Мултимедиа
26 октябр 2015

«Неандерталчилик»

Қудрат Бобожон
Eltuz.com

Ижтимоий тармоқда жавлон ураётган дўстларимдан бири ёзғириб қолди. “Группамда роса “тролл” кўпайибди, иккиюзтачасини “блок” қилдим!”

Бир йил бурун мен унга жавобан “Тўғри қилибсан, яша ота ўғил” деган бўлардим. Бу сафар ҳеч индамадим.

Шунчаки, унинг фикрига қўшилмаганим, ижтимоий жабҳадан ўзимни четга тортганим ёки унинг рўйҳатида 201-нчи бўлишдан қўрққаним учун эмас. Хаёлимни бузган бошқа нарса…

Каримовнинг халқ ичида обрўси ошгани рост. Тахминан 98 фоиз ватандошларимиз келаси сайловларда унга овоз беришса, буни ҳам сохтакорликка йўйиш керакмас.

rasm445
Президент Ислом Каримов собиқ бош вазир ўринбосари Исмоил Жўрабеков тиз чўкиб, Тоҳир Йўлдошни тинглаб ўтиришибди.

У бир вақтлар Тоҳир Йўлдош ёнида тиз чўкиб, унга Ўзбекистондаги демократик парламентни тарқатиш юзасидан “қимматли маслаҳати”ни берган кимса эмас.

Мана сўмнинг қадри бир кунда 20 фоизга йўқолди, долларнинг курси эса 6000 дан ошди. Бироқ, бу ҳақда ҳам ҳозир гапирмоқчимасман, мавзу кўпларнинг ғашини келтиришини яхши биламан.

Гапни Каримовнинг мамлакатдаги иқтисодий юксалишлар ҳақидаги фикрларидан бошлайман.

Ишонаверинг, банан шодасини кўрган маймунлардай ҳурсанд тўдани шу заҳоти мени атрофимда кўрасиз.

Улар аллақачон махсус хизматларнинг ойликка ишлайдиган троллари эмас. Троллинг дегани мутлақо бошқа нарса, буниси энди оддий неандерталчилик.

Ҳар байрамда юртвошининг рақсга тушиб қолиши ҳам бежиз эмас. Бир тўда оломон бир маромда, томонга қараб ирғишларкан, ўзинг ҳам беихтиёр ноғора товушига мос эшила бошлайсан. Буни “симптом” дейишади.

Нотавон, турмушда қийналган, хўрланган одамлар гипнозга кўпроқ мойил бўлишади. Айниқса сўфининг “ашир тушиши” каби таниш оҳанглар, хонадонлардаги рангли ва рангсиз экранлардан узлуксиз келиб турса.

rasm444
Кашпировский Ўзбекистон халқи учун махсус телесеанслар ўтказган эди

Тохир Йўлдош ёнида тиз чўккан Каримовнинг ҳаёлига 90 йиллар бошида Кашпировскийни телеэкранга чиқариш фикри бежиз келгани йўқ.

Беқарорликлардан абгор бўлган халқни, пода каби ўзи истаган жойга етаклаш учун энг яхши чора, уни янада транс ҳолатига тушириш эди.

Мана ўша етакланган халқнинг яна бир вакили мен билан фейсбукда “қизғин баҳс юритиш”га уринмоқда. “Юртимиз тинчлигини, осмонимиз мусаффолигини кўролмайдиган…” дея бошланади хониш.
Аккаунтимда уларнинг блок қилинганлари сони, яъни дўстларим сафидан ўчирганларим қисқа вақт ичида 175 та бўлибди.

Гуруҳдош, сиз нима дейсиз? Уларни блок қилишда давом этаверамизми ёки гурас гурас чайқалиб келаётганларга қарши Интернетни тўсишдан бўлак бошқа чорамиз ҳам борми?

Тағин ўқинг
22 ноябр 2018
Cамарқандда 22 ноябрь куни Инсон ҳуқуқлари умумжаҳон декларациясига бағишланган Осиё форуми инсон ҳақларидан кўз юмилиши фонида кечмоқда. Парадокс шундаки, ...
22 феврал 2018
Жиззахлик олти нафар фаол 21 февраль куни итларга қарши террорни тўхтатишни талаб қилиб, жамоатчиликка ва ҳукуматга мурожаат қилди. Жониворлар ...
21 июн 2017
Туркия президентининг тансоқчилари бошқармасида ишлайдиган 24 яшар Рамазон Ўзчелик (Ramazan Özçelik)нинг бошидан ўқ узилган жасади Ўзбекистон ватандоши Фарида Байрамованинг ...
24 июн 2016
Хитойнинг демократик ўзгаришлар ва Шарқий Туркистон Озодлик ҳаркатига қарши кураш воситаси сифатида тузилган бу шубҳали ташкилот кейинроқ Россиянинг империячилик ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...