Cатира
27 июл 2017

Озодбекнинг «келдию-кеттиси» ҳақида

Телеканалдан ëшлар «ҳидини чиқариш» учун «бошлиқ» қилиб тайинланган халқ артисти Озодбек Назарбековнинг кетганлигини ҳар ким ҳар ҳил талқин қилмоқда. Ҳатто Мирзиëев уни Бош директор қилиб тайинламади деб ҳам айтишмоқда.

Фактларга мурожаат қилайлик.

Ўзбекистон президенти Мирзиёев «Камолот» қурултойида 1 июлдан бошлаб «Ёшлар» каналига хонанда Озодбек Назарбековнинг директор этиб тайинланишини айтди.

Мирзиëев Назарбековни «ТВ каттаси, Бош режиссери ва энг катта бошлиғи қилиб тайинладим» деди.

Ана шундан кейин Канал директори Шавқиддин Жўраев ишдан олиниб, ўрнига Назарбеков тайинланди.

Аснода президент қурултойда ҳозир бўлган Ўзбекистон Миллий телерадиокомпанияси раҳбарини «Назарбековга халақит бермаслик» ҳақида огоҳлантирди.

«Озодбекка мешать қилсанг, одамларингнинг 50 фоизини кесиб ташлайман», деган эди Мирзиёев МТРК раҳбарини сенсираб.

3 июл куни Назарбеков «Ёшлар» телеканали янги раҳбари сифатида Халқаро пресс-клубнинг ёшлар сиёсатига бағишланган тадбирида тақдим қилинди.

Янги бош директорни тақдим қилган пресс-клуб раҳбари Шерзод Қудратхжўаев Назарбеков «Ëшлар телеканалини Хитой услубида» янгилашидан умид билдирди.

Халқ артисти эса ўзини «буюк реформатор» каби тутиб «бу ўзгаришлар жуда тез бўлади»дея гапирди.

«Анча йиллардан бери, санъатнинг қайси йўналиши бўлишидан қатъий назар, соҳадаги камчилик ва ютуқларни ўзим табиий равишда, эҳтимол касб тақозоси билан, беихтиёр кузатиб келаман».

«Ёшлар» телеканалини жуда катта ўзгаришлар кутяпти. Жуда ҳам катта ўзгаришлар! Буни яқин кунларда мухлислар сеза бошлайди», – дея халқ артисти ваъда берди.

Ижтимоий тармоқ эса «қўшиқчининг ТВ раҳбари бўлишига салбий муносабат билдирди. Элтуз нашрида бу ҳолат ҳажв қилинган карикатуралар чоп қилинди.

Озодбек Назарбеков эса бу танқидларга қарамасдан узоқ ва самарали раҳбарлик қилиш ваъдасини берди.

«Бунинг телевидениега нима алоқаси бор?», деган гаплар бўляпти. Тош отиш — энг осон иш. Тош отиш учун у одам ҳақида ҳеч нарса билмасликнинг ўзи етади. «Ёшлар» телеканалига раҳбарликка тайинланишим мен учун кутилмаган таклиф бўлди, шундай бўлса-да, кузатишларим давомида ўйлаб қўйган маълум бир режаларим, фикрларим, лойиҳаларим бор эди. Телеканалдаги ўзгаришлар секин-секин эмас, жуда тез бўлади» деди халқ артисти.

Халқ артисти айтган «тез ўзгариш» унинг ТВ раҳбари қилиб тайинланганидан 26 кун ўтиб рўй берди.

Озодбек Назарбеков «Ёшлар» телеканали директорлигидан кетди.

«Ёшлар» телеканалига эса айни соҳа «тупроғини ялаган» Мадамин Сафаров директор этиб тайинланди.

Рассом Туз бу ҳолатни бировни қўлидан дон ейиладиган қафасдан қутилган қуш васиятига менгзатди.

Байт будир: Шундоқ қолурми, қолурми? Қафасдан қутилган қуш қайтиб ўзини солурму?

Рассом Туз
Eltuz.com

Тағин ўқинг
2 июн 2016
Журналистнинг «Нега йўқ бўлиб кетдингиз? Ўрнингиз жудаям билиняпти» деган саволига жавоб берар экан, Обид Асомов шундай деди: «Баъзи бир ...
31 март 2016
Қозоғистондаги парламент сайлови дастлабки натижаларига кўра, Президент Нурсултон Назарбоев етакчилигидаги «Нур Отан» партияси 82,15 фоиз овоз тўплаб ғалабага эришган. ...
5 январ 2018
Ҳориждаги ўзбек мигрантлари ва фаоллари президент чақириқларидан руҳланиб, ватанга қайтишни ўйлашмоқда, Ўзбекистондаги реал вазият эса бошқача. “Чет эллардаги ватандошларимиз ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо бўлди. Зероки, пиар хатоликлар ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...