Асосий мавзулар
20 сентябр 2017

Гулистон Давлат университети пахта теримига жўнаб кетди

Сирдарё вилоятидаги ягона Олий ўқув юрти Гулистон Давлат Университети талаба ва ўқитувчилари 15 сентябр куни пахта теримига жўнаб кетишди.

Гулистонлик талабалар ўз гуруҳ рахбарлари назорати остида далалардаги вақтинчалик ётоқ жойларида қолиб пахта теришмоқда.

«Элтуз»га бу ҳақда хабар қилган Университет талабасига кўра, улар пахтага кетиш ҳақида икки кун олдин огоҳлантирилишган ва теримдан бир кун олдин дарслардан озод этилиб, теримга тайёрланишга руҳсат берилган.

Улар ўзлари билан кўрпа-тўшак, иссиқ кийимлар, идиш товоқлар ва бошқа яшаш учун зарур буюмларни ўзлари билан олишган.

«Барча талабаларга пахта териш мажбурий»

«Элтуз» мухбири суҳбатлашган Университет талабаси, теримга бориш барча талабалар учун мажбурий эканини айтади.

«Агар талабанинг теримга бормасликка маълум сабаблари, масалан соғлиғи ёки оиласи билан боғлиқ сабаблари бўлса, факультет деканидан рухсат олиб, ўрнига одам ёллаши мумкин», дейди у.

Унинг билдиришича, бир ой пахта ётоғида қолиб ишлаш учун одам ёллаш нарҳи – 1 миллион 200 минг сўмгача (100-150 $) бўлади. Терим эса 40-50 кун давом этиши айтилмоқда.

Пахта вақтида камдан-кам талабалар соғлиғи яхши эмаслигини исботловчи маълумот олишга муваффақ бўлади. Сабаби шифохоналарда ҳам терим сабабли бундай маълумотномалар бериш имкони чекланади.

«Соғлиғим ёмонлиги боис шифохонага қатнаб, пахта теримидан озод бўлиш учун ВКК олмоқчи бўлдим. Текширувлар буни тасдиқласада, менга маълумотнома беришмади. Пахта вақти берилмас экан», дейди бу ҳақда Университетнинг 2-курс талабаси.

Бироқ унинг сўзларига кўра, таниш билиш орқали бундай маълумотномани олиш мумкин. Унинг айтишича, ҳатто ВКК справкасини сотиб олиш мумкин экан, унга курсдошлари бир талаба 500 минг сўм а эвазига шундай маълумотномани олганини айтишган.

Талабалар сафарбарлигини ташкил этиш, шу йилнинг июнида совет комсомоли андазасида тузилган янги ташкилот «Ўзбекистон Ёшлар Иттифоқи»га юклатилган.

Ўзбекистон-Германия Форуми Инсон ҳуқуқлари ташкилоти томонидан тайёрланган ушбу видеороликда Ўзбекистонлик талабаларнинг пахта теримидаги иштироки ҳақида ҳикоя қилинади.

Eltuz.com

Тағин ўқинг
17 март 2016
Ўзбекистон Миллий ахборот агентлиги – ЎзАнинг ички ишлар вазирининг биринчи ўринбосари Турсунпўлат Тошпўлатовга асосланиб ёзишича, Наврўз байрами арафасида хавфсизликни ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди», дея ёзди ...
7 март 2018
МХХ ҳибсхонасида қолаётган журналист Бобомурод Абдуллаев терговда қийноқларга солингани ҳақида 7 март куни адвокати Сергей Майоров орқали Ўзбекистон Бош ...
2 июл 2018
Ҳукуматнинг тўйларни чекламаслиги ҳақидаги хабарлари ортидан Тошкентда 13 та карнайчи иштирокида ўтказилган тўй тасвирлари 2 июль куни тармоқда тарқалди. ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...