Document UZ
6 ноябр 2017

“Пахта-2017”нинг навбатдаги қурбони. Боғча тарбиячиси астма хуружидан далада вафот этди

Андижон шаҳридаги 3-мактабгача таълим муассасаси тарбиячиси Илвира Пидаевна пахта йиғим-терими вақтида нафас қисишидан вафот этди.

Ҳамкасбларининг айтишича, Илвира мазкур боғчада қарийб 10 йилдан бери ишлаб келади. Маълумот беришларича, далада унинг касаллиги хуруж қилган ва тез тиббий ёрдам кўрсатиб улгурмасларидан ҳаётдан кўз юмган.

Пахта йиғим-терими муносабати билан Андижон вилояти ҳокими Шуҳратбек Абдураҳмонов 10 октябрь куни вилоят аҳлига мурожаат билан чиқиб, республикада 15 октябрдан 15 ноябргача зарбдор ойлик эълон қилингани, шу муносабат билан вилоятнинг барча аҳолиси умумхалқ ҳашарига ҳисса қўшиши кераклигини таъкидлаганди.

-Ҳокимнинг вилоят телевидениесида қилган чиқишини ўзим кўргандим,- дейди фуқаролардан бири. – У пахта ҳақида жуда қаттиқ гапирганди. “Ёрдам сўраб келишни биласанлар, пахта умумий бойлигимиз, ҳиссангни қўшиб қўй. Ҳамма чиқади пахтага, қари бўлса ҳам чиқади, ярамаса чойни дамлаб бериб ўтиради», деганди. Шундан кейин пахтага жалб қилинмаган бирор соҳа, бирорта ходим қолмади.

Ҳукумат буйруғи билан 22 сентябрда даладан қайтарилган талабалар, халқ таълими ва тиббиёт ходимлари октябрь бошида яна пахтага олиб чиқила бошланганди.

Мактаблар ва мактабгача таълим муассасаларига эса ҳар куни камида 30-40 нафар ота-онани ҳашарчи сифатида пахта теримига жалб қилиш топширилганди.

«Биз иложи борича ота-оналарни теримга чиқаришга ҳаракат қиляпмиз. Аммо уларга ҳам қийин бўлиб кетди-да. Ишлайдиган ота-оналар иш жойидан, ишсизлар эса МФЙдан пахтага чиқяпти. Етарлича ҳашарчи ёлланмагани боис ишчи-ходимлар ўзимиз пахтага чиқаётгандик. Илвиранинг астмаси борлигини билардик, унга далада ишлаш мумкин эмас эди»,– дейди марҳума билан бирга ишлаган тарбиячилардан бири.

Маълумотларга қараганда, Илвира 3-мактабгача таълим муассасасига ишга киришдан олдин Андижон нашриёт матбаа корхонаси ҳамда “Андижанская правда” газеталарида фаолият кўрсатган. Унинг ўғли Россияга ишлагани кетган ва Илвира уйида ёлғиз яшаётганди.

Аёл 28 октябрь шанба куни дафн қилинган. Ҳамкасбларининг билдиришича, марҳуманинг яқинлари олисдалиги боис барча маросимларни 3-мактабгача таълим муассасаси ва нашриёт раҳбарияти ўтказмоқда.

Eltuz.com

Тағин ўқинг
17 феврал 2021
Ҳали газга ўтилмаган ёнилғи сифатида фақат бензиндан фойдаланиладиган вақтлар эди. Бензин эса автомобилларга ёнилғи қуйиш шохобчаларига ҳафтасига бир кун ...
15 декабр 2020
Ижтимоий тармоқларда Бухоро шаҳри прокурори Жасур Фозиловнинг президент Шавкат Мирзиёевга йўллаган видеомурожаати тарқалди. Прокурор бир соатдан ошиқроқ вақт давом этган мурожаатида ўзига ...
2 март 2017
1 март куни журналист Жамшид Каримов рухий ҳастахонадан озод қилинди. 49 яшар Жамшид ўтган йили ўлган Ўзбекистон президенти Ислом ...
11 январ 2023
Тошкентдаги Луначарский, 1-cонли ҳукумат стационари ва Тошкент ташқарисидаги Дўрмон оромгоҳи, 3 январдан 20 январгача фақат ҳокимларга хизмат қилиш учун ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...