Мултимедиа
22 апрел 2016

Рок-н ролл қироли Принс ўлди

Америкалик қўшиқчи 57 яшар Принс ўзининг Миннесотадаги овоз ëзиш студиясида ўлик холда топилди.

Қўшиқчи ўлими ҳақида унинг матбуот котиби Associated Pressга билдирди.

The Hollywood Reporterга кўра полиция сирли ўлим юзасидан тергов бошлаган.

Принц жасади эрталаб топилган, қутқарув хизматига бу ҳақдаги хабар маҳаллий вақт билан соат 9.43 да тушган. Тўлиқ исми Принс Роджерс Нельсон бўлган қўшиқчи бундан 6 кун аввал шамоллаш аломатлари билан шифохонага ётқазилганди.

Қўшиқчи 1958 йилда Миннеаполисда туғилган. У ўз мусиқий фаолиятини ритм-энд-блюз йўналишидан бошлаб, фанк, жаз ижрочиси сифатида ном чиқарган.

Қўшиқчи мусиқий истеъдодидан ташқари, ўзининг ёрқин имижи ва можароларга сабаб бўлувчи хатти-ҳаракатлари билан ажралиб турган.

Мусиқачи оммани нафақат мусиқаси ва кийимлари билан, балки 1993 йилда ўз тахаллусини эркак ва аёл рамзини билдирувчи белгилардан иборат, талаффуз қилиб бўлмайдиган эмблемага ўзгартиргани билан ҳам ҳайрон қолдирган.

Бундан кейин уни «аввал Принц номи билан маълум бўлган артист» деб атай бошлашган.

Қўшиқчи ҳаммаси бўлиб 39 та альбом ёзган. Унинг охирги альбоми 2015 йилда чиққан.

Қўшиқчининг энг машҳур қўшиқларидан бири Purple Rain (Қирмизи ёмғир) қўшиғи ҳисобланади.

Принс қаторасига етти марта “Грэмми” соврини ни олган эди. Шунингдек у “Қирмизи ëмғири” фильмида ижро қилган саундтрек учун “Оскар” ҳам олган.

Принс ижоди бошланган 1970 йилдан бери дунë бозорида унинг 100 миллиондан зиëд дисклари сотилган. 2004 йили Принс “рок-н-ролл шон-шуҳрати” залига номи олтин ҳарфлар билан зарб қилинди.

Eltuz.com

Тағин ўқинг
3 ноябр 2018
Ўз аъёнлари билан 2 ноябрь куни Бухорога келган Россиянинг миллатчи доҳийси Владимир Жириновский уни дабдабали зиёфатга таклиф қилган Бухоро ...
21 октябр 2016
«Халқ сўзи» газетаси (19.10) Ўзбекистонда 4 декабрда бўлиб ўтадиган президент сайлови кампаниясида иштирок этаётган журналистлар учун амалий семинар ўтказилгани ...
16 феврал 2021
Навоий вилоятининг Хатирчи туманида ўнлаб фермер, боғбон ва деҳқонлар ҳокимлик томонидан имзоланган ер билан боғлиқ ҳужжатларни ноқонуний, дея иддао ...
16 июл 2016
Ўзбекистонда «тинчликни мадҳ этиш учун» мафкура клипи сифатида тайёрлангани айтилаётган айни клип мусиқаси ўзгармаган, бироқ тасвирларда унинг эски нусхаси ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...