Дайжест
15 май 2017

«Қишлоқ ҳаёти» қайси хизмати учун «олтин қалам» билан тақдирланди?

Май ойи бошида Ўзбекистонда оммавий ахборот воситалари фаолиятига дахлдор «Олтин қалам» мукофоти ғолибларини тақдирлаш маросими ортидан ижтимоий тармоқлар ва интернет нашрларда турли баҳс-мунозаралар урчиганди.

Мазкур мукофот ғолибларини аниқлаш нохолисликка асослангани, у муносибларга эмас, «танланган»ларга берилаётгани энг кўп таъкидланган иддаолар қаторида эди.

Ҳақиқатан ҳам, масалан, «Қишлоқ ҳаёти» газетаси қайси хизматлари учун «Олтин қалам» соҳибига айланганини бу мукофотни тарқатиш билан шуғулланадиган хослардан бошқа биров билмаса керак.

Чунки бу газета ўз саҳифасида қишлоқдаги бирор кескин муаммони кўтариб чиққани, аҳолининг бирор дардини очиқ айтишга охирги марта қачон журъат этганини бугун ҳеч ким эслай олмайди.

«Олтин қалам»ни олганидан сўнг газета балки яхши томонга ўзгарар, деган фикрга борганлар ҳам бўлган бўлса не ажаб.
Афсуски, «Қишлоқ ҳаёти»нинг 13 май кунги сонини қўлга олиб, мукофот бу газета савиясини кўтаришга эмас, балки янада хароб қилишга хизмат этганми, деган хаёлга боради киши.

А-3 форматда, 8 саҳифали газетада ўқувчини қизиқтирадиган бирорта мақолага кўзингиз тушмайди.

Унда президентнинг Хитойга сафари ҳақида ЎзА тайёрлаган ҳисобот, Ўрмон хўжалиги давлат қўмитасини ва унинг фаолиятини ташкил этиш тўғрисидаги фармон ва қарор матни ҳамда уларга шарҳ тўртта саҳифани банд этган.

Бир саҳифадан ортиқроқ жой ЎзАнинг республика ярмараси, ШҲТнинг Тошкентда ўтказилган форуми мажлисига бағишланган мақолалари билан тўлдирилган.

Яна икки саҳифани эълонлар эгаллаган. Охирги саҳифа эса ҳикматнамо мушоҳада, жиноятчилик ва ёнғин хавфсизлигига оид лавҳачалар билан якунланган.

Газетада бундан бошқа ҳеч нарса йўқ. Яъни «Қишлоқ ҳаёти» номли газетанинг бутун бир сонида фақат Ўрмон хўжалиги қўмитаси ва унинг фаолиятини ташкил этиш тўғрисидаги расмий ҳужжатларнигина қишлоқ ҳаётига қайсидир даражада алоқадор дейиш мумкин, холос.

Гапни «Олтин қалам» мукофоти билан бошлагандик. У бу йил «Қишлоқ ҳаёти» каби бир газетага берилган экан, кейинги йили бу мукофотни «аҳолининг ҳуқуқий саводхонлигини оширишга қўшган ҳиссаси учун» «Ўзбекистон қонун ҳужжатлари тўплами» номли нашр олса ҳам ажабланмаслик керак.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
15 май 2018
Тошкентлик туркшунос олим Андрей Кубатинга ўтган йилнинг декабрида Ҳарбий суд томонидан берилган 11 йиллик муддат, яқинда беш йилга туширилди. ...
22 декабр 2017
Марҳум президентнинг жияни Жамшид Каримов ҳақида тасвирлар олаётган журналист Улуғбек Ашур 22 декабрь куни фильм трейлерини тақдим этди. У ...
12 январ 2016
Биз собиқ банкир Рустам Усмоновнинг 1995 йил ёзган“Тўхтатилган парвоз” китобидан парчалар эълон қилишни давом эттирамиз. Обрўли ва бадавлат бизнесмен ...
5 июл 2017
Президент Мирзиёев 13 июн кунги чиқишида ўзбек судьяларини одамларни ҳимоя қилмасликда, порахўрликда, ноҳақ қарорлар чиқаришда айблади. Каримов бошқарган икки ...
Блоглар
22 октябр 2018
Яқин кунларда Ўзбекистонда қимматчилик бошланиши ҳақида аҳоли ўртасида шу кунларда анча кенг тарқалган хавотирнинг асоссиз ...
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...