Асосий мавзулар
9 апрел 2018

Чириган пиёзнинг бадалини ким тўлайди?

Бу йил баҳорга чиқиб Тошкентда пиёз хор бўлди. Айрим маҳаллаларга, кўп қаватли уйлар орасидаги ариқларда қоп-қоп тўкиб ташланган пиёзни кўришингиз мумкин.

Бу “мўл-кўллик” Тошкент шаҳри ҳокимлигининг халқни арзон пиёз билан таъминлаш мақсадида захира қилган маҳсулотни текинга тарқатиши сабаб келиб чиқди.

Ҳозир ҳар бир мактаб, болалар боғчаси, маҳалла фуқаролар йиғинларига текин тарқатиш учун машина-машина пиёз олиб келинган.

Гарчи Тошкент шаҳри ҳокимлиги ахборот хизмати “вазиятни ўрганган мутасаддилар пиёзнинг талаб даражасида истеъмолга яроқли эканини ўз кўзлари билан кўрдилар”, деб хабар тарқатганига қарамай, аслида бундай эмас.

“Бир қоп пиёздан нари борса 5-6 кило яроқлиси чиқади. Қолганлари чириб, кўкариб кетган. Ишлатиб бўлмайди. Ўша яроқлиси ҳам узоқ сақлашга ярамайди”, дейди текин пиёздан олган кишилардан бири.

Мутасаддиларнинг билдиришича, текин тарқатилаётган пиёзнинг миқдори қарийб 3000 тоннага яқин.

Саволлар туғилади, хўш, бунча пиёзни захира қилишга қанча маблағ сарфланган? У нега ўз вақтида бозорга чиқарилмаган? Ахир бу пиёз жуда катта маблағ сарфланиб жамғарилган-ку.

Бу йил Тошкент бозорларида пиёзнинг нархи унчалик осмонга ўрлаб кетгани йўқ. Бунга савдо ярмаркаларига чиқарилган захира пиёз ҳам сабаб бўлган бўлиши мумкин.

Лекин бирор маҳсулотни захира қилаётганда аҳолининг унга эҳтиёжи, бозордаги талаб ўрганилиб чиқилмаганмики, минглаб тонна пиёз чиритиб юборилди?

Аввалига ҳокимлик чириб бораётган пиёзни халқ таълими ходимларига мажбуран килосини 800 сўмдан сотиб, ими-жимида бошоғриқдан қутулиб қолиш ҳаракатида бўлди. Аммо бу мажбурлаш ошкор бўлгандан кейин текин тарқатишга ўтилди.

Кўп қисми чириб кетган, текин тарқатилаётган пиёзнинг қийматини бир хомчўт қилиб кўрсак. Агар 3000 тонна пиёзнинг килоси ўртача нархи 1000 сўмдан деб ҳисобласак, 3 миллиард рақами келиб чиқади.

Давлатнинг катта маблағи сарфланиб жамғарилган пиёзнинг талаб даражасида сақланмагани, шунча пул совурилгани учун кимдир жавоб берадими?

Eltuz.com

Тағин ўқинг
13 июн 2018
Тошкент шаҳрининг бош имом-хатиби Анвар Турсунов 13 июнь куни 60 ёшида оламдан ўтди. Бу ҳақда «Элтуз»га имомнинг яқинлари хабар ...
1 феврал 2016
Самарқанд вилоятида чақалоқлар ногиронлиги кўпайиб бораётганига оид суриштирувимизга бир неча аёлларнинг бу ҳақдаги шикоятлари сабаб бўлди. Оқдарё туман Равот ...
26 январ 2018
Ўзбекистон Миллий хавфсизлик хизмати раиси Рустам Иноятов Дубайда қиймати 12 миллион доллар бўлган турар жой иншооти қурдиргани ҳақидаги маълумотни ...
12 сентябр 2016
Бош Вазир Шавкат Мирзиёев ўзининг муштумзўрлиги билан, шунингдек, Тошкентдаги аҳоли уй-жойларини, гаражларини бузиш, пойтахт аҳолисини оммавий тарзда шаҳар чеккасидаги ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...