари)га бориб, мардикорлар билан тушунтириш ишлари олиб боришган, уларга меҳнат ҳуқуқлари ҳақида гапиришган.

2012 йилнинг сентябрида Мардикорлар касаба уюшмасига аъзолик анкеталарини тарқатишаётганида уларни милиция ушлаган эди.

Таъкид жоиз, мардикорлар – Ўзбекистондаги энг ҳуқуқлари чекланган тоифанинг биридир. Одатда улар – Ўзбекистоннинг қашшоқ ҳудудларидан иш излаб шаҳарга келадиган ёш йигитлардир.

Тошкент пропискасининг йўқлиги, кўпинча уларни мажбурий меҳнат қурбонларига айланишларига, милицияга пора беришларига сабаб бўлиб келади.

Eltuz.com

Тағин ўқинг
27 октябр 2017
«Мен Одиловга: – Аҳмаджон ака, пулингизни олинг, менга диетик овқат шарт эмас. Зонанинг ошхонасига фақат нонимни олиб келиш учун ...
2 ноябр 2016
«Халқ сўзи» газетаси (29.10) «Ижтимоий фикр» жамоатчилик фикрини ўрганиш маркази томонидан ўтказилган навбатдаги сўровнинг натижалари ҳақида мақола эълон қилди. ...
9 январ 2017
Шўролар даврида бир фантастик фильм бўларди. Ерликлар яхши ўзга сайёраликларга ёмон сайёрадошлари устидан ғалаба қозонишига ёрдам бериши ҳақида эди ...
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...