Cатира
23 ноябр 2017

Рашидов қурдирган Киночилар уйини Мирзиёев бузмоқда

Тошкент марказидаги Киночилар уйи ва ўндан ортиқ маъмурий бинолар пойтахт ҳокимлиги қарорига биноан бузилмоқда.

«Бинолар ўрнига «ТошбошпланЛИТИ» давлат унитар корхонаси томонидан режаланган “Тошкент-сити” қурилади», деди «Элтуз» мухбири 23 ноябрь куни суҳбатлашган тошкентлик меъмор.

Киночилар уйи (халқ орасида «Дом кино”) 1982 йили киночи Малик Қаюмов ташаббусига асосан, ўша пайтдаги Совет Ўзбекистони раҳбари Шароф Рашидовнинг қўлловида қурилган.

Ўзбекистонда Киночилар уйи зарурлиги ҳақида таниқли артист Юрий Никулин ҳам Рашидов билан учрашув пайтида айтгани эсланади.

Киночилар уйи ўзбек зиëлилари учун ғарб кино мактаби намуналарини томоша қилиш имконини яратган илк маскан сифатида қадрланган.

Бино ичида ҳайкалтарош Азамат Ҳатамов ва Дамир Рўзибоевга оид ҳайкаллар, машҳур керамика устаси Александр Кедрин яратган майолика панно ва СССР давлат мукофоти соҳиби Баҳодир Жалол ижодига мансуб “Абадият элчилари” деган эпик монументал фреска мавжуд. Фреска сграффито (итал. sgraffito) техникасида ишланган бўлиб, алоҳида бадиий қимматга эга.

Бино қурилишида новвотранг Ғазғон мармари ишлатилган.

«Бундай даргоҳнинг, ундаги санъат обидаларининг бузиб йўқ қилинаётгани жуда ачинарлидир», деди «Элтуз» мухбири билан суҳбатлашган ўзбек кинорежиссёри Улуғбек Йўлдошев.

Унинг сўзларига кўра, Тошкентдаги Киночилар уйи ҳар йили ўтказиладиган турли тадбирлар ва фестивалларда дунё санъаткорларини ўзига жалб қилувчи даргоҳ ҳам эди.

«Энди улар қаерга боришсин? Чилонзордаги эски «Ўзбекфильм» павильонигами? Бу кетишда у ерларнинг ҳам бугун-эрта бузилиши тайин», дейди Йўлдошев.

Рассом Туз
Еltuz.com

Тағин ўқинг
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони бўлди. Мактаб жойлашган маҳалла ...
18 июл 2016
«Ҳамма унутса ҳам, бизнинг ўзбек мусулмонлари унутмагандир. 16 февралдан кейин нима бўлди, бутун мухолифат йўқ қилинди…» дейди Камолиддин. Барбод ...
13 март 2018
Тошкентнинг Мирза Юсуф масжиди имоми Раҳматулло Сайфуддиновга 9 март куни «Озодлик» радиосини лаънатлаб, унга «жаноза ўқигани» ортидан Вазирлар Маҳкамасининг ...
4 август 2016
Ўзининг машҳур «Абдуллажон» филми билан танилган ўзбек кинорежисери Зулфиқор Мусоқов ўзининг фейсбудаги саҳифасида Телевидение орқали цензура қалинган филми юзасидан ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...