Cатира
30 октябр 2017

Лола Тиллаеванинг сўз эркинлигига оид постидаги қусур нимада?

Ислом Каримовнинг кенжа қизи Лола Тиллаева инстаграм саҳифасида сўз эркинлиги инсонларнинг энг муҳим ҳуқуқи экани ҳақида ёзди.

Бу ҳуқуққа изоҳ бераркан, «эркаклар ва аёлларнинг тенглигига асосланган, ҳар бир шахс фикри, туйғулари ва қарашлари мужассам олий қадрият», деди узоқ йиллар давомида Европа ва Америкада яшаган Тиллаева.

Лола Тиллаева фикр эркинлигига тоқатли эканлигини ҳеч қачон кўрсатмаган. 2011 йили отасини диктатор деб атаган Rue89 француз нашри журналистлари билан судлашган эди.

Ўтган ҳафтада эса оилавий бизнесига тааллуқли яширин офшор схемаларга оид текширувлар натижасини эълон қилган Ғарбдаги бир неча нашрларни ҳуқуқий жавобгарликка тортиш билан таҳдид қилганди.

Айнан Ислом Каримов даврида унинг қизи таъкидлаётган «фикр, сўз, ифода эркинлиги» ҳуқуқидан фойдаланган шахслар турмаларга ташланди.

Айнан Ислом Каримов даврида 159-модда каби ҳаддан ташқари кенгайтирилган ва ўзгача фикрдаги ҳар қандай шахсга қўлланиши мумкин бўлган даҳшатли жазо моддаси Жиноят кодексига киритилди.

Сўнгги мисол, Ислом Каримов ўлимидан кейин ҳам ўзгармаган тартибда 159-модда қўлланилиб, 27 сентябрь куни журналист Бобомурод Абдуллаев қамоққа олинди.

Парадокс шундаки, «ўз қарашларини эркин ифода этиш» ҳар бир шахснинг муҳим ҳуқуқи экани ҳақида ҳеч қандай эркинликларга ўрин бўлмаган тизимни яратган президент Каримовнинг қизи, узоқ йиллар Ўзбекистоннинг Юнескодаги элчиси бўлган Лола Тиллаева гапирмоқда.

Рассом Туз
Eltuz.com

Тағин ўқинг
7 декабр 2017
АҚШ Давлат департаменти; АҚШ Адлия департаменти; Бирлашган қиролликнинг Ҳамдўстлик ишлари ва ташқи ишлар вазирлиги. Марказий Осиёда инсон ҳуқуқлари уюшмаси, ...
17 феврал 2017
«Халқ сўзи» газетаси (15.02) «Ижтимоий фикр» жамоатчилик фикрини ўрганиш марказининг ёшлар қизиқиш ва қарашларини ўрганишга бағишланган сўрови натижаларини эълон ...
10 феврал 2017
Президент Мирзиёев кунора ўтказаётган турли йиғилиш ва учрашувларида давлат амалдорларини аямай танқид қилмоқда. Мирзиёев 9 январ куни милиция ходимлари ...
19 май 2017
18 май куни Навалнийга тупурганини билдирган Алишер Усмонов видеоси ижтимоий тармоқда тезгина овоза бўлди. Сиёсатчи ва блогер Навалнийни судга ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...