Cатира
10 сентябр 2018

Бу турфа гуллар, айтинг….

Жамоатчилик босими нима дегани? Буни машҳур рус рассоми Вячеслав Зайцев айтиб берган эди. Зайцев кичкиналигида барча совет болалари қора сатиндан бўлган труси кийиши керак бўлган.

Зайцевнинг ота-онаси унга чет элдан келтирилган сифатли оқ труси кийдириб, боғчага юборган. Боқча опа Зайцевни бошқалардан фарқли иштон кийгани учун стул устига чиқариб қўйиб сазойи қилган.

Эртасига Зайцев «Bon Bon Bodywear» ëрлиқли трусини ечиб ташлаб, «Красний большевик» артелида тикилган арзон сатин иштон олиб беришларини онасидан кўзида ëш билан талаб қилган.
Боғчадаги жамоатчилик босимининг оқибати эди бу.

Худди шундай жиҳат тармоқнинг ўзбек сегментида кузатилмоқда. Сегментдаги битта қатлам барчани босим остида тутишни истайди.
Яхшиси бу ҳақда Асадулла Жўраев фикрини келтирсам:

“Фейсбукдаги ўзбек интернет сегментининг фожеаси – бу тармоқни догма ва нотолерант фикрлайдиган, мутаассиблар жуда узоқ вақтдан буён майдон қилиб олгани.

Ҳар қандай масалада ўзларининг фикрларини ўтказишга ҳаракат қилишади.

Ҳар қандай дунёвий пост қўйилса ҳам улар ўз уставлари билан етиб келишади.

Жуда кўпи реал эмас, балки фейк аккаунтлар. Ижтимоий фикр яратишмоқчи бўлишади.”

Яна бир тармоқ фаоли Нурилла Норчаевич мана бундай ëзади:
“Бу диндорлар аёлларимизни гей бола туғишда айблаб чиқишди.

Сериалларни таржима қилган артистларни хоинликда айблаб юборишди. Кўчада юришга қўрқиб қолдик ,тўғриси. Қачон қарасанг соқол қўй, намоз ўқи, зиёфат бер деб талаб қилишади. Эртага афғонларга ўхшаб қолишимиз ҳеч гап эмас бунақа кетишда.”

«Ўзгаларнинг эркин танловини чеклайдиган жамият фақат ўзини чеклайди», дейди «маънавиятчилар»га қарши фикрлари билан ижтимоий тармоқда машҳур бўлган тошкентлик тадқиқотчиси Рафаэл Сатторов «Элтуз» мухбири билан суҳбатда.

«Мана, қамалган блогерларнинг бир Зиёвуддин Раҳим. У ўзининг диний фикрлари билан бошқа шахсларнинг эркин танловига қарши бўлган рўмол ўрамаган аёлларни фоҳишаларга тенглаштирган, сериал артистларини ватан хоинлигида, фарзандларига ҳаром луқма едирганликда айбловчи фикрлар билдирган. У бошқалар эркини чекламоқчи эди, мана ўзига қайтиб келди шу нарса…».

“Муҳташам юз йил” фильмида Султон Сулаймон турфа ранг чечаклар чаппар урган гулзорга қараб туриб, “Яратган турлиликни севади. Агар бунинг тескариси бўлсайди, у фақат бир турли гул яратарди. Бир турли қуш, фақат бир хил одамларни яратган бўларди. Айни пайтда қарагин, биз жуда ҳар хилмиз. Бу боғ унда турли гуллар бўлгани учун чиройли”, дейди фильм қаҳрамони.

Турфаликни рад қиладиган босим бизни туссиз, рангсиз, танқидий таққослаб фикрламайдиган қулларга айлантириши мумкин.
Ўсимлик ортиқча намдан қийналгани, мойчироқ эса мой кўплигидан ўчиб қолгани каби одам ҳам ортиқча босим остида чўкиш таҳликаси бор.

Рассом Туз
Eltuz.com

Тағин ўқинг
11 май 2017
Давр тақозоси билан Ўзбекистонда совчилик анъаналари ўзгармоқда. Аста секин ўғиллардан ҳам кўра, қизларга тузукроқ жойлардан эр қидириш, совчи жўнатиш ...
1 июл 2020
Ёмғирдан қутулиб, дўлга тутилишми? Ўзбекистон пахта секторини хусусийлаштириш жараёнидаги хатарлар Power Briefs туркумининг Ўзбекистондаги пахта секторини хусусийлаштириш жараёнида асосий ...
15 январ 2024
Президент Мирзиёев 12 январ куни Ҳавфсизлик кенгашининг кенгайтирилган йиғилишида ўзбек медияси учун миллий контент яратиш зарурати ҳақида гапирди. «Биз Ўзбекистон ...
25 феврал 2024
Бугун ўзбекистонлик профессор олим ва мухолифат арбоби Ботир Норбоев вафот этган кун. У 2019 йилнинг 24 февраль куни 72 ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...