Cатира
2 август 2016

Хўжакўрсинга бўялган арчалар…

Кўзбўямачиликнинг бу усули Тошкентда Мустақилликнинг 25 йиллиги олдидан қилинаётган хўжакўрсин амалиётларнинг бир қисми экани айтилмоқда.

«Чинорларни чопишмоқда – арчаларни бўяшмоқда(((( деградация» – дея изоҳ қолдиради Фарида Шариф исмли аёл қўйган расмга Елена Савченко исмли аёл.

Аэрозол билан бўялган қуриган арчалар сурати Фейсбукка ташланиши билан мунозара бошланди.

«Потемкин қишлоқлари.. Иллюзион» дея писанда қилди Икром исмли юзер.

Билганлар, бу амалиёт ЎЗбекистон учун янгилик эмаслиги, ҳар йили Мустақиллик олдидан арчалар бўялишини айтишса, бошқалар буни, Тошкент ҳиёбонларидаги кесилган беҳисоб навқирон дарахтлар ўрини билдирмаслик учун қилинганига шаъма қилашади.

«Оддий арчаларни кумушранг қилиб кўрсатмоқчи бўлишган шекилли?)))» дея кулади расмни кўриб, заҳарханда билан яна бир юзер.

«Фарида! Бу ахир совка – ҳамма нарсани ялтиратиб, ялаб юлқаб кўрсатиш қисқаси… Бу СССРни эслатмайдими? Тағин ҳам!)) (Аҳмоқона) одатлар ва тартиб ўзгармаган, кўриб турибмиз!» дейди Екатерина Малосабирова.

«Агар Мустақиллик қишда бўлганида, оқ бўёқ билан қорларни акс эттиришган бўлишарди» дейди унинг фикрини давом эттириб Фарида.

Ҳазилни йиғиштириб, бу майнавозчилик кимга керак деган саволга жавоб бераркан, Фарида, дарахтлар қуригани ва ким учун бўялганини очиқ айтади.

«Аслида улар арчаларга ҳам тупуришган, муҳими катта бошлиқлари самовий гўзалликни кўришлари керак», дейди у.

Иссиқ иқлимга чидамай қуриган бу арчаларнинг бир вақтлар «дарахткесар ҳукумат рахбарлари» зуғуми остида аҳолига мажбуран эктирилгани ҳам аслида кўпчиликка сир эмас.

«Ақлдан озишнинг ҳамма аломатлари кўриниб қолибди… арчаларда! Аҳир бу диагноз, ўртоқлар! Ва шу аломатлардан аллақачон анамнез етишиб келади», дейди мунозарани давом эттириб Галина Долгая

«Қисқаси кўзёш аралаш кулишда давом этамиз», дейди заҳарханда билан Екатерина исмли ФБ юзери .

Хуллас, сирти ялтироқ бу арчалар билан Ўзбекистон президенти Ислом Каримовдан бошқа ҳеч кимни алдаш мумкин эмаслигини ҳамма билади.

«Тағин Амир Темурнинг тошдан ясалган отидан бошқа…», – дея қўшимча қилади бу ҳақда янги ҳажвий асарини ҳозирлаб, Eltuz.com нашрига йўллаган рассом Туз.

Рассом Туз
Eltuz.com

Тағин ўқинг
19 март 2019
Қозоғистонни 30 йил бошқарган 79 яшар президент Нурсултон Назарбоев 19 март куни ўз лавозимидан истеъфога чиққани ҳақида баёнот берди. ...
24 декабр 2016
Аркадий Шайхет (1898 – 1959 йй.) совет мафкуравий фоторепортаж соҳасининг кўзга кўринган арбоби. Уқубатли ҳаëтни “мафтункор ҳақиқатга” айлантириш бўйича ...
2 июн 2020
«– Ака, ёмон боқибеғамсиз-ей, нега шуни дарҳол айтмай, чўзиб ўтирдингиз? Энг ёмони, шундай ажойиб хабарни ҳеч нарса юз бермагандай, ...
4 май 2018
Туркия президенти Ражаб Тоййиб Эрдўғон 30 апрель кунги ташрифи чоғида сўзлаган нутқида Ўзбекистонни ўз ота юрти дея таърифлади. «Ота ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...