Вақт машинаси
16 феврал 2018

16 февраль портлашлари пардаси ортида нималар бўлган эди?

Бундан 19 йил бурун Тошкентда 16 февраль портлашлари юз берган, халқаро журналистлар воқеанинг суддаги асосий гувоҳи Зайниддин Асқаровдан портлашлар ҳақидаги ҳукумат версиясини чиппакка чиқарган тарихий баёнотни олишган эди.

«Элтуз» нашри мухбири билан суҳбатлашган Би-Би-Си журналисти Паҳлавон Содиқ биринчи марта ушбу интервьюнинг парда орти сирлари ҳақида гапириб берди.

Пойтахтнинг бешта жойида бир вақтнинг ўзида уюштирилган террордан сўнг, 2003 йили Би-Би-Си, «Озодлик» ва «Америка овози» журналистларига берган интервьюсида воқеанинг асосий гувоҳи Зайниддин Асқаров, жумладан, бундай дейди:

«Муҳаммад Солиҳнинг, Аллоҳга қасам ичиб айтаман бу гапимни, умуман террорга алоқаси йўқ. Мен демократ ҳам эмасман. У одамни яхши кўриш, ёмон кўриш мақсадим ҳам йўқ. Холисона баҳо бериш, – ҳеч қандай алоқаси йўқ!

Бу бизнинг сиёсий кўрлигимиз, Зокир Алматовга ишонганимиз натижаси, холос».

Воқеадан сўнг бир қанча МХХ ходимлари ишдан кетгани, шунингдек, куч ишлатар тизимларнинг халқаро матбуот билан ораси очиқ бўлганини билдираркан, Паҳлавон Содиқ яна муҳим бир деталга эътибор қаратади:

«Нимагадир ўша куни «Озодлик» ва «Америка овози» Зайниддин айнан ўша баёнотни МХХ ходими чекиш учун ташқарига чиқиб кетган пайти айтган эди, дея талқин қилган.

Ундан кейинги айни суҳбат тилга олинган мақолаларда ҳам МХХ ходими ташқарига чиққан пайтда Асқаров Муҳаммад Солиҳ ҳақида баёнот берди, деган нотўғри, мутлақо нотўғри талқин бор!

Мен юз фоиз ишонч билан айтаман, Зайниддин Асқаров ўша суҳбатнинг энг кульминациясида, Муҳаммад Солиҳ ҳақида баёнот берган пайтида ҳали ўтирганди МХХ ходими бизнинг ёнимизда.

Фақат ўша баёнотдан кейин МХХ ходими ташқарига чиқди ва менинг назаримда раҳбарият билан маслаҳатлашиш учун чиқди.
Орадан 10 дақиқа ўтди ё ўтмади, МХХ ходими қайтиб кириб, дарҳол суҳбатимизни тўхтатишни талаб қилди…».

Интервью тафсилотлари қуйидаги видеода: https://youtu.be/g5-JCfVkn_s

Eltuz.com

Тағин ўқинг
23 ноябр 2018
Италиянинг Бари шаҳрида 22 ноябрь куни бўлиб ўтган махсус маросимда «Элтуз» нашри директори Умида Ниязовага «Тинчлик мухбири» (Reporter for ...
28 июл 2018
Қадрли вебсаҳифамиз ўқувчилари. «Элтуз» нашри жамоаси таътилга чиқади. Бу вақт ичида ўтган давр мобайнида босилган эътиборга лойиқ айрим мақолалар, ...
9 июн 2017
Чала битказиб топширилаётган, президент буйруғи билан қурилаётган «Намунали уйлар» ҳақида кўп айтилди. Чунончи, бу биноларга ишлатиладиган эшик ойналарнинг ўғирлаб йўқ ...
16 июн 2017
Мардикорлар касаба уюшмасини ташкил қилишга уринган фаол Нураддин Жуманиёзовнинг 2016 йилнинг 31 декабр куни 68 ёшида қамоқхонада вафот қилгани ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...