Асосий мавзулар
23 ноябр 2018

«Элтуз» раҳбари Умида Ниёзовага «Тинчлик мухбири» мукофоти берилди

Италиянинг Бари шаҳрида 22 ноябрь куни бўлиб ўтган махсус маросимда «Элтуз» нашри директори Умида Ниязовага «Тинчлик мухбири» (Reporter for the peace) мукофоти топширилди.

Мукофот Ўртаер денгизи аёл журналистлари форуми томонидан таъсис қилинган.

Форум тинчлик ва инсон ҳуқуқларини мустаҳкамлаш йўлида фаолият кўрсатаётган, айни ҳаракатлари билан «тинчлик элчиси» бўлган аёлларни рағбатлантиради.


Бу йилги мукофотни ижтимоий фотожурналист Марчелло Карроццо асари тамсил қилди.

Умида Ниёзова Берлиндаги Ўзбекистон-Германия инсон ҳуқуқлари форуми (UGF) ва «Элтуз» сайти директоридир. У Freedom House ва Human Rights Watch халқаро ташкилотларининг Тошкентдаги офисида ишлаган.

2007 йили Умида Ниёзова Тошкентда ҳибсга олинган ва «жамият хавфсизлигига ва жамоат тартибига таҳдид солувчи материаллар тарқатиш» ҳамда «экстремистик диний материаллар контрабандаси»да айбланиб етти йилга озодликдан маҳрум этилган эди.

Кенг миқёсда олиб борилган норозилик акциялари ва халқаро ташкилотлар ёрдамида 4 ойлик қамоқдан сўнг у озод этилади.

2009 йилнинг сентябрида Умида Ўзбекистонни тарк этади ва Германиядан сиёсий бошпана олади. Бу ерда у аввалига Ўзбекистон-Германия инсон ҳуқуқлари форуми (UGF)га, кейинчалик Ўзбекистондаги воқеаларни ёритувчи Еltuz.com сатирик-ахборот нашрига асос солади.

UGF сўнгги етти йил давомида Ўзбекистоннинг пахта етиштириш соҳасида болалар меҳнати ва мажбурий меҳнат бўйича суриштирув ҳужжатлари, далиллар, гувоҳликларни йиғиш билан шуғулланиб келади.

2008 йили «Ҳьюман райтс уотч» ташкилоти Умидани «Инсон ҳуқуқлари ҳимоячиси» дея аталган юксак мукофот билан тақдирлаган эди.

Eltuz.com

Тағин ўқинг
13 август 2018
2000 йилнинг 13 июнида Муҳаммад Бекжон Жаслиқ турмасидан Тошкентга этап қилинади. Лекин ҳали озодликка чиқишга 18 йил бор… Элтуз ...
8 апрел 2021
(Шоир ва сиёсатчи Муҳаммад Солиҳ аудиокитобининг давоми. Боши «Элтуз»нинг «Императив» рукнида. Давоми бор.) «Ёшулличилар»нинг ҳаммасини ҳам Нурали Қобул каби ...
2 апрел 2016
Бу албатта бир хазил мактуб, масаланинг жиддий томони, «VimpelCom” чиндан ҳам фейк-ҳисоботлар учун Гибралтарда рўйхатга олинган Гулнора Каримованинг банк ...
23 март 2016
Вазирлик вакилининг айтишича, иш берувчи ходимдан унинг хизмат вазифаларига кирмайдиган ишларнинг бажарилишини талаб қилиш ҳуқуқига эга эмас. Бундан ташқари, ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...