Cатира
12 сентябр 2016

Ҳокимиятга «бульдозер» билан келган Мирзиёев

Бош Вазир Шавкат Мирзиёев ўзининг муштумзўрлиги билан, шунингдек, Тошкентдаги аҳоли уй-жойларини, гаражларини бузиш, пойтахт аҳолисини оммавий тарзда шаҳар чеккасидаги нархи арзон уйларга кўчириш амаллари билан эл орасида «бульдозер» номини қозонган.

Айни шу йўл билан у ниҳоят ҳокимият тепасига келди. Ундан илгари Шавкат Мирзиёевнинг Ислом Каримов мақбараси учун жой очиш учун қабристонга бульдозер солгани акс этган фотосуратлар пайдо бўлди.

Фейсбукда қолдирилган изоҳларда ҳар бир бузилган қабр ортида одамлар хотираси, фожиаси, ва тақдирлари қолгани ҳақида гап борди.

«Чорраҳа мавзеида яшайдиган бир дўстим телефонда йиғлаб юборди. Отасининг қабрини бузиб ташлашибди» дея ёзди ФБ юзерларидан бири.

Асли келиб чиқиши самарқандлик, Каримов табиатини яқиндан билувчи кекса журналист Жаҳонгир Маматов юздан ортиқ қабрлар бузилгани, марҳум президентнинг ўзи эса уни ҳеч қачон Самарқандга дафн қилишларини истамаганини айтади:

«Агар у Самарқандга кўмилишни истаганида олдинроқдан ота-онаси ётган Хўжа Хизир мозорлиги(Шоҳи зинданинг орқа қисмида)ни обод қиларди. Ўзига жой ҳозирлаб қўярди.

У пойтахт Тошкентда Чиғатой қабристони кираверишида ёки Хасти Имом атрофида кўмилишни истаган. Жойлар ҳам ҳозирланган. Тошкентдан келган хабарга кўра, уни Самарқандга сургун қилиш қарори ИАК ўлгандан кейин олинган. Бу эса сайловдан сўнг кўп ўтмай унинг йўлини кескин қоралаш бошланишига ишора бермоқда. Бошқа белгилар ҳам бор».

Президентнинг ўлимидан сўнг мамлакатда юзага келган коллапс, Давлат сиёсий доирасидаги биринчи шахслар томонидан Конституцион нормаларнинг бузилиши аввалида республикага Россия федерацияси рахбари Путиннинг келиб айнан Шавкат Мирзиёев билан учрашиши ҳам ҳосиятсиз бир белги сифатида шархланмоқда.

Рассом Адолат
Eltuz.com

Тағин ўқинг
6 январ 2022
Ўзбек мухолифат лидери Муҳаммад Солиҳ Элтуз мухбири билан суҳбатда Қозоғистондаги воқеаларга муносабат билдирди. Ўзбекистон «Эрк» демократик партияси лидери Муҳаммад ...
16 июн 2021
Автобусни трактор шатакка олган ҳолда кетяпти. Йўлда автобус ҳайдовчиси салонга ярим яланғоч раққоса қизларни чиқариб олади… “Абдулла Ғариб продакшн”, ...
14 декабр 2022
Ўзбекистондаги энергетика соҳасидаги абсурдликлар, путиноид ўрисқуллар ва дин тужжори толибон каллаларнинг қора фонида Америка олимларидан дунёни севинтирувчи бир хушхабар.  ...
17 ноябр 2016
«Ҳуррият» газетасида (16.11) «Талаба-журналистга мактублар» рукнида чоп этилган мақолада муаллиф бўлажак ҳамкасбларига «Журналистнинг таянч нуқтаси»ни топиб беришга уринади. У ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...