Асосий мавзулар
22 феврал 2018

Ўзбекистонни бошқарган раҳбар Россияда оламдан ўтди

Россиянинг Воронеж шаҳрида сиëсий арбоб Владимир Анишчев 21 февраль куни 82 ëшида оламдан ўтди.

Анишчев 1991 йилгача Ўзбекистоннинг асосий раҳбарларидан бири бўлган эди.

Ўзбекистон Компартияси иккинчи котиби бўлган Владимир Анишчев “ўзбеклар иши” деб аталган маърака пайтида Кремлдан юборилган “десант” раҳбари ўлароқ, мамлакатда тотал назорат ўрнатган эди.

Анишчев 1985 йилдан 1991 йилгача Ўзбекистон ССР Компартияси иккинчи котиби бўлиб ишлаган давр маҳаллий кадрларга ишончсизлик, “қама-қама” даври сифатида тарихга кирди.

Айнан Анишчев раҳбарлик қилган даврда миллий ўзлик нишоналари “ëт унсур” дея чеккаланган эди, деб эслайди кинотасвирчи Абдулазиз Маҳмудов.

«У пора беришга мажбурлаганларни тасвирга олганман. Москва “десанти” таркибида келган амалдорлар ва уларнинг сардори Анишчев бизнинг маҳаллий порахўрлардан ҳеч ери кам эмасди. Бизники сингари йиртқич эди у. Анишчевнинг роли Москва «десанти»нинг ғоявий раҳбарлиги эди. Ўзбекистонни «Чуркестан» деган ҳам шу киши бўлади. Анишчев 1990 йилда Ўзбекистон мустақиллиги декларациясига тиш-тирноғи билан қарши бўлган рус шовинисти эди», дейди Маҳмудов.

Маҳмудовнинг айтишича, “Ўзбекистонни айнан Москванинг қўли бўлган иккинчи котиблар бошқарган. Анишчев Москванинг “Кремль ишончини йўқотган” Ўзбекистонга қўйилган одами эди ва унинг изнисиз Ўзбекистоннинг биринчи раҳбари, масалан, Ислом Каримов ҳеч нарса қила олмаган”.

«Десант» мансабдор шахслар қатағон қилинганидан кейин бўшлиқни тўлдириш учун келган эди.

«Гдлян ва Иванов айбдор деган фикр Ўзбекистоннинг олий элитаси манфаатларига тегилганидан кейин яралди… Каримов иқтидоридаги йигирма етти йилнинг бари ўзбеклар ишининг давоми бўлди. Қатағонлар ва приписка қилинган далаларда қулларса меҳнат…

Хотирамдан адашмасам, бу айнан Анишчев ва Усмонхўжаев даврида бошланган эди.

Оммавий репрессиялар Анишчевнинг иштирокисиз юз бермаган бўларди… Назаримда Усмонхўжаев қўрқоқ ва мунофиқ одам эди. Шу боис, репрессиялар билан айнан Анишчев шуғулланган, Усмонхўжаев эса фақат қоғозларни имзолаган бўлса керак», дейди Маҳмудов.

Ўзбекистон мустақил бўлганидан кейин Анишчев Россияга қайтиб келиб, Воронеж вилояти маъмуриятида фаолият кўрсатди. Ўзбекистонда ишлаган даврини эслаб, «Восточный орнамент» деган китобни чоп қилиб, Россия ëзувчилар уюшмасига аъзо ҳам бўлди.

Совет Ўзбекистони раҳбарларидан бири бўлган бу одам умрининг охирида Воронеждаги қўғирчоқ театрининг васийлар кенгаши раҳбари сифатида ишлади.

Eltuz.com

Тағин ўқинг
10 апрел 2018
Ҳар йили 10 апрель куни ўтадиган бу байрамнинг моҳияти, википедияга кўра, тинч нозўравон бўйcунмаслик, норозилик акциялари, саботаж, баъзан эса ...
25 январ 2016
Қамоқхона бошлиғи ўринбосари порахўр бўлиб чиқди “Ҳуқуқ” газетасининг ёзишича, Навоий вилоятидаги жазони ижро этиш муассасаси бошлиғининг умумий масалалар бўйича ...
21 август 2017
Маркази Берлинда жойлашган Ўзбекистон-Германия Форуми (UGF) 21 август куни Ўзбекистондаги мажбурий меҳнатга қарши янги анимацион роликни тақдим этди. Анимация ...
11 январ 2017
Янги йил олдидан россиялик миллиардер, агар уни Ўзбекистонга чақиришса боришга тайёрлигини айтди. Уни Ўзбекистонда ким кутаётгани, ким чақириши қоронғу. ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...