Cатира
11 апрел 2017

Ўзбек интернет нашрлари Абдухолиқов назоратига ўтмоқдами?

Март ойининг охирларида рус тилида чиқадиган Uzmetronom сайти «ишончлик манбалари»дан иқтибос қилиб, Ўзбекистон электрон оммавий ахборот воситалари миллий ассосиацияси UZ территориясидаги нашрларни ўз назоратига олаётгани ҳақида ёзди.

Ҳусусий радио ва телеканалларни бирлаштирган бу ассоциациянинг рахбари Фирдавс Абдуҳолиқовдир.

Уни самарқандлик «медиамагнат» ҳам дейишади ва у илгари Гулнора Каримова доирасига яқин бўлган.

Мақолада тасдиқланишича, агар оммабоп интернет сайтлари Абдуҳолиқовнинг Ассоциациясига аъзо бўлишса, у орқали рахбарларга «ҳукумат ва матбуот муносабатлари масалалари»ни ечиш осон бўлади.

Бу хабар ортидан Элтуз мухбири Ўзбекистон Матбуот ва ахборот агентлигидаги мулозим билан боғланиб масалага ойдинлик киритди.

Мулозимнинг айтишича, интернет нашрлар Абдухолиқов назоратида бўлган НАЭСМи ташкилотига, расман ўз ихтиëрлари билан, ассоцациявий аъзо сифатида кирган.

Айни пайтда Элтузнинг ўрганишича, Бош вазир Абдулла Арипов UZ домени асосида фаолият юритаëтган нашрлар назоратини Фирдавс Абдухолиқовга топширган. Бу нашрлар ихтиëрий-мажбурий форматда НАЭСМИга аъзо қилинмоқда.

Эслатиб ўтамиз, Фирдавс Абдуҳолиқов мамлакатдаги бир қатор нашр уйлари ва оммавий ахборот воситалари, жумладан Самарқанддаги СТВ телеканали, «Даракчи» ва «Сўғдиёна» нашрлари эгасидир.

1992-1995 йилларда Ўзбекистонда нодавлат телеканал ва газета очиш билан бирга 2004 йилдан буён мамлакатдаги 60 дан ортиқ ахборот воситасини бирлаштирган Ўзбекистон электрон оммавий ахборот воситалари миллий ассоциациясига раҳбарлик қилиб келади.

Бундан ташқари, кейинги йилларда у Ўзбекистон президентининг қизи Гулнора Каримова етакчилигидаги FondForum ташкилоти тадбирларида ҳам фаол иштирок этаётган амалдорлардан бири сифатида кўзга ташланган эди.

Гулнора Каримова инқирозга учраган 2013 йили прокуратура тарафидан сўроқ қилиниб, унга оид «Даракчи» газетаси ëпиб қўйилган, Абдухолиқов 2014 йил баҳоридан бошлаб ўз мавқеини қайта тиклаган эди.

НАЕСМИ каналлари ўзбек режими учун исталмаган арбоблар ҳисобланган Муҳаммад Солиҳ, Обид Қори, Алишер Соиповлар ҳақида ва “Озодлик” журналистларига таҳдид қилинган кўрсатувлар ва ҳуқуқ фаолларига қарши MXX тайëрлаган кўрсатувларни эфирга бериб келган.

Eltuz.com

Тағин ўқинг
13 октябр 2016
Гулнора Каримова дея ишонилаётган Афина@zabitaya1972 юзери бугун аккаунтининг бузилгани ҳақида хабар қолдирди. «Менинг қадрдонларим, менинг профилимни бузишди! Бутун кун ...
4 октябр 2017
Совет даврида «Пахтакор полвонларим» деганга монанд бир машҳур қўшиқ бўларди. Пахта терими бошланди дегунча радио ҳам, телевизор ҳам вадаванг ...
6 январ 2017
Фарғона вилояти бош нашри “Фарғона ҳақиқати” солиқ, оқава сув ва электр энергиясидан қарздорлар рўйхати ва мавзуга оид мақолаларни эълон ...
22 декабр 2020
Бош миясидан жароҳат олган Қашқадарё вилояти косонлик 57 ёшли Маҳмуд Мамашарипов 12 декабрь куни оламдан ўтди. Уни 22 ноябрь куни ўзи яшайдиган Пахтазор маҳалласидаги ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...