Асосий мавзулар
25 апрел 2018

RSF: Ўзбекистон матбуот эркинлиги бўйича бу йил тўрт поғона кўтарилди

«Чегара билмас мухбирлар» (RSF) ташкилоти 25 апрель куни эълон қилган 2018 йилги матбуот эркинлиги индексида Ўзбекистон ўтган йилги 169-ўриндан 165-ўринга кўтарилди.

Ташкилотнинг бу йилги ҳисоботида Ўзбекистон ўз қўшниси, ҳамон 178-ўринда қолаётган Туркманистондан олдинга чиқди.

Бироқ Ўзбекистон Марказий Осиёдаги қолган учта давлат – Қирғизистон (98), Тожикистон (149) ва Қозоғистон(158)дан ҳамон ортда қолмоқда.

Матбуот эркинлиги тадқиқ этилган ҳисоботда Ўзбекистон 180 мамлакат охиридан 15-ўринда турибди. Индексдаги биринчи ўринни Норвегия, охирги ўринни эса Шимолий Корея эгаллаган.

«Ҳали кўп иш қилиниши керак», дейилади ҳисоботнинг Ўзбекистон рейтингига бағишланган бўлимида.

«Журналистикага нафрат демократияга таҳдид солмоқда» деб номланган RSF ҳисоботига кўра, 2016 йил августида президент Ислом Каримов ўлимидан сўнг Ўзбекистон тарихида янги давр бошланган.

«Каримов диктатор сифатидаги 25 йиллик иқтидори давомида цензурани мустаҳкамлаш ва мустақил журналистларни таъқиб қилишдан ҳеч тўхтамади. Унинг вориси, собиқ бош вазир Шавкат Мирзиёев инсон ҳуқуқлари вазиятини яхшилашга ваъда берди, таниқли журналистлар қамоқдан озод этилди», дейилади ҳисоботда.

Бироқ «Чегара билмас мухбирлар»га кўра, камида уч нафар журналист ва блоггер ҳибсда қолмоқда, жумладан, уларнинг учтаси 2017 йил қамоққа олинган. Ҳибсга олинганлар уларга қийноқлар қўлланилганини билдиришган.

Сўнгги пайтларда репрессив тизимнинг бўшашгани сезилса-да, «Фарғона», «Озодлик» каби айрим сайтлар Ўзбекистонда илгаригидек тўсилганича қолгани билдирилади ҳисоботда.

Ўзбекистонда, шунингдек, ўқилиши исталмаган сайтлар қаторида «Элтуз» нашри ҳам маҳаллий провайдерлар томонидан тўсиб қўйилган.

Eltuz.com

Тағин ўқинг
13 апрел 2017
«Оила ва жамият» газетаси (12.04) президентнинг пенсионерларга метрода юришни (10.00 дан 16.00 гача) текин қилиб қўйганидан «миннатдор» кексаларнинг «катта ...
7 сентябр 2017
Футбол мураббийси Самвел Бабаян, жаҳон чемпионатига чиқиш вазифасини уддалай олмагани ортидан истеъфога кетди. Ўзбекистон Футбол Федерацияси Самвел Бабаян миллий ...
18 октябр 2016
Ўзбекистон нашрларини кузатиб, интернет тўғрисида турли ваҳималар, унинг зарарини кўпиртириб кўрсатиш барча нодемократик тузумлардаги матбуотга хос хусусият, деган тўхтамга ...
5 июл 2017
Президент Мирзиёев 13 июн кунги чиқишида ўзбек судьяларини одамларни ҳимоя қилмасликда, порахўрликда, ноҳақ қарорлар чиқаришда айблади. Каримов бошқарган икки ...
Блоглар
3 август 2018
Бир пайтлар нефтбазадан бензин, солярка олиб чиқиб сотар эдик. Яширинча олиб чиқар эдик, ишчиларига пул ...
2 август 2018
Муҳаммад Бекжоннинг «Алвидо, Жаслиқ!» китобидан навбатдаги қисм 1999 йилги Тошкент портлашларининг асосий гувоҳи Зайниддин Асқаров ...
1 август 2018
«Талқончи» нон ушатишда давом этади… Ўзбек маҳбуслари учун чақимчи камерадош билан яшаш қандай ёқимсиз… Собиқ ...