Cатира
31 май 2017

Усмонов «Қадимий Бухоро»га баҳайбат фил каби кириб келадими?

19 май куни президент Мирзиёев Бухорода эркин сайёҳлик зонасини яратиш қарорини тасдиқлади.

2980-сонли қарорга кўра, Ўзбекистон Миллий банки масъул бўлган ушбу лойиҳага кетадиган сармоянинг бир қисмини Алишер Усмонов киритади.

«Қадимий Бухоро» эркин сайёҳлик зонаси камида 10 гектар майдонда ташкил этилади.

Бухоро марказида яшайдиган рассомнинг Элтузга айтишича, «Қадимий Бухоро» эркин сайёҳлик зонаси 96 хонадоннинг бузилиши эвазига бунëд бўлади.

«Уйи бузиладиганлар ҳокимиятдан билдирги олишган. Уларга шаҳар чеккасидаги Ислом Каримов кўчасидан уй берилади, деган гаплар бор. Лекин одамлар норози, ота-бобосидан қолган иморатлар бузиладиган бўлди», дейди рассом.

ЮНЕСКО рўйҳатига кирган, йил сайин нураб бораётган қадимий Бухоронинг бир қисмини Россиялик ўзбек миллиардерига топширишни кўзлаган ҳукумат қарорида қадимий обидалар реставрацияси ҳақида ҳам бир оғиз гап айтилмаган.

Элтуз нашри олдин ёзганидек, охирги марта 2000 йили хўжакўрсинга таъмир қилинган Бухоро обидалари бугунги кунда тағин қаровсиз ва ночор аҳволда қолмоқда.

Жумладан 16 аср «Чор Бакр» обидаси тағин вайрона ҳолига келган.

«Қадимий биноларнинг ëнида замонавий туризм-мажмуаси қурилиши шаҳарнинг қадимийлигига путур етказади деган ҳавотирдамиз», дейди бухоролик рассом.

Солиқлардан озод этилган эркин сайёҳлик зонасига миллиардер Усмоновнинг келиб иш бошлаши, Рассом Туз наздида, «Ўз нафсини кўзлаган баҳайбат фил ташрифи»ни эслатади.

Рассом Туз
Eltuz.com

Тағин ўқинг
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва моддий ўтказмалардан ноқонуний фойдаланиш” ...
17 декабр 2015
Экспертларга кўра уларнинг асосини этник ўзбеклар, Ўзбекистон фуқаролари, аксарият Фарғона водийси, жумладан Ўш шаҳридан келганлар ташкил этади. Турли маълумотларга ...
1 июн 2018
Бугун – 1 июнь, Халқаро болаларни ҳимоя қилиш куни муносабати билан Ўзбекистондаги барча ОАВларда материаллар эълон қилинади. Уларда бахтли ...
13 октябр 2015
Мана, денгиз тубидаги майда тошларни ҳам кўра оладиган ғаввослар пахтага чиқди.  Улар ҳам футболчи, киночи, имом ва фоҳишалар ортида ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...