Cатира
20 июн 2016

«Аҳмадбой” чет элдаги ўзбек журналистларни айблади

Товламачилик айби билан хибсда қолаётган 38 яшар Чинозлик тадбиркор Аҳмадбой Турсунбоевга нисбат берилган мактуб ижтимоий тармоқларда пайдо бўлди.

«Мактубда» тадбиркор, «ўз юртини ташаб хоин бўган «мустақил» журналистлар” ни айблади. Мактуб муаллифи ўзининг айбсиз экани ва туҳмат қурбони бўлганини иддао қилади: “Неча йилдан бери ишлийман, фермерлик қиламан, ерда меҳнат қилиб, буғдой экаман. Нимаси ёмон? Фойдам тегса тегвотти, зарарим ҳеч кимга текгани йўқ”. (мактуб орфографияси сақланди).

Халқ орасида Аҳмадбой деб ном чиқарган тадбиркор ўтган йили дабдабали суннат тўй қилганида танқидларга нишон бўлганидан нолиди “Кўролмаганлар кўп. Тўй қилдим – балога қолдим. Ош бердим – раҳмат эшитмадим. Лекин аниқ биламан. Ман билан ишлавотган одамлар кам бўмаяпти. Улар мандан рози. Улар кунига мани дуо қилади. Шу манга етарли. Қогани манга қизиғи йўқ.”

Айни пайитда Аҳмадбойдан жабр кўрганлар унинг молхонасини талож тарож қилгани ҳакида видеолавҳа эълон қилинди.

4 йил давомида одамлар Аҳмадбойга катта миқдорга пул, қорамол, автомобил ва олтин буюмларни фоиз олиш учун бериб келишган. Унинг ҳибсга олиниши “кредиторлар” орасида паника яратди. Чиноз марказий касалхонасида юрак ҳуружи диагнози билан Аҳмадбойнинг ўнлаб мижозлари мурожаат қилди. Аҳмадбойга иккита машинани берган Боёвут тумани Лайлаккўл маҳалласи сокини 70 яшар Бердиқул Сулаймонов 15 июн куни оламдан ўтди. Унинг ўлими Аҳмадбой воқеаси билан боғланмоқда.

Аҳмадбойга нисбат берилган мактубда эса, тадбиркор одамларни тинчлаштиришга уринилади “Ишонманглар кучадаги гап-сўзларга. Ман билан ишлавотган, мани шахсан таниганлардан сўранглар. Улар этади. «Ахмадбой хар дойим гапига жавоб берган».

16 июн куни Ўзбекистондаги телеканаллар Аҳмадбойни уйи тинтув килиниб 7,9 миллион доллар ва ичи олтин буюмлар билан тўла сумкалар мусодара қилинганини кўрсатди.

Чиноз «Авто Ҳамкор» ширкати раҳбари Аҳмад Турсунбоев устидан Ўзбекистон Жиноят Кодексининг 165-моддаси (товламачилик), 168-моддаси (фирибгарлик) ва 170-модда (алдаш ёки ишончни суиистеъмол қилиш йўли билан мулкий зарар етказиш) бўйича жиноий иш очилган. Шунингдек Турсунбоев 177-модда – валютани қонунга хилоф равишда олиш ва 178-модда – чет эл валютасини яшириш бўйича ҳам айбланмоқда.

Eltuz.comнинг янги ҳамкори, Кирпи таҳаллуси билан ижод қилаятган ўзбекистонлик рассом Ўзбекистонда улкан молиявий пирамида яратган Аҳмадбоййнинг юқоридаги каби иддаоларига қарамасдан ўзбек зиндонида ночор қолаётганини тасвирлайди.

Рассом Кирпи
Eltuz.com

Тағин ўқинг
26 август 2016
Бағдод тумани маҳалла фаолларидан бири, eltuz.comга ҳар бир қишлоқда яшовчи 18 ёшдан 55 ёшгача бўлган ҳар уч киши бир ...
23 феврал 2018
Ўзбекистон Бош прокуратураси матбуот хизмати ходими 23 февраль куни телефонда «Элтуз» мухбирига собиқ бош прокурор Рашиджон Қодировнинг ҳибсга олинмаганини, ...
10 сентябр 2017
9 сентябрь куни ХРВ вакиллари Хью Уилямсон (Hugh Williamson) ва Стив Свердлов (Steve Swerdlov) Хоразм вилоятига бориб, ўтган йили ...
1 март 2018
Президент Мирзиёев 27 февраль кунги селектор йиғилишида «Ўзбекозиқовқатхолдинг» давлат ширкатини мева-сабзавот экспорти режасини бажармаганликда айблаб танқид қилди. Президент танқиди ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...