Асосий мавзулар
15 май 2017

Ўзбек актрисаси Гулнора Каримовани озод қилишни Мирзиëевдан сўради

Алпомиш фильмида рол ўйнаб танилган кино ва театр актрисаси Гавҳар Шарипова Ўзбекистон президенти Шавкат Мирзиëевга мактуб йўллаб, ўтган йили ўлган президент Каримовнинг тўнғич қизини озод қилишни сўради.

11 май куни Гавҳар Шарипованинг facebook саҳифасида эълон қилинган бу мактубда таъкидланишича, “Мирзиëев Гулнорани даллолу ўртакашларсиз озод қилишини” сўраган.

“Ҳурматли Шавкат Миромонович Мирзиëев !!! Ўзбекистон ватандоши Шарипова Гавҳар Ҳасановна яъни мен сиз ҳурматли зотга Гулнора Каримова Исломовани озод қилишни тезлаштириш таклифи билан чиқяпман. У киши менинг ватанимнимга биринчи президент Ислом Абдуғаниевичнинг қизи бўладилар. Илойим Мехрибон ОЛЛОҲ у кишига жаннатдан уй ато қилсин.

Даллолларсиз бу иш битишини истар эдим.

Сабрсизлик билан жавобини кутаман», дейилади рус тилида битилган мактубда.

Мактуб муаллифи Гавҳар Шарипова ўз ëзганларига қўшимча пост скриптум илова қилган. Бу иловада Гавҳар Шарипованинг Гулнорага атаб ëзган шеъри ҳақида гап боради:

«Агар сиз бу матнни мен қандай эхтиросу ҳаяжон билан айтганимни эшитсангиз эди, Гулнора бошдан кечираëтган азобу уқубатларни ҳис қилган бўлардингиз. Албатта юрагингиз чидамасдан дарҳол менинг отам Ўзбекистон республикаси биринчи президенти Ислом Абдуғаниевич Каримовнинг қизини озод қилиш бўйича зудлик билан қарор қабул қилган бўлар эдингиз», дейилади, мактуб сўнгидаги пост скриптумда.

Мактуб остига Гавҳар Шарипова “Каримова Гулнора Исломовна ва камина дарди” деб номланган 11 куплетли шеърни ҳам жойлаштирган.

Гулнора Каримова номидан 2017 йил 5 майда ëзилган шеърда “Эрта бир кун озодликка чиқсам, халқим, ҳукуматимдан узримни сўрасам, не дер аҳли ислом не дер мусулмонлар” деган риторика бор.

Мактуб тагига айни пайтда Фурқат Файзиев, Зиëда Мадраҳимова, Муниса Ризаева каби ўнлаб ўзбек ижодкорларининг исми қўйилган.

Мактуб тагига исми тиркалган “ижодкорлар” зиндондаги маликани озод қилиш маъракасига ўзлари истамаган тарзда қўшилганидан қўрқиб даҳшатга тушишган.

Таниқли кино актери Фурқат Файзиев Гавҳар Шариповани дўстлари қаторидан ўчирганини ëзади.

Фуркат Файзиев: «Менинг ихтиёримсиз ва руҳсатимсиз исмимни ўз мактубингизга тиркагангингиздан ғазабдаман! Ўз ички аламларингизни ўзингиз билан қолдиринг.

Бу масалага муносабатимнинг сизга тааллуқи йўқ.

Мен Сизни дўстларим сафидан ўчирдим ва ва барча Сизнинг айтганларингизга вето қўйдим. (русчадан тарж)

Ўзбек актрисаси, қўшиқчи шоира, Ўзбекистон муаллифлар ва ижрочилар гильдияси аъзоси Гавҳар Шарипова бир қанча фильмларда ролларни ижро этган.

«Алданган аёл», «Алдаркўса», «Опа сингиллар», «Сарвиноз» ва «Алпомиш» фильмлари шулар жумласидан.

У ҳимоя қилаётган марҳум президентнинг қизи Гулнора Каримова гарчи ўзбек ҳуқуқ тартибот идоралари томонидан расмий айблов ҳануз билдирилмаган бўлсада, учинчи йил уй қамоғида қолмоқда.

Айни пайтда бир қанча Европа банкларидаги унинг ҳисоблари, ғарб телекоммуникация ширкатларининг унга «откат» тўлагани туфайли музлатилган.

Европа ва АҚШда унга қарши коррупция айблови билан жиноий иш очилган, 2017 йилнинг январида эса у Швейцария прокурори томонидан сўроқ қилинди.

Тағин ўқинг
11 май 2017
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. Айни ҳужжат асосида ярим ...
25 май 2016
«Ҳуррият» газетасида маҳалла тўғрисида эълон қилинган мақолада «совет даврида қаергадир «справка» керак бўлгандагина мурожаат қилинадиган идора» бўлган маҳалла мустақиллик ...
21 май 2017
Ўзбекистон президентининг тергов жараёнига оид янги қарори ижобий баҳоланаётган бўлса-да, мамлакатда кучли адвокатура, фуқаролик жамияти ва мустақил оммавий ахборот ...
20 феврал 2017
Ўзбекистон чорак аср марҳум Ислом Каримовнинг беш тамойили асосида яшаб келди. Бу беш тамойил аслида бир тийинга қимматлиги, қоғоздаги ...
Блоглар
19 июн 2017
Ўзбекистон президенти Шавкат Мирзиёев яқинда Тошкентда дин арбоблари, жамоат ва давлат идоралари вакиллари билан ўтказилган ...
9 май 2017
Болалигимизда Дўстжон дадамнинг Улуғ Ватан уруши иштирокчиси эканлигидан фахрланардик. Ҳар 9 май байрами арафасида дадамни ...
8 май 2017
3 май – Жаҳон матбуот эркинлиги кунига бағишлаб “Олтин қалам” мукофотларини топшириш маросими журналистлар ва ...