Асосий мавзулар
21 июл 2017

Террорчига ëрдам берганликда гумонланган ўзбек Данияда қўлга олинди

Жорий йил бошида Туркиядаги Reina тунги клубига ҳужум қилиб 39 кишини ўлдирган Абдуқодир Машариповга кўмак берганликда гумонланган 42 ёш, Иброҳимжон Асқаров(баъзи нашрларда İbrahimjon Asparov) Туркия талабига кўра, Даниянинг Вайле (Vejle) шаҳрида қўлга олинди.

Kuzey.dk нашрига кўра, Ўзбекистон ҳамда Дания ватандоши Иброҳимжон Асқаров илк этапда 4 ҳафтага ҳибс қилинган.

Истанбулдаги Reina тунги клубини 2017 йилнинг илк соатида қонга ботирган ва ИШИД жангариси сифатида қамоққа олинган Абдуқодир Машариповга қурол берган “Даниялик Иброҳим” код исми бўлган ва террор тармоғи аъзоси дея гумонланган Иброҳимжон Асқаров олдинроқ Данияда қўлга олиниб, қўйиб юборилган эди.

Иброҳимжон Асқаров Андижондан. Туркия экстрадицион талабида айтилишича, Данияда 2008 йилда бошпана олган. Руминия орқали 2005 да Данияга келган қариндошлариога қўшилган. Ўзбекистон ватандоши. Ҳали Дания паспортини олмаган.

Турк нашрларининг тергов ҳужжатларига таяниб ëзишича, Иброҳимжон Асқаров террор амали юз берган пайтда Истанбулда бўлган ва воқеадан сўнг, Данияга қочиб келган.

Дания нашрларининг ëзишига кўра, июнь ойида Дания миллий хавфсизлик идораси PET Иброҳимжон Асқаров борасида суриштирув ўтказган.

Суриштирув асносида, етарли исботлар бўлмагани боис Асқаров очиқда қолган. Аммо июль ойига келиб, расмий Анқара Асқаров борасидаги батафсил ҳужжатларни Данияга жўнатгани ортидан Асқаров судга тортилган.

Шарқий-жанубий Ютланд (Jutland) полицияси айбловчиси Дорше Моллер Андерсен (Dorthe Möller Andersen) маҳкама жараëнида сўз олиб “Асқаров жорий йил Reina тунги клубига қарши уюштирилган террор ҳужумига алоқадорликда айбланиб, Туркия талабига кўра қўлга олинганлигини “ урғулади.

Асқаров террор ҳужумида қўлланилган қурол-яроғларни Машариповга берганликда айбланмоқда.

Eltuz.com

Тағин ўқинг
24 декабр 2018
Ўзбекистон фуқаролик жамиятининг бир гуруҳ фаоллари Zeromax GMBH кредиторларининг Гулнора Каримованинг ноқонуний активларини товон сифатида олиш ҳаракатлари кучайганидан хавотир ...
7 июл 2019
«Озодлик оҳанглари» аудиокитоби ўзбек модерн шеъриятининг асосчиси Рауф Парфи шеърлари билан очилади. «Элтуз» нашри бу китобдан ўрин олган шеърларни ...
21 феврал 2022
Ўзбекистон Миллий хавфсизлик хизмати Жумасафар Дадабоевни бошқа давлатларда ишлаш учун жосусликка ёллашга уринган Қорақалпоғистондаги туркман қишлоғида туғилган фаол ва ...
15 апрел 2020
Жорий йилнинг апрели бошидан Тошкент кўчаларида БТРларда юриб, карантин боис карнайлар орқали аҳолини уйда қолишга даъват этиш бошланди. Бироқ ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...