Мултимедиа
13 сентябр 2016

«Эчки ҳалақит бермаса» ёки «Мирзиёев ўз касбини ўзгартиради»

Бир неча кундирки ижтимоий тармоқларда машҳур совет филмлари сюжетидан фойдаланиб Шавкат Мирзиёев ва унинг атрофидагилар ҳажв қилинмоқда.

Ютубдаги Best Collection юзери «Иван Василиевич ўз касбини ўзгартиради» филмидан олинган учирма сўзлардан фойдаланиб Ўзбекистон Сенати раиси Ниғматулла Йўлдошевнинг маърузаси монтаж қилинади.

«Қани, пияниста, текинтомоқ, безори гражданлар…» дея гап бошлайди Айни кадрда собиқ терговчи ва сенат раиси Ниғматилла Йўлдошев ўзбек парламент аъзоларига.

Айни лавҳада Мирзиёевнинг «президент ўгитлари» деган жумлани, мутлақо бошқа маънони берувчи «президент ўғитлари» дея нотўғри ўқигани кулги остига олинади.

«Аловиддиннинг сеҳрли чироғи» мотивида тайёрланган бошқа шундай видеолавҳада эса, ўзининг ҳолатини оқламоқ бўлиб, Шавкат Мирзиёев Ўзбекистон Инсон ҳуқуқлари миллий маркази директори Акмал Саидовга «Донолар доноси нима дейдилар?» дея юзланади.

«Ҳақиқатан, туш ўнг эмас. Аммо ўнг кўрган туш бўлиши мумкин, туш асло ўнг бўлмас, ўнг туш бўлмас, туш билан ўнг, ўнг билан туш ҳаммаси бир бўлиб, туш ҳам ўнг эмас, ўнг ҳам тушў эмас, барибир гўр, ана…» дея изоҳ беради.

Айни видео муқаддам Eltuz.com тақдим этган «Жодугар Шавкат ривояти» филмининг давоми каби ишланган.

Яна бир муаллифнинг»Агар эчки ҳалақит бермаса» дея монтаж қилинган видеоси ҳам айни «Аловиддиннинг сеҳрли чироғи» филми мотивлари асосида монтаж қилинган.
Бунда Мирзиёевнинг президентликка келишига ҳалақит бериши мумкин бўлган давлат амалдорлари эчкилар сифатида талқин қилинади.

Эслатиб ўтамиз, бу каби ҳажвий видеолавҳалар уларнинг муаллифлари томонидан Ўзбекистон Сетатининг 8 сентябр кунги мажлисида Сенат раиси Ниғматулла Йўлдошевнинг бундай лавозимга лойиқ эмаслигини айтгани ва вақтинчалик президентлик лавозимига Бош вазир Шавкат Мирзиёев сайланганидан сўнг ижтимоий тармоққа қўйила бошланди.

Eltuz.com

Тағин ўқинг
21 октябр 2016
«Халқ сўзи» газетаси (19.10) Ўзбекистонда 4 декабрда бўлиб ўтадиган президент сайлови кампаниясида иштирок этаётган журналистлар учун амалий семинар ўтказилгани ...
27 апрел 2018
Негадир турли табақалардаги баъзи кишиларда яна 9 майни байрам қилиш «қичимаси қўзияпти». Бу сана бизда Иккинчи жаҳон урушида қатнашиб ...
2 ноябр 2015
2015 йилнинг 8 – 9 июля Женевада Инсон ҳуқуқлари бўйича БМТ Қўмитасининг кенгаши бўлиб ўтди, унда Ўзбекистондаги вазият муҳокама ...
3 ноябр 2016
Кейинги йилларда Ўзбекистонда пахта йиғим-терими даврида мажбурий меҳнат мониторингини амалга ошириб келаеётган Халқаро Меҳнат ташкилоти (ILO) кузатувчилари муаммолар анча ...
Блоглар
24 май 2018
Бу йил мактабларда ўқувчилар «Сўнгги қўнғироқ» ўрнига президент Шавкат Мирзиёевнинг билим олишга оид гаплари шиор ...
22 май 2018
Президент Мирзиёевнинг Андижонга сафари шаҳарни бегона кўзлардан тўсиш, ошиқча эҳтиёт чоралари ва мулозимларнинг одатий лаганбардорликлари ...
22 май 2018
Президент келиб кетгач, андижонликлар енгил нафас олишди. Бугун менимча раҳбарлар ҳам тўйиб ухлашган бўлишса керак. ...