Cатира
4 август 2016

Ўз ТВ Абдуллажонни суннат қилди

Ўзининг машҳур «Абдуллажон» филми билан танилган ўзбек кинорежисери Зулфиқор Мусоқов ўзининг фейсбудаги саҳифасида Телевидение орқали цензура қалинган филми юзасидан ёзган очиқ хатини эълон қилди. Бунда у Ўзбекистон Миллий телерадиоширкати раиси Алишер Жўрақулович Хўжаевга эътирозларини билдириб, вандализм сабабини сўради.

rasm1757
Таниқли кинорежиссер ўз очиқ хатида цензурага учраган филмини тириклайин қўли ва оёғи чопилган болага ўхшатади.

Мусоқовга кўра, 11 июл куни Ўз ТВ орқали намойиш қилинган “Ватан” филмининг 8 эпизоди кесиб ташланган.

Маълум бўлишича айни киночининг “Абдуллажон” филми ҳам “суннат” қилинган тарзда намойиш қилинмоқда.

Таниқли қизиқчи Обид Асомовга кўра ўзбек мулозимлари кино қирқишга уста бўлиб кетишган:

«Алпомиш деган ажойиб филм олинган. Филмнинг бошида, охирида умумий ҳисобда 7-8 минутлик рол ўйнаганман. Шу филмни кўрсатиб туришади байрамларда, лекин менинг жойимни қирқиб ташлашади. Болаларим “Ада, сизни яна кўрсатмади” деб қўяди.

Обид Асомов сухбат давомида, тақиқнинг ғалати жихатларига хам тўхтаб ўтади. Масалан, у ўзи иштирок этган фильмлардаги эпизодлар қирқиб ташланганидан хайратланса, хориж фильмларига берган овози бемалол эфирга узатилаётганидан мамнунлигини айтади.

«Алпомиш» деган кинода (мана шунча жойида) ўйнаб қўйганман. Кинони бошида, ўртасида ва охирида борман. …. ўша фильм Наврўзда, Мустақилликда қўйилади, мен ўйнаган жойларини олиб ташлашади. Мени жойим йўқ. Мени жойимни қирқиб ташлашади. Лекин, титрларда борман. «Ховлиқма ролида — Обид Асомов» деган ёзув бор. Башарам эса йўқ. Лекин овозим кетади. Мультфилмларда, киноларда. Масалан «Один дома», Мирзабек билан овоз берганмиз, «Фантомас»га овоз берганмиз. Овозим кетади.

Худога шукур, ҳеч бўлмаса овозим кетяптику, деб қўяман. Линцензиям бор, лекин чиқаришмайди. Нега?…Бу савол хаммани қизиқтиради. Шу жумладан мени хам» деган эди беш йил давомида берган илк интервьюсида, Обид Асомов.

«Халқаро фестивалларнинг олтита мукофотини қозонган, 11 йил давомида бутун дунё бўйлаб томошабинлар муҳаббатини қозонган филм бундай намойишдан кейин, тириклайин қўли ва оёғи чопилган болага ўхшаб қолган. Қандай ноадекват ва ёвуз одам қилган бу каби вандализм актини?» дея савол билан юзланади филми цензурага учраган ЎзТВ рахбариятига Зулфиқор Мусоқов.

Рассом Туз
Eltuz.com

Тағин ўқинг
20 феврал 2017
Андижондаги тижорат дўконларида одатда одамлар баҳор пайти уйда пиширадиган сумалак сотила бошланди. Баъзи одамлар бу таомни сотиб олиш имкони ...
27 феврал 2024
Ўзбекистонда кейинги кунларда мансабидан фойдаланиб товламачилик қилиш, таъмагирлик, рейдерлик, одамларни алдаб пулини олиб қайтармаслик, қўрқитиб жиноятларига шерик қилиш холатлари ...
27 март 2017
Ўзбекистонда шу пайтгача кўкларга кўтарилиб мақталиб келинган таълим тизимининг асл аҳволи тўғрисида аччиқ ҳақиқатлар ошкор бўлаётгани, оммавиий ахборот воситаларида ...
13 август 2020
Тўғоннинг ўпирилиши Ўзбекистондаги коррупция билан боғлиқ хавотирларни кучайтиради Бунинг сабабларини ўрганиш узоқ вақтни талаб қилади Май ойида Ўзбекистонда тўғон ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...