Асосий мавзулар
25 декабр 2017

Ана сайлов, мана сайлов

24 декабрь – якшанба куни Тошкент шаҳар халқ депутатлари туман кенгашларига бўлиб ўтган сайлов халқнинг бундай тадбирга умуман ишончи йўқолганини кўрсатмоқда.

«Элтуз»нинг Тошкент шаҳридаги сайлов участкаларидан бирида ишлаган манбасининг айтишича, сайловда мазкур сайлов участкасида рўйхатга олинган минглаб сайловчиларнинг бор-йўғи 150-200 нафари қатнашган.

«Бу кечки соат олтигача бўлган кўрсаткич. Негадир бу йил жуда суст ўтяпти сайлов. Энди кўрсаткич қилиш учун сайлов участкаси комиссияси аъзолари уйма-уй юришга чиқиб кетишди», деди манба.

Аҳолининг сайловга ишончни йўқотгани президент Шавкат Мирзиёевнинг жорий йилда сиёсий партиялар вакиллари билан учрашувда уларнинг ура-урачилигию қарсакбозлигини танқид қилгани ортидан кузатилмоқда.

Бундан ташқари, куни-кеча парламентга қилган мурожаатига ҳам президент депутатларни ҳеч бўлмаса «вовуллаб қўйиш»га даъват этган эди.

Айтиш мумкинки, давлат раҳбарининг шунча чақириқларига қарамай, қўғирчоқ партиялар сифатида кўриладиган сиёсий кучлар бу сафар ҳам аввалгидек аморф ҳолатдан чиқа олмади.

ЎзЛиДеПнинг сайёҳлик автобусларига ғата-ғат қилиб бир-ярим тарғибот қилганини айтмаса, ҳаммаси «эски ҳаммом, эски тос» қабилида бўлди.

«Эртага сайлов натижалари эълон қилинганида қандай рақамлар кўрсатилиши билмайман. Аммо сайловчиларнинг бу йилгидек сусткашлиги илгари кузатилмаган эди. Одамлар мажбур бўлганиданми, гап тегишидан қўрққаниданми, чиқар эди», деди «Элтуз» манбаси.

Унинг айтишича, бу йил сайловга ўз номзодини қўйганлар имкон қадар қизғин тарғибот-ташвиқот ўтказишга ҳаракат қилган. Шунга қарамай, сайловдаги фаоллик даражаси кўрсатиб турибдики, аҳоли бу тарғиботларга қизиқиш билдирмаган.

Элтуз

Тағин ўқинг
19 май 2017
Али Ҳамроев филмлари, мавзу доирасининг кенглиги, динамикасидан ташқари, инсоний кечинмаларининг чуқур акси билан ҳам замондошлари кино асарларидан ажралиб туради. ...
8 май 2015
Ишдан бўшатилган Лента.ру ахборот сайтининг бош муҳаррири Галина Тимченко ўз касбини пицца тарқатувчининг иши билан қиёслади. Агар пиццада мурч ...
4 январ 2018
Сўнгги икки ҳафта ичида мамлакат вилоятлари бўйлаб жами 54 та милиция постлари тугатилди. ИИВ матбуот хизматига кўра, тугатилган постларнинг, ...
31 май 2017
Шўролар ҳукуматининг кескин сиёсати, аҳолининг ҳусусий мулки, чорва молларини тортиб олиб, кўчманчи халқларни мажбуран ўтроқлаштириш, колхозлаштириш ҳаракатлари оқибати ўлароқ, ...
Блоглар
22 январ 2018
Расмда кўраëтганингиз Сетра автобуси олдида селфига тушган Мақсад 52 ўзбекистон ватандошини сўнг манзилга элтган автобуснинг ...
18 январ 2018
18 январь куни Самара-Чимкент автойўлида ёниб кетган эски «Икарус» автобусида 52 нафар ўзбекистонликнинг ҳалок бўлиши ...
17 январ 2018
Ўтган йили турли даражадаги ҳокимларнинг зўравонлиги, сўконғичлари, қўл остидагиларга бўлган қўпол муомаласига оид хабарлар, ижтимоий ...