Асосий мавзулар
12 июл 2017

Ўқитувчилар энди баклашка йиғишмоқда

Фарғона вилоятининг барча туманларидаги аксарият мактабларнинг ўқитувчилари баклашка (салқин ичимликлардан бўшаган елим идиш) йиғишга мажбурланмоқда.

«Бизнинг мактабимизга бир кунда 450 та баклашка йиғиш топширилди», – дейди Элтуз мухбири билан суҳбатда Бувайда туманидаги мактаблардан бирининг директори.

Лекин айни шу иссиқ кунларда баклашка топиш қийин. Чунки баъзи кишилар бўш баклашкаларни йиғиб, уни ювиб-тозалаб газсув сотадиганларга пулламоқда. Баъзи мактаб ўқувчилари эса пул топиш мақсадида совуқ чойни шундай баклашкаларга қуйиб бозорларда, автостанцияларда сотмоқда.

«Йиғилган баклашкаларни тумандаги селхозхимия деган ташкилотга яъни қишлоқ хўжалиги экинларини зараркунандалардан ҳимоя қилувчи қишлоқхўжалик кимё ташкилотига топшириб келаяпмиз», – деб сўзларини давом эттирди суҳбатдош.

Бу баклашкалардан ғўзага тушган қурт учун қопқон сифатида фойдаланилмоқда.

Баклашкани неча кун йиғиш, умумий норма нечта бўлиши ҳақида директор билмаслигини айтди. Чунки бу каби жамоат топшириқларининг аниқ вақти, белгиланган меъёри йўқлигига барча кўникиб қолган.

Ўтган йили, ўқитувчи ва шифокорлар кўсак қуртини қўлда териб олишга сафарбар қилинган эди.

Насима Даврон қизи
Eltuz.com

Тағин ўқинг
7 феврал 2017
Шу кунларда ҳокимлар, президентнинг вилоятга қачон келиши хақида фол очишмоқда. Мирзиёевнинг истаган вақт, истаган ҳудудни бориб кўриш хоҳиши, вилоят ...
4 декабр 2018
Қорақалпоғистоннинг Тўрткўл туманидаги сил касалликларига мойил болалар мактаб-интернати тарбиячиси Зулфия Мавлонова интернат директори Нурилла Рўзимовнинг тарбияланувчиларга нисбатан ноинсоний муносабатда ...
11 май 2020
1994 йилдан бери сургунда яшаëтган мухолифат лидери Муҳаммад Солиҳ 10 май куни ўзининг фейсбук саҳифасида Ўзбекистон президенти истеъфосини талаб ...
4 июн 2018
Муҳаммад Бекжонни 2002 йилнинг 30 апрелида Зарафшон зонаси бошлиғи ўринбосари Бахти исмли бақалоқ подполковникнинг олдига олиб киришади. У билан ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...