Cатира
4 июн 2016

Наргиз Зокирова: «Собиқ эрим ажрашишга 40 минг доллар сўраяпти»

Машхур ўзбек хонандаси, Россиянинг «Голос» шоу юлдузи Наргиз Зокирова (44) 2 июн куни ўзининг италиялик эри Филипп Балцано билан никоҳини бекор қилганини эълон қилди. Эр хотин бирга 20 йил яшашган. Хонанданинг сўзларига кўра, ажралишнинг асосий сабаби оиладаги „молиявий келишмовчилик“ бўлган.

«Мен суд орқали ажрашишга қарор қилдим, чунки муроса вариантлари Филга тўғри келмади. Бутун ўтган йил давомида менинг топганим унинг кўплаб қарзларини тўларшга кетди. Менинг собиқ эрим мени шантаж ва пўписа қилишга ўтди. У мендан ажралиш учун 40 минг доллар талаб қилди..“, дея келтиради Наргизнинг сўзларини юлдузлар ҳаётини ёритадиган сайтларнинг бири.

Наргиз Зокирова гарчи зокировлар ижодий сулолосининг машҳур вакиласи саналсада, унинг ёрқин ташқи қиёфаси консерватив ўзбек жамияти томонидан тоқатсизлик билан қаршиланади. 2015 йилнинг апрелида у ижтимоий тармоқдаги танқидларга жавобан, Ўзбекистонни жаҳаннамга қиёслаган ва анча кескин оҳангдаги изоҳини тармоққа қўйган, бироқ сал ўтмай бунинг учун кечирим сўраган эди.

«Тинч қўйинглар энди, сизга ўхшаганлардан қочиб чиққанимга аллақачон 20 йилдан кўпроқ бўлди, айнан Ўзбекистон номли жаҳаннамдан қочиб чиққанман!
Бугун ҳам у ерда яшаётган ўз яқинларим зарарига бўлса ҳам! Мен уларни кўрмайман, уларни телбалардек соғинаман, аммо сиздай жирканч, разил жаҳолатпараст ва риёкорлар туфайли, мен ватанни тарк этишга мажбур бўлгандим! Нафақат мен, балки бутун машҳур сулолам қадрига етмаган, аксинча ҳар томонлама камситган ва ўзининг аянчли даражасига туширган ватанни! Бу сулолани сиз том маънода ерга кўмиш ўрнига, қадрига етишингиз керак эди! Мен бобом, бувим, тоғаларим, онам, отам Ўзбекистон маданиятини ривожлантиришга беқиёс ҳисса қўшганидан фахрланаман! Мен ўз насабим билан фахрланаман!!! Ва билишингизни истардимки, қанчалар тубан ва дағал янгарамасин, сиз каби каби менинг шарафимга жирканч ва қабиҳ изоҳлар ёзиш учун тили лаънатга борган ҳаромзодалардан ниҳоятда уяламан, мен Ўзбекистонни нафақат истамайман, балки таг-туги билан ўз ҳаётимдан суғуриб ташлайман! Мен асли СИЗНИНГ, ҳа айнан СИЗНИНГ республикангиздан эканимни унутинг! Мен СИЗДАН эмасман! На диним, на кўринишим, на руҳим ва на қалбим билан ҳеч қачон сиздан эмасдим! Мен эркин одамман! Менинг ватаним — АҚШ, Россия, Доғистон, Ҳиндистон, Хитой… Нима бўлса бўлсин, фақат СИЗ эмас! Мени ва оиламни тинч қўйинглар, ўтинаман!!! Ва худо ҳаққи менинг саҳифамдан, ўзингиз айтмоқчи «шайтондан» узоқроқ кетинг! Бу ерда сизга жой йўқ «диндорлар»!».

Рассом Туз ўша кезларда бошқа бир ҳолатни, рус жамияти томонидан ҳам Наргиз Зокировага нисбатан тоқатсизлик кўринишини ўз мўйқаламида акс эттирганди. Зокировлар сулоласининг кенжа вакиласи Москванинг Backstage ресторанида берган концерти чоғида икки ксенофоб аëлнинг тажовузига учраб, енгил яраланган эди.

Eltuz.com

Тағин ўқинг
21 декабр 2017
Электр энергияси танқислигини бошдан кечираётган ўзбек шаҳар ва қишлоқларида янги йил арафасида чироқдан бошқа яна нимани орзу қилиш мумкин? ...
4 июл 2018
Самарқанддаги Регистон майдонида пулли 3D шоуни «бегоналар»дан тўсиш учун ўрнатилган девор ижтимоий тармоқдаги ўзбеклар ғазабини келтирди. Кириш чипталари маҳаллий ...
24 феврал 2016
Клептократия ҳукмрон Ўзбекистонда бугунги кунда қоғозбозлик амалдорларининг оддий иш йўсинига айланган. Оддий одамлар у ёқда турсин, Eltuz.com яқинда эълон ...
9 октябр 2016
9 октябр куни Тошкент вақти билан соат 12.20 да Бухоро вилоятининг Олот туманида Елена Урлаева ва Малохат Эшонқуловалар ушланган ...
Блоглар
17 октябр 2018
Москванинг Якиманка туманидаги ҳиёбонга ўрнатилган, 16 ноябр куни очилиши кутилган Ислом Каримов ҳайкали эртаси куни ...
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...