Cатира
26 май 2016

ШҲТ саммити. «Ё уй, ёки телевизордан воз кечасан!»

Тошкент марказидаги Космонавтлар хиёбонида яшовчи SH Kuryazova кабель ва йўлдош антенналар симлари узиб ташланганидан ёзғирди.

У Фейсбукда ўз ҳасратини шундай ифодалади: «Бу космонавтлар проспектида яшовчиларнинг касофатими ё бахтсизлиги!? Кабелщик ва спутник антенналари усталарининг иши кўпайганини айтмоқчиман, ишдан келиб, телекни ёқмоқчи бўлдим, сигнал йўқ. Яқиндагина сел ёмғирларидан сўнг уста чақиртиргандим, энди эса, мана сенга – ШҲТ ўртага чиқди! Антеннаю ликобчалар халақит бераркан, маразмга гап йўқ, огоҳлантириб ўтирмай антенналарни кесиб ташлашди, симларни ҳам олиб улоқтиришди (((.

Бу аёл унда икки танлов қолганини айтади: ё квартирани алмаштириш ёки телевизор кўрмаслик.
“Яхшиям Интернет ишлаяпти! Тағин харажат кўпайди,» – илова қилади у.

ШҲТ саммити арафасида симли ва Йўлдош ТВдан бебаҳра қолган ижтимоий тармоқнинг бошқа фойдаланувчилари ҳам ўз эътирозларини билдира бошлашди.

Potrebitel.Uz гуруҳидаги Olga Granova у яшаган Чилонзор даҳасида усталар кабель симларини икки соатда узиб кетганини маълум қилган.

“Икки соат ичида индамасдан симларни узишди, бизникилар уларга ҳатто чой ҳам беришмади,” дейди Olga Granova.

Бошқа бир нет фойдаланувчиси – Irisha Grigorieva “биратўла мамлакатни ўзгартирган маъқул”, дея киноя қилади.

“Яхшиси биратўла мамлакатни ўзгартирган маъқул (ҳарҳолда мен ўзим учун шундай хулоса қилдим”.

“Ириша, мамлакат билан бирга дўстларни? қўшниларни? қуёшни? ватанни ҳамми???” деб сўрайди Равшан деган юзер ундан.

Жавобан Grigorieva бошқа мамлакатда ҳам дўстлар топиш мумкинлигини айтади:

«Ҳечқиси йўқ, бошқа мамлакатда янги дўстлар топасан. Бизнинг эса ана барча дўстларимиз кетиб бўлди. Қуёшни бўлса, қаердадир Панама ёки Малайзиядан ҳам топиш мумкин. Қўшниларми… уларсиз ҳам ёмон эмас».

Potrebitel.Uz фикр қолдирган Заҳирхан Шарапов эса “танлов ҳуқуқи агар бор бўлса, бу – бахт,” дейди.

Ҳакимов Равшан Grigorieva фикрларига, таъбир жоиз, риторик усулда жавоб қайтаради. “Бунинг ҳаммасини биз Ватан, деб атаймиз. Омадсиз кунда ҳам бирга йиғлаш ва ичиш, куладиган кунларни кутиб, ҳаммаси шунинг ичида… Агар муқаддас Жангга чақирилса. Сен Русни ташла, – Жаннатда яша дейилса. Менга Жаннат керак эмас, Ватанимни беринг дейман».

«Ренегатлар («регенератлар» демоқчи бўлса керак. Элтуз.) ва космопитларга асло менинг ҳурматим йўқ,» дея эътироз билдиради Ҳакимов Равшан:

Irisha Grigorieva Русга қайтиш ниятида эмаслигини таъкидлайди:

«Мен «Русга қайтмоқчи» эмасман. Совуқни ҳам писанд қилмайман, бироқ руҳим рус маданиятига интилади. Панама ва Малайзияни шунчаки илиқ мамлакатларга мисол келтирдим».

Фейсбук фойдаланувчиларининг қизғин баҳси, ШҲТ мулозимларининг Тошкентга келиши олдидан пойтахтнинг Нукус кўчаси Бобур кўчасидан бошлаб Абдулла Қодирий кўчасигача бўлган ҳудуди, сўнгра Мустақиллик кўчасигача бўлган ҳудуддаги уйлар фасадини пенопластдан ясалган декоратив безаклар билан қоплаш ҳаракатлари ва ҳусусан уй пештоқларидан Йўлдош ТВ ликобчларини олиб ташланиши манзарасида келиб чиқди.

Рассом Туз
Eltuz.com

Тағин ўқинг
10 май 2016
Бугун автомобил жанжали марказида қолаëтган Улуғбек (Бош вазир ўринбосари) билан бир муддат Ўзбекистон миллий банкида бирга ишлаганим боис Eltuz.com ...
1 март 2016
24 февраль куни Наманганда “Интернетдаги таҳдидлардан ҳимоя” китобининг тақдимоти ўтказилди. Тақдимотда Ўзбекистон мусулмонлари идораси раиси маслаҳатчиси Хайрулла Турматов, Ўзбекистон ...
27 декабр 2017
«Элтуз» нашри МХХ раиси Рустам Иноятовнинг Австрияда яширилган мулкига оид видеони тақдим этади. Видео Open Source Investigations (OSI) гуруҳи ...
19 апрел 2016
«Ҳуқуқ» газетаси қўшни давлатларга келин бўлиб тушиб, бугун чегарадан ўтишдаги қийинчиликлар боис юртидаги қариндош-уруғлари билан борди-келди қилиш муаммосига дуч ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...