Document UZ
5 апрел 2018

Самарқандлик ҳайдовчилар икки мартадан жарима тўлашга мажбур бўлишмоқда

Ҳайдовчилик камарини тақмаганлик учун жарима тўлаб бўлган ҳайдовчилардан олти ой ўтиб қайтадан жарима тўлашлари талаб қилинмоқда. Бу ҳақда «Элтуз» мухбирига самарқандлик бир нечта ҳайдовчи маълум қилди.

Икки марта жарима тўлангани ҳақидаги «Элтуз»га келиб тушган маълумотнома нусхаси

Мажбурий ижро бюроси масъул ходимининг билдиришича, бюро шаҳар ички ишлар идораси томонидан берилган ҳужжатларга асосан ижро ҳаракатларини олиб бормоқда ва бу каби ҳар қандай англашмовчилик бўйича Самарқанд шаҳри ЙҲХБ масъулдир.

Тўлов квитанцияларини йўқотган ҳайдовчилар қайтадан 29 950,00 сўм тўлашга мажбур бўлишмоқда. Квитанцияни сақлаб қолганлар эса аввал шаҳар ЙҲХБга хизмат кўрсатувчи банкдан, кейин шаҳар ИИБ ЙҲХБнинг ўзидан маълумотномалар олиб, МИБга такдим этишлари шарт.

Самарқанд шаҳри ЙҲХБга хизмат кўрсатувчи «Ориент финанс банк» Самарқанд филиали тўловларни тасдиқлаш бўйича масъулининг «Элтуз» мухбирига маълум қилишича, охирги пайтларда олдин тўланган жарималар бўйича маълумотнома олиш учун ҳар куни бир неча ҳайдовчи мурожаат этмоқда.

Юзага келган ҳолатни Самарқанд шаҳри ЙҲХБ масъул ходими ҳам тасдиқлади, лекин ҳолат сабаблари бўйича асосли тушунтириш олишнинг имкони бўлмади.

Қонун бўйича 60 кундан сўнг давлат ижрочисига берилиши белгиланган ижро ҳужжатлари нима учун 180 кундан кейин берилганлиги ҳам номаълум.

Ўзбекистонда ҳайдовчиларнинг иккинчи марта қайтадан жарима тўлашга мажбур бўлаётганлиги ҳолати олдин кузатилмаган эди.

«Элтуз» нашри самарқандлик ҳайдовчиларнинг икки мартадан жарима тўлашга мажбур бўлаётганлиги бўйича ИИВнинг расмий муносабатини кутиб қолади.

Умид Эркин
Eltuz.com

Тағин ўқинг
25 июл 2016
XIV аср оëқлаган пайтда Бухоронинг нақшбандий уламолари “ë Оллох дўст, ë Оллоҳ” дея саловат айтароқ совуқ Сибирга йўл олишди. ...
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони бўлди. Мактаб жойлашган маҳалла ...
8 май 2016
Ўзбек нашрларида чоп этилган ушбу экспресс-сўров натижаларига кўра, «Ўзбекистон аҳолиси ШҲТ давлат раҳбарлари кенгашининг юбилей саммити мамлакатимиз пойтахтида ўтказилаётгани ...
28 сентябр 2018
Ҳукуматнинг янги қарорига кўра, Ўзбекистонда 2019 йилнинг 1 июлидан йўл ҳаракати қоидаси бузилгани тўғрисида маълумот юборган шахслар мукофотланади. Адлия ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...