Мултимедиа
26 сентябр 2017

«Подшога шак келтирган» ўзбек ёзувчиси Тошкентга қайтмоқда

26 сентябр куни танқидий фикрлари учун ўзбек ҳукуматининг қора рўйхатига киритилган 63 ёшли ёзувчи Нурилла Отахонов Туркиядан Тошкентга йўл олди.

Учиш олдидан «Элтуз» нашрига интервью берган Нурилла Отахонов қора рўйхатда бўлганини, ундан ўчирилган куни билганини айтади.

«Мени қора рўйхатга киритишганини, очиғи рўйхатдан ўчирилган куним билдим», дейди у «Элтуз» мухбири билан суҳбатида. Бироқ у буни 2013 йили ишдан бўшатилгач, сезганини айтади.

«Кўп жойлар мени ишга таклиф қилади. Бораман, ҳужжатларим қаергадир кетади. Кейин бир ҳафта икки ҳафта ўтиб, йўқ, ишга қабул қила олмаймиз, дейишади. Демак мени қандайдир қора рўйхатга киритишган экан»

2016 йили, Туркияга сафар қилган адиб, у ерда ўзининг машхур «Бу кунлар» китобини чоп қилади. Унинг бу асарида Ўзбекистондаги ўзгача фикрловчилар, жумладан, диндорлар ва сиёсий мухолифатга қарши репрессиялар қораланган.

Ўша йили Андижонлик 37 яшар масжид ноиби Ботиржон Тожибоев Нурилла Отахоновни “Подшога шак келтирган” ўзбек ëзувчиси деб атаган эди.

«Китоб эълон қилинганидан кейин шов-шув бўлиб кетди. Ислом Каримов тирик эди у пайтлар. Кўпчилик менга энди қайтманг Ўзбекистонга дейишди, шу зайл мухожирлик икки йилга чўзилди. Бироқ, хамиша юрагим ватанга талпиниб турди» деди у Тошкентга   қайтиш олдидан «Элтуз» мухбири билан қилган суҳбатида.

Видео: https://youtu.be/ToHCkZC03A4

Eltuz.com

 

Тағин ўқинг
4 сентябр 2017
ЎзМТРКда йил давомида узлуксиз раис алмашувидан сўнг тағин Алишер Хўжаев раис бўлди. Уни шу йилнинг февралида Мирзиёев ишдан бўшатган ...
11 апрел 2020
Демократия ҳоким бўлган давлатларда ирқчилик ва антисемитизм (яҳудийларни ёмон кўриш) қаттиқ қораланади. Қора танлини «негр», лотинамерикаликни «латинос», яҳудийни «лаънати ...
19 июн 2019
Жиззах вилояти ички ишлар бошқармаси 2019 йилнинг 3 июнида ҳуқуқ фаоли Малоҳат Эшонқуловага қарши Жиноят кодексининг икки моддаси – ...
5 май 2017
Шавкат Мирзиёев Қозоғистонга 29 апрел ташрифи чоғида Қозоғистон президенти Назарбоев билан бирга Caspian Food виночилик хўжалигида бўлди. Хусусан унинг ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...