Cатира
2 март 2017

Ўзбек делегацияси Туркиядан бир қоп ваъда билан қайтди

28-февралдан 2-мартгача Истанбулда бўлган Бош вазир ўринбосари Рустам Азимов бошчилигидаги ўзбек делегацияси Туркия ва Ўзбекистон ўртасида сармоялар ётқизилишини ваъда қилган якуний меморандум имзоланишига эришди.

Ўзбек делегацияси ишини кузатган Элтуз мухбирига кўра, Ўзбекистон ва Туркия сармоядорлари ўртасидаги музокаралар асосан Ўзбекистонда бизнес юритишга тўғаноқ бўладиган жиддий муаммолар ечимини ҳал қилиш йўналишида бўлган.

Бу муаммоллар айниқса Ўзбекистонда бизнес юритиш кафолати ва эркин валюта конвертациянинг йўқлигида кўринади.

Ҳозирча фақат ваъдалар берилди

Илгариги ташрифлардан фарқли, расмий тантаналардан кўра, ўзбек томонининг турклардан сармоя ундириш нияти жиддийроқ бўлганини кузатиш мумкин.

Номи сир сақланишини сўраган Элтуз мухбири гаплашган турк мулозимига кўра, Ўзбекистон томони эркин бизнес кафолатни таъминлаш ва сармоядорларнинг ўз ишлаган пули миқдорида валютани олиб чиқиб кетишига ваъдалар берган.

Ечимини кутаётган яна бир муаммо, Ўзбекистоннинг Туркияга нисбатан бирёқлама виза режими экани таъкидланди музокараларда.

Туркия бундан анча илгари бир томонлама Ўзбекистон ватандошлари учун визани бекор қилган.

2016 йили Ўзбекистонга сафар қилган Туркия ташқи ишлар вазири Мавлуд Човушўғли, ўзбек рахбарлари ҳам айни шундай иш тутиши ва Туркия ватандошлари учун визани бекор қилишидан умидвор эканини билдирган эди.

Рустам Азимов Туркия сафари мобайнида кенг миқёсни кўзлаган сармоя битимлари имзолашга астойдил ҳаракат қилди.

Бироқ, мухбиримизга кўра, Туркия томони фақат ваъдалар берган.

Бундан ташқари сармоялар юзасидан алоҳида турк ваколатхонасини очиш таклифини киритган.

Ҳозирча фақат турли соҳалар бўйича якуний меморандум имзоланган.

Эҳтиёт бўлишга сабаб кўп

Турк сармоядорлари шартномаларни имзолашга шошилмаётганига сабаблар етарли.

Масалан, учрашувга келган бир турк бизнесмени Ўзбекистонда ўз бизнесини йўқотгани, унинг саккизта фабрикасини ёпишгани ҳақида билдирган.

Бошқа бир рейдерликка оид воқеа 2012 йили Турк бизнесмени Воҳид Гунеш билан содир бўлди.

Ўзбекистонда иқтисодий жиноятларда айбланган Турк бизнесмени Воҳид Гунешни ўн ой давомида қамоқда сақлашгани, ёлғон иқрорни имзолашга мажбурлаб қийнашгани ҳақидаги фактлар Amnesty International хисоботларига кирган.

МХХ мулозимлари унинг оиласидан бир миллионга яқин АҚШ доллари ундирганидан сўнггина Воҳид Гунеш озод қилинган эди.

Пайшанба куни Рустам Азимов бошчилигидаги ўзбек делегацияси ташрифи якунига етди.

Кўринадики, Азимов президентдан қандай бўлмасин ҳорижий сармоя топиш юзасидан қатъий топшириқ олган, бироқ хоҳишнинг ўзи етарли эмас.

Коррупция авж олган, мустақил суд тизими, эркин конвертация йўқ бўлган ва бизнесменларнинг капитали шунчаки тортиб олиниши мумкин мамлакатга йирик cармоя оқими келишига ишониш қийин.

Eltuz.com

Тағин ўқинг
25 март 2016
Дарахтлар ҳимоси учун имзо йиғаётган экологик ҳаракат фаоли Фарида Шафиуллинанинг сўзларига кўра шаҳар маъмурларининг кейинги ҳаракати мутлақо мантиқсиз: «Шаҳарга ...
9 август 2016
8 август куни Eltuz.com cаҳифасига ўз филми ҳақидаги мақола юзасидан изоҳ қолдирган режиссер Зулфиқор Мусоқов, эфирга қайчилаб узатилган филми ...
19 май 2017
Али Ҳамроев филмлари, мавзу доирасининг кенглиги, динамикасидан ташқари, инсоний кечинмаларининг чуқур акси билан ҳам замондошлари кино асарларидан ажралиб туради. ...
8 октябр 2015
Афғон-туркман чегарасидаги хавфсизлик, Ўзбекистоннинг ёнилғи эҳтиёжлари ва Россиянинг кун сайин тажовузкор тус олаётган геосиёсати Тошкент- Ашхобод мулоқотида кўрилиши кутилган ...
Блоглар
26 апрел 2018
Ўзбекистон мудофаа вазирлиги ансамбли артистлари Тошкент метросида 9-майга кунига атаган акцияларни бошлашди ва бунга қарши ...
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони ...
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...