ART-DURBIN
15 сентябр 2017

Тошкентдаги кўргазмада диссидент рассом Шуҳрат Бобожон тақдим этилди

15 сентябр куни Тошкентдаги «Zeroline» галереяси «Қочиш» (Побег) деб номланган тасвирий санъат кўргазмасида, мамлакатни тарк этган рассом Шуҳрат Бобожон асарларини 16 йилдан сўнг илк бор тақдим этди.

Оҳирги бор унинг сувратлари 2001 йили, мамлакатдан чиқиб кетганидан бир ойча ўтиб, Германиянинг Тошкентдаги элчихонасидаги кўргазмада тақдим этилган эди.

Шуҳрат Бобожон Рассом Музаффар Абдуллаев» портрети

Кейинчалик, 2016 йилнинг декабрида МХХ ходимлари унинг ва бугунги кўргазма ташкилотчиси, концептуал рассом Вячеслав Оҳуновнинг Урганч Сувратлар галереясида сақланаётган 200 дан зиёд асарларини ёқиб йўқ қилишга буйруқ берганди.

«Ўша пайтда ҳукуматнинг ҳаракатига мен Тошкентда кўргазма уюштириш билан жавоб бердим. Бугунги кўргазма «Zeroline» галереясида ўтаётган тўққизинчи шундай кўргазмадир», деди кўргазма тақдимотидан сал олдин «Элтуз» мухбирига интервью берган рассом Вячеслав Охунов.

Кўргазмада шунингдек турли даврларда яшаб ижод этган 13 нафар рассомларнинг асарлари ҳам ўрин олган.

Кўргазмадан ўрин олган Бухоролик рассом Зелимхон Саиджонов асари

Бу рассомларни бир-бирига боғлаб турган жиҳат улардаги ўзгача фикр, постсовет ижодкорлари зеҳниятига сингдирилган соц.реализмдан қочиш истагидир.

«Побег – сўзининг биринчи мазмуни, албатта қочиш – соцреализмдан қочиш, иккинчи маъноси янги ниш ураётган куртакни, кейинги мазмуни эса генерация – келаётган ёш авлодни англатади» дея изоҳлади Вячеслав Оҳунов.

Санъат муҳлислари янги кўргазмада совет ва постсовет даврида яшаб ижод этган модернист рассомларнинг уч авлоди асарлари билан танишадилар.

Концептуалист рассом Вячеслав Оҳунов

«60-йиллар стилягалари бўлган Дамир Рўзибоев, Александр Волковлар, марғилонлик Евгений Кравченколар ўз бригадасини тузишганди. У пайтлар джазни севишарди, улар абстракт рангтасвир билан шуғулланишган», дейди Вячеслав Оҳунов.

Иккинчи генерация эса рассомнинг сўзларига кўра 70 йиллардан бошланади. Бунга Вячеслав Оҳуновнинг ўзини, – концетуализмни ўзлаштириш тажрибалари билан, Игор Тохтаев, Крикис гиперреализм ва сюрреализмини, Энгел Исҳоқов структурализмини киритиш мумкин.

80 йилларга келиб эса яна бир янги давр алмашди, бу даврда рассом Шуҳрат Бобожоновнинг ёндошувларини мисол келтиртиш мумкин.

Ўзбек рассомлари. 80-йиллар

«Кўргазма шу муаллифларни тамсил қилади. Умуман биз ҳукумат ташкилотлари журъат қила олмайдиган йўналишда ишлаймиз.», деди рассом Вячеслав Оҳунов «Элтуз» мухбирига.

Кўргазма ташкилотчиларига кўра, рассом Шуҳрат Бобожон 80 йиллар экспрессив портретлар яратган, кейин эса неонаив оқимини тамсил қилган замонавий ўзбек рассомидир.

Айни пайтда Шуҳрат Бобожон «Озодлик» радиосининг Прага студиясида етакчи журналист сифатида фаолият кўрсатмоқда.

Eltuz.com

Тағин ўқинг
1 март 2018
Президент Мирзиёев 27 февраль кунги селектор йиғилишида «Ўзбекозиқовқатхолдинг» давлат ширкатини мева-сабзавот экспорти режасини бажармаганликда айблаб танқид қилди. Президент танқиди ...
30 август 2016
Кеча, 29 август куни, қатор интернет нашрлари, Ўзбекистон президентининг ўлими ҳақидаги хабарни чоп қилди, жумладан биз ҳам. Ҳозирга қадар ...
18 сентябр 2018
Ҳозир Ўзбекистонда ҳайдовчилик гувоҳномасига оид ҳар қандай жараён тўғридан-тўғри “Автотест” МЧЖга бориб боғланаверишига кўпчилик ўрганиб қолди. Яқинда илгари ҳайдовчилик ...
1 май 2016
Ўзбекистонда энг олий ҳукумат изни билан ягона монополист переференцияси берилган «General motors» устамаларига бошқа «ўғрибоши» эгалик қилиши режаланган кўринади. ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...