Cатира
11 октябр 2017

МХХ журналистни бўғиш санъатини намойиш қилд

Бобомурод иши, нўноқ режиссер саҳналаштирган, бироқ чинакам жаллодлар иштирокидаги қонли театрни эслатади.

Ўзбекистон Ташқи ишлар вазирлиги собиқ мулозими, ҳозирда Швейцарияда яшаётган сиёсий публицист Алишер Таксанов, «ўта ҳавфли журналист Бобомурод Абдуллаевни қўлга олиш гуруҳи бўйича МХХ тергов бошқармаси «штандартенфюрери» Нодир Тўрақулов бошчилигидаги» мажлис муҳокамасини ўз блогида акс эттирди.

"Хўш, "Жатва" режасига мувофиқ биз нималарни ўйлаб топдик, демак, Бобомурод ҳукумат аъзоларини ўлдиришни ният қилган, деталларини ёздингларми? - дейди Тўрақулов, "Дело №..." га тикилган қоғозларни варақларкан.

Кимдир жавоб беради:

- Ҳа, шеф. Вазирларнинг фотосуратлари, министрликка кириш схемалари бор..."

- Яхши. Келинг кўриб чиқамиз, журналист нима қилмоқчи бўлган экан... м-м-м... масалан, ташқи ишлар идораси бошлиғи Абдулазиз Комиловга нисбатан?

Унтерштурмфюрер керакли қоғозни олиб, матнни кўздан кечира бошлайди:

- Э-э-э, Бобомурод уни аёллар трусиги "стрингер" билан бўғмоқчи бўлган.

Нодир, уни МХХ ичкарисида "папаша Мюллер" деб аташади, ҳайрон бўлиб сўрайди:

- Нимага энди "стрингер" билан?

- Ахир, биз, Бобомуроднинг маньяк-садист эканини кўрсатмоқчимиз, у қийноқ ва қотилликнинг энг ифлос усулларини қўллаши керак, - дея тушунтириш беради ҳали бу ишларда тажрибасиз лейтенант.

Яна кимдир:

- Йўқ, бу унчалик ифлос қийноқ эмас. Мана мен, масалан, қўлга олинганларни, бир йилдан бери кийилган ва ювилмаган сассиқ пайпоғимни ҳидлашга мажбурлайман, дарров иш беради. Одам, бирпасда ҳаммасига иқрорликка тайёр бўлади, бурни олдидаги пайпоқни кўрмаса бўлгани...

Тўрақулов унга ҳайрат билан тикиларкан, қониқиш билан бош ирғайди:

- Ҳа, азамат, яхши усул ўйлаб топибсан, пайпоқ - даҳшатли кимёвий қурол... Комиловнинг ўлимига жаҳоннинг муносабати қандай бўлиши мумкин?

- Оу-у, - дейди бош бармоғини кўтариб ўнгда ўтирган майор. - БМТ Бош котиби шу заҳоти истеъфога чиқарилади, БМТ Ҳавфсизлик Кенгаши фожиани бир ҳафта муҳокама қилади. Тожикистон Қирғизистон билан уруш бошлайди, чунки фақат Абдулазиз Ҳафизович ўз иродаси билан уларни бундан ушлаб турган эди. Ҳатто Янги Гвинея каннибаллари одамларнии кўпроқ еб қўя бошлашади... Ишонаманки, ҳатто Россия бош вазири Медведев қайғудан айни шундай билан трусик билан ўзини бўғиб ўлдиради...

- Ҳа, жуда яхши прогноз, - қўшилади "папаша Мюллер".

Улар тағин, Бобомурод Абдуллаев содир қилишни "мўлжаллаган" қотилликлар режасини муҳокама қилишади. Тахмин қилинишича, журналист ички ишлар вазирини сувда қайнатиши, адлия вазирини эса - бурда-бурда қилиб аъзоларини трансплантацияга топширишни истаган. Шу ерда подполковник тўхтатади:

- Эй, нима деяпсиз! Трансплантация - бизнинг бизнес. Агар ментлар суриштиришни бошласа, калаванинг учи бизнинг идорага боради. Миллионлаб "кўкидан" фойда келадиган яширин синдикатимизни аралаштириш керак эмас.

- Ҳа-ҳа, тўғри, - қўшилади гуруҳнинг бошқа аъзолари. Шундай қилиб, Бобомурод адлия вазирининг бурдаланган жасадини ресторанларга гўштга топширишни кўзлагани маъқул деб топишади. Зотан, бу борада Бухородаги Қораевлар оиласининг тажрибаси уларга маълум.

Бобомуроднинг, жумладан машҳур жамоат арбобларидан, сексотлиги билан танилган бош ҳуқуқбон Марат Зоҳидовни қулоғидан осиш режаси борлиги таклиф қилинади.

- Қандай даҳшат, ноинсонийлик - одамни қулоғидан осиш, - дейди, МХХда малака ошириш пайти, иккита диндорнинг калласини олган лейтенант бош чайқаб.

- Эҳтимол, Зоҳидовнинг оёқларига бошқа бир ҳуқуқ ҳимоячиси, айтайлик - Акмал Саидовни осмоқчи эканини ёзиш керакдир? - таклиф қилади яна кимдир, бу ғоя ҳам қолганларнинг таъбига мос тушади.

Узоқ муҳокамадан сўнг кимдир:

- Агар Бобомурод буларнинг ҳаммасини қилишни режалаган бўлса, у ҳолда, пардон, биз учун у қимматли кадр! Биз аҳир бу ишларнинг ҳаммасини ички йўриқнома ва махфий топшириқлар доирасида бажариб келаяпмизку. Балки, уни СНБга ишга олармиз? Бизга ахир жаллодлар керак. Режаларидан келиб чиқиб, унинг борган тургани ҳазина!

Шу ерда ҳамма жим бўлиб, ўзларини йўқотганча бир-бирларига қарашади.

Ҳақиқатан ҳам, журналист ўз режалари билан ҳатто бу соҳадаги энг тажрибали чекистлардан ҳам ўзиб кетган эди. Шу ерда Тўрақулов ғазаб билан столга уради:

- Аҳмоқлар! Ахир у инқилобчи! Инқилобчилар эса нормал одамлар бўлишади. Бизда эса СНБда фақат идиотлар ва шизофрениклар! Унинг бизга келиши мумкин эмас!

- Аҳ, ҳа, бу аниқ, - тағин маъқуллайди гуруҳ.

Шу билан мажлис якунланади.

Алишер Таксанов
Рассом Туз
Eltuz.com

Тағин ўқинг
20 октябр 2021
Ўзбекистондаги  президент сайловида амалдаги президент телевидение экранлари ва газеталарнинг бош саҳифаларида устунлик қилмоқда ва унинг рақиблари деярли кўринмайди, дея ...
7 октябр 2020
Комил Аллламжонов томонидан асос солинган, ҳайдовчиларни ўқитишга ихтисослашган Avtotest Report компанияси 2017 йилда ҳукумат қарори билан тўла монополия ҳуқуқини ...
26 март 2021
“Биласизми,” – дейди У сизга тикилиб, – Нечун «Эрк» деганда, Қушнинг номин боғлаб айтарлар, “Қушдай эркинман”, деб айтарлар нега? ...
26 январ 2022
Ҳаммани аввал кулдириб, кейин йиғлатган атоқли ўзбек адиби, Ўзбекистонда хизмат кўрсатган маданият ходими, таниқли драматург, Ўзбекистон Ёзувчилар уюшмаси аъзоси ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...