Асосий мавзулар
17 июл 2018

Подполковникнинг қамалиши МХХ сирларини фош қилмоқда

Миллий хавфсизлик хизматининг Афғонистондан ўтган 405 килограмм наркотикни сақлашда айбланиб, 2016 йили 20 йилга қамалган 42 ёшли подполковниги Баҳром Сувоновнинг яқинлари уни аслида МХХ ичидаги гуруҳ ўз жиноятларини яшириш учун қамоққа ташлашганини айтишмоқда.

Ўғлининг қамалишига олиб келган 2016 йилнинг баҳоридаги воқеани унинг отаси Хурсанд Сувонов бундай талқин қилади:

«Ғуломовчилар асли катта бир гуруҳ. Улар қотиллик, Афғонистондан наркотик, қурол олиб ўтиш билан шуғулланишган. Бу сирларни ўғлим билган».

2016 йилнинг апрелида унинг ўғли Афғонистон чегарасидан Ўзбекистонга олиб ўтиш учун чегарадаги тўқайзорга кўмиб қўйилган катта партиядаги салкам ярим тонна гиёҳвандлик моддасини топади.

Уни йўқ қилиш учун ҳужжат расмийлаштиради. Бироқ Хурсанд Сувоновнинг ўғлидан иқтибос келтиришича, ўғлининг ҳамкасблари наркотик моддаларни келаси 2017 йилга қадар сақлашни лозим кўришган.

Кейинчалик жиноятни ўзларидан соқит қилиш ва Баҳромнинг бўйнига илиш учун уни қамаб, оғир қийноқларга солишган.

“Президентинг ҳеч нарса қилолмайди. Бунинг бошида Нодир Тўрақулов турибди, дейишган ўғлимга”, дейди Баҳромнинг отаси ўз ўғлидан иқтибос келтириб.

Баҳромнинг яқинларига кўра, хавфсизлик хизмати ходимлари уларнинг ўғли қамалганини бир ой давомида яшириб келишган. Уларга ўғлинг хизмат сафарига кетган, деб айтишган.

”Ҳукмда 13 июнда қамоққа олингани катта ҳарфлар билан ёзиб қўйилган, лекин у 19 майда қамоққа олинган”, дейди Хурсанд Сувонов.

Унинг иддаосига кўра, ўғлини яширишга бўлган ҳаракат ортида уни ўлдириб йўқ қилиш нияти ётганини англатади.

Eltuz.com

Тағин ўқинг
18 март 2018
Қрим ярим ороли Россия армияси назорати остида 2014 йилнинг 18 мартида ўтказилган референдум натижасига кўра, Россия таркибига қўшиб олинди. ...
25 июл 2016
Биринчи видик расмини кўрганимда физика математикага мослашган мактабнинг иккинчи синфида ўқирдим. “Радио” деган журналнинг 1967 йилги иккинчи сонини хозир ...
7 июн 2018
Бу кун Англия фуқаролик жамияти томонидан монархия зўравонликларини чеклаш йўлида туб бурилиш ясалган санадир. 1628 йилнинг 7 июнида инглиз ...
8 май 2018
1865 йилнинг 8 майида замбарак билан қуролланган рус босқинчи отрядлари Тошкент яқинидаги жангларда қўқонлик Алимқул қўшинларининг қақшатқич ҳужумига учраб, ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...