Cатира
21 феврал 2017

Банк одамларга чопар, одамлар банкдан қочар

Бугун Ўзбекистонда барча банклар «халқ манфаати»ни ўйлаб қолган. Уларнинг вакиллари уйма-уй юриб, одамларга кредит тарқатиш билан овора.

Янги президентнинг ур тўқмоғи зарбига учрашдан қўрқиб қолган банклар одамларни тадбиркорликка жалб қилиш борасидаги маълумотларни керак бўлса рекламанусха қилиб, у газет қолиб бунисига, буниси қолиб унисига чоп эттириб ётибди.

«Моҳият» газетаси (16.02) ҳам «Микрокредитбанк»нинг «ҳар бир оилани тадбиркор қилиш»га қаратилган фаолияти хусусида мақола эълон қилди.

Маълум бўлишича, «Аҳолини тадбиркорликка жалб қилиш» дастури доирасида мазкур банкка 428 та аҳоли пунктида 700 мингдан ортиқ хонадон эгаларини тадбиркорликка тортиш мажбурияти юкланган.

«Бугунги кунга қадар банк ходимлари 305 мингта хонадон эгалари билан суҳбат ўтказди. Уларнинг 39,5 мингтаси тадбиркорлик билан шуғулланиш истагини билдирди», дейилади мақолада.

Лекин «курк товуқ гўнг сочади, ўз кетини ўзи очади» деганларидек, бу борада қилган ишларини мақташ баробарида улар аслида одамлар кредит олишга шошилмаётганини кўрсатиб қўймоқда. Зеро, тадбиркорликни исташ бошқа, иш бошлаш бошқа.

Газетада ёзилишича, кредит таклиф этилган юз минглаб одамдан бор-йўғи 5876 таси имтиёзли кредит олибди. Уларга 43,4 миллиард сўм ажратилибди.

Аслида молия тизими тўғри йўлга қўйилган давлатда банкка одамларнинг ўзи кредит сўраб келади. Бунинг учун уйма-уй юриб, уларга кредит таклиф этиш шарт эмас.

Одамлар тадбиркорлик қилиши учун, аввало, шароит яратилиши керак. Уларни ноҳақ айблашга, амалдорларнинг уларнинг нонига шерик бўлишига чек қўйиш, ишига аралашмаслик, эркин фаолият юритишига йўл қўйиб бериш лозим.

Бугунги ҳаракатлар эса одамларни тадбиркор бўлишга мажбурлашга ўхшаб кетади. Бундай мажбурийлик эса кутилган натижани бермаслиги бошданоқ аниқ!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
27 апрел 2021
«Eltuz» kanalining qadrli muxlislari. Agar sizda mavzuga oid muhim xabarlar bo‘lsa, kechgan voqealar haqida gapirmoqchi bo‘lsangiz, «Eltuz»ning telegramdagi +49 ...
16 май 2016
Ўзбекистонда фермерларга қарши бошланган «Ойболта» дея номланган кампанияга кўра, белгиланган режани уддаламаган фермерлар, давлатга ерини қайтариб бериши, пахта етиштириш ...
26 март 2020
24 мартдан бошлаб ҳукумат қарори билан коронавирус тарқалишига қарши кучайтирилган тартиб эълон қилинди. Вирусга чалингани аниқланганлар карантин манзилларига олиб ...
14 май 2017
Украиналик қўшиқчи Жамала ўтган йили «Евронигоҳ» қўшиқ танловида ғолиб чиқиши ортидан 2017 йилги қўшиқ танлови Украинада ўтди. 13 май куни Киевда якунланган ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...