Document UZ
25 сентябр 2018

Аччиқ қалампирнинг аччиқ қисмати

Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги қарори ижросини таъминлаш асос қилиб кўрсатилди.

Бош вазир Абдулла Арипов иштирокида ўтган йиғилиш мажлис баёни нусхаси

Баъзи фермерлар пайсалга солиб юришди. Мен бўлсам “ҳоким барибир эктирмасдан қўймайди”, деган ўй билан ўзим ишга киришдим.

Тошкендаги аччиқ қалампир етиштираётганларнинг тажрибасини ўргандим ва улардан уруғлик сотиб оладиган бўлдим.

Аллақаёқдандир пайдо бўлган даллоллар вилоят ҳокимидан рухсат олиб фермерларни уруғлик билан таъминлашини айтди.

Ҳоким ҳимояси остида фермерларга босим ўтказиб, фермерлар билан шартнома туза бошлади. Тошкентдаги таниш мутахассисларга телефон қилиб даллоллар ҳақида сўрасам, улардан уруғлик олмасликни маслаҳат берди.

Уларнинг ўтакетган фирибгар эканини, уруғлари тумсонав бўлиб, умуман ҳосил тугмаслигини айтди. Хориждан келтирилган 1 кг энг сара қалампир уруғи 500 000 сўм бўлатуриб, даллоллар менга бепушт қалампир уруғини уялмай-нетмай 1 млн. 100 000 сўмга пулламоқчи.

Мен уларнинг таклифини қайта-қайта рад этишимга қарамасдан, улар мени тинч қўйишмади. Майли, дедим охири, шартим шуки, қалампир ҳосилини ҳам ўзларингиз сотиб оласизлар, дедим.

“Биз фақат уруғ сотиш билан шуғулланамиз”, дейишди улар. Кейин бошқача таклиф киритдим. Пулнинг 25%ини олдиндан, 50% ини уруғ униб чиққандан сўнг, қолганини ҳосилни кўриб тўламоқчи эканимни айтдим.

Улар эса ҳаммасини олдиндан тўлашимизни талаб қилди. Мен кўнмадим. Ўзим уруғ топиб 1000 метр ерга қалампир экиб, ҳокимнинг зуғумидан қутилдим. Ўша даллоллардан уруғ олган фермерларнинг ҳосилини кузатдим. Шилдираган поя бору ҳосил йўқ.


Аччиқ қалампир етиштириш бўйича kun.uz нашри эълон қилган ҳужжат

Меники серҳосил бўлди. Энди уни сўрайдиган одам йўқ. Шунча қалампирни кимга тердираман, кимга сотаман. Ҳозир ҳокимлар пахта билан овора. Пахта мавсуми тугагандан кейин тақсимотда кўрсатилган экинларни бирма-бир сўроқлаб бошлайди.

Қалампир чириб кетса ҳам уларнинг иши йўқ. Банкка фалон миллион нақд пул топширишни талаб қиладилар. Қалампир учун ҳам, бошқа экинлар учун ҳам қанча пул топширишимизни ҳозир ҳеч ким билмайди.

Хоразмлик фермер
Eltuz.com

Тағин ўқинг
10 октябр 2016
Бош вазир ва вақтинчалик президент Шавкат Мирзиёевнинг келиши олдидан унинг йўлларига янги асфальт солиниб, гуллар ўтқазилишидан ташқари бозордаги нархлар ...
30 ноябр 2016
Бир гуруҳ ўзбек фаоллари Телекоммуникация секторидаги коррупцион схемалар ёрдамида тўпланган активларнинг мусодара қилиниши ва коррупция жабрдийдаларига қайтарилиши лозимлиги ҳақида ...
18 апрел 2017
Даврий нашрларга обуна ихтиёрий экани айтиб келинадиган Ўзбекистонда чиқадиган газеталардаги мақолалардан аслида бунинг акси экани кўринади. Айни муаммо Жиззах ...
27 сентябр 2017
27 сентябр куни транспорт прокуратураси талаби билан Яшнаобод туман ички ишлар бўлимига олиб кетилган ёзувчи Нурилла Отахонов (Нуриллоҳ Нуруллоҳ ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...