Cатира
27 ноябр 2017

Ҳокимлар эшак гўштли «Шаршара»ни кўп емоқдами?

Бош прокуратура ҳузуридаги департамент «Шаршара» савдо белгиси остидаги колбасалар эшак гўшти қўшилган ҳолда савдога чиқарилишининг олдини олганини маълум қилди.

Бу ҳақдаги хабарларда айтилишича, хоразмлик «ҳожатбарор»лар «Gold Premium product» МЧЖга қарийб 70 кг эшак гўштини етказиб берган.

Бу фирма эса эшак гўштини қўшиб, колбаса чиқаришга ҳозирлаган. Текшириб кўрилганда эшак гўшти қўшилган 275 килограмм ярим тайёр маҳсулот ашёвий далил сифатида олиб қўйилган.

Бундай хабарларни ўқиганда колбаса ишлаб чиқариш соҳасининг ҳар доим доим ҳам ҳалол фаолият юритмаганига яна бир бор ишонч ҳосил қилиш мумкин.

Андижон шаҳри ҳокими Раҳматуллаев ўқитувчиларни, эшак деган эди

Чунки гўштнинг ўзи қиммат бўлган давлатда колбасанинг нисбатан арзон бўлиши ғалати туюлади. Ўзбекистонда эса айнан шундай.

Шунинг учун Ўзбекистонда колбаса ишлаб чиқариш билан боғлиқ қонунбузарликлар ҳақида тез-тез турли хабарлар пайдо бўлиб туради.

Анча йиллар олдин «Тўхтаниёз ота» савдо белгиси билан чиқадиган колбасага қўшилган қўшимчалар юзасидан ҳуқуқ-тартибот идоралари жиноят иши очгани ҳақидаги хабарлар урчиганди.

Ҳали кўп вақт бўлмади, Самарқанддаги «эшаклар қабристони» ҳақида маълумотлар ўзбек матбуотини тутди.

Бу «қабристон»дан абадий макон топган эшакларнинг гўштлари ҳам Ўзбекистондаги колбаса ишлаб чиқарувчи компанияларнинг маҳсулотларига қўшилмаганига кафолат йўқ.

Бир неча йил илгари пойтахтдаги талабалар шаҳарчасидаги кафеда овқатланганлар эшак гўштидан заҳарлангани ҳақида ҳам маълумотлар ошкор бўлган эди.

Хуллас, Ўзбекистонда мол ва қўй гўшти қимматлаб, эшакларга қирон келди. Илгари қишлоқларда ҳар битта оилада эшак бўлган бўлса, бугун бу жониворни онда-сонда учратасиз.

Лекин ҳокимлар тилидан «эшак» сўзи тушмай қолгани ҳам бугуннинг ҳақиқати. Бу балки эшакларнинг камёблашиб қолгани асоратидир.

Ҳокимлар кўпинча мажбурий меҳнатни ташкил этишни эплай олмаётган таълим муассасалари раҳбарларига нисбатан шу сўзни ишлатмоқда.

Аммо бу тобора йўқолиб бораётган эшакка нисбатан ҳурматми ёки ҳокимларнинг эшак гўштли «Шаршара»ни кўп еяётгани оқибатими, буни аниқ айтиш қийин.

Баҳодир Шариф
Eltuz.com

Тағин ўқинг
23 ноябр 2016
Аввалига ижтимоий тармоқда фейк аккаунтлар орқали тарқалган, Гулнора Каримованинг ўлгани ёки тириклигига оид хабарлар тезгина ўзини жиддий дея санаган ...
16 март 2017
Медведевга совға қилинган  муҳташам қаср ҳикояси Навальний ҳисоботи марказидан ўрин олди. Маълум бўлишича, Россия бош вазирига яқинлиги айтилаётган жамғармага ...
9 июн 2017
Чала битказиб топширилаётган, президент буйруғи билан қурилаётган «Намунали уйлар» ҳақида кўп айтилди. Чунончи, бу биноларга ишлатиладиган эшик ойналарнинг ўғирлаб йўқ ...
19 декабр 2016
Анқарадаги замонавий санъат галереясида рус фотосуратчиларининг «Россия турклар нигоҳида» кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...