Асосий мавзулар
22 июн 2017

Фарғоналик ўқитувчи: «Президент келиб кетса, ишимиз енгиллашса керак»

Президент Мирзиёев 22 июн куни Фарғона вилоятига келди. Бюджет ташкилоти ходимлари ҳам енгил тин олишди.

“Шукур” – деди Элтуз мухбири билан суҳбатлашган учкўприклик ўқитувчи. Унинг сўзларига кўра, деярли беш ойдан буён президент келади деб, уларни кўча тозалашга чиқаришаётганди.

«Бундан ташқари ипак қурти боқиш, ғўзаларни чопиқ ва ягана қилиш ҳам бизнинг зиммамизда эди. Энди президент келиб кетса анча ишимиз енгилласа керак», дейди у.

Элтуз мухбири, айни ташвишлар юзасидан бир қанча халқ таълими вакилларини суҳбатга тортди.

Икки йил – таътилсиз

Апрел ойидаги чиқишларидан бирида Мирзиёев давлат амалдорлари учун ўзига ҳос «фавқулодда вазият» эълон қилган, икки йил давомида улардан суткасига 18 соатдан ишлаб беришни талаб қилганди.

Унинг гапларидан кейин Фарғонада ҳам бюджет ташкилоти ходимларининг иши анча кўпайиб қолганлигини кузатиш мумкин.

«Одатда ҳар йили 6 июндан 18 июнгача барча ўқитувчилар меҳнат таътилига чиқиб бўларди. Аммо бу йил ўқитувчиларга таътил йўқ экан. Бугун далага пахта чопиғига бордик», дейди элтуз мухбири суҳбатлашган фарғоналик ўқитувчи.

Чопиқдан ташқари, пахта зараркунандаларига қарши курашиш ҳам ўқитувчилар зиммасида.

Шу кунларда улар қишлоқ биолабараторияларида етиштирилган, зараркунандаларга қарши ҳашоротларни пахта даласига тарқатиш билан ҳам овора бўлишмоқда.

«Эртага далага чиқиб, пахтага қурт қўйишга борадиган ўқитувчилар рўйхатида ҳам борман», дейди яна бир ўқитувчи аёл.

Таъмир ҳам, ҳаражат ҳам ўқитувчилар ҳисобидан

Президентнинг келишига Учкўприк туманидаги Кенагас қишлоғида жойлашган Ҳазиний шоирнинг ҳилхонаси атрофидаги беш-олтита ҳовлининг ташқи деворларини суваш, бўяш мажбурияти ҳам ўқитувчилар зиммасига тушган.

«Ўқитувчилардан пул йиғиб, краска олдик, уста топиб ўша хонадонларни таъмирлаб бердик. Энди Президент келиб-кетгандан кейин дам олсак керак. Унгача пахтани чопиғини қилиб, қуртини ҳам қўйиб бўламиз» дейди Учкўприклик ўқитувчи.

Бу ҳолат вилоятнинг барча туманларида кузатилмоқда. Масалан Бувайда туманидаги Пошшопирим номли зиёратгоҳ ҳам президент ташрифига ободонлаштирилмоқда.

Маблағ эса тағин ўқитувчиларнинг чўнтагидан чиқмоқда.

Насима Даврон қизи
Фарғоналик муаллиф таҳаллуси
Eltuz.com

Тағин ўқинг
2 март 2016
Бугун, мен учун ва мен мансуб бўлган миллат учун азиз инсоннинг туғилган куни. Совет Иттифоқининг илк ва сўнгги президенти ...
22 апрел 2017
Бугун – Ер куни. Айни кунда Тошкент расмийлари экологик ҳаракат фаоллари чиқишлари, уларнинг чинорларни кесилишига қарши тўплаган петиция имзоларини ...
11 октябр 2016
Тошкентлик генерал Жўрабек тарафидан 1897 йилда қурилган, ўтган йилги ëнғин натижасида яроқсиз ҳолга келган «Жўрабек» масжиди «Марҳум Юртбошининг кенжа ...
14 июл 2017
Ошкоралик ва шаффофликни ўзига шиор қилиб олган Ўзбекистон ҳукумати буғдой ўрим-йиғими мавсумида юз бераётган қонунбузарликлар ҳақида оммавий ахборот воситаларида ...
Блоглар
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...
13 октябр 2017
9 октябр куни Ўзбекистон бош вазири ўринбосари Танзила Норбоева, (фото: чапдаги расм) nuz.uz нашри орқали ...
9 октябр 2017
«Талқончи» нон ушатишда давом этади… Ўзбек махбуслари учун чақимчи камерадош билан яшаш қандай ёқимсиз… Собиқ ...