Сас
17 август 2017

«Ўз халқини қирди бир хоин…»

Матлуба Азаматова 1965 йил Андижон шаҳрида туғилган. Максим Горький номли Адабиёт институтида таҳсил олган. Британиянинг IWPR институти ва Би Би Си радиоси мухбири бўлиб ишлаган. Ҳозирда Швециянинг Ҳелсинборг шаҳрида яшайди.

Қонли Андижон

Қонга ботди бугун Андижон,
Ҳақ излаган халқим қирилди.
Кўчаларда гирдоб бўлди қон,
Инсон ўлиб, руҳлар тирилди.

Қонга ботди бугун Андижон,
Чангалини ёзди Азроил.
Ёш гўдаклар таслим қилди жон,
Ўз халқини қирди бир хоин.

Қонга ботди бугун Андижон,
Жонни олди Ислом деган зот.
Мурдаларга тўлди бу майдон,
Тополмади одамлар нажот.

Қонга ботди бугун Андижон,
Мард йигитлар жон қилди фидо,
Ёш бола-ю, қизу ёш-жувон…
Ҳаммасига гувоҳдир Ҳудо.

Қонга ботди бугун Андижон,
Ажал қувди минглаб одамни.
Отангман, деб қутурган ҳайвон,
Тингламади ҳеч бир нолани.

Қонга ботди бугун Андижон,
Ўлим бугун қилди тантана.
Ҳақиқатдан кетди бор мадор,
Устун келди хиёнат яна.

Қонга ботди бугун Андижон.
«Халқ отаси» фарзандин қирди.
Халқим юрагингда уйғонсин исён,
Дунё сенинг кулфатинг билди.

Қонга ботди бугун Андижон.
Қасос тайин қотиллар учун.
Қалбда гулхан ловуллар ҳар он,
Ҳақни қўллаш – бу менинг бурчим.

Матлуба Азаматова
«Озодлик оҳанглари»
Eltuz.com

Тағин ўқинг
23 октябр 2017
Ўзбекистон парламенти спутник ликобчаларини ўзбошимча ўрнатишни тақиқловчи қонун лойиҳасини тақдим қилди. Бу ҳақда 12 октябр куни ЎзА агентлиги хабар ...
11 июл 2017
Президент Мирзиёевнинг мактабларни 11 йиллик тизимга қайтариш, бунинг учун коллежларни ёпиш таклифи Ўзбекистондаги кўпчилик томонидан олқишланмоқда. 18 июн куни ...
13 март 2018
Тошкентнинг Мирза Юсуф масжиди имоми Раҳматулло Сайфуддиновга 9 март куни «Озодлик» радиосини лаънатлаб, унга «жаноза ўқигани» ортидан Вазирлар Маҳкамасининг ...
13 декабр 2015
11 декабрь куни Термиз аэропортидаги Германия фойдаланиб келган ҳарбий транспорт базанинг тантанали ёпилиш маросими бўлиб ўтди. Рассом: Туз Eltuz.com
Блоглар
22 май 2018
Президент Мирзиёевнинг Андижонга сафари шаҳарни бегона кўзлардан тўсиш, ошиқча эҳтиёт чоралари ва мулозимларнинг одатий лаганбардорликлари ...
22 май 2018
Президент келиб кетгач, андижонликлар енгил нафас олишди. Бугун менимча раҳбарлар ҳам тўйиб ухлашган бўлишса керак. ...
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан ...