Cатира
1 ноябр 2017

Ижтимоий тармоқлар Нью Йоркда Хелоуин куни ўзбекистонлик cодир этган теракт ҳақида

31 октябр куни Нью Йоркда ўзбекистонлик 29 ёшли Сайфулло Саипов содир этган террор актида 8 киши ўлди, 11 киши яраланди. Автомобилини Қуйи Манхеттэндаги, Жаҳон савдо маркази яқинида велосипед йўлакчаси бўйлаб ҳайдаб болалар автобусига урган ҳужумчи қорнидан яраланган. Бироқ Америка матбуоти унинг тирик қолишини билдирмоқда.

Теракт ҳақида деярли барча йирик ўзбек нашрлари ёзди. Президент Мирзиёев Америка президентига хат йўллади. Бунда теракт суриштирувига барча куч ва воситалар билан кўмак бериш таклифини билдирди.

Ўзбеклар уюштирган терактларни суриштиришда Ўзбекистон рахбарининг кўмак бериш истаги илк бор кузатилмокда. «Тарихимизда илк бор давлатимиз рахбари бундай даҳшатли жиноятни суриштиришга ёрдам таклиф қилди» деб ёзди рус тилида чиқадиган «Независимая газета» интернет нашри журналисти Виктор Михайлов.

«Бу сўнгги йил ичида Марказий Осиёдан чиққанлар амалга оширган тўртинчи теракт. Олдин Туркияда, Швеция ва Россияда, энди эса АҚШда. Қисқа вақт ичида бутун дунё бўйлаб бундай туркум, албатта аниқ тенденциядан далолат беради.

Афтидан, Марказий Осиё ҳукуматлари барча ўзгача фикрловчиларни ҳаддан ортиқ таъқиб қилади, муаммоси бор ёшларни ижтимоий реабилитация қилиш ўрнига, минтақа ташқарисига сиқиб чиқаришади. Бу мамлакатларга келгач ҳам, уларни қучоқ очиб кутиб олишмайди, ўз қийинчиликлари билан якка қолдиришади ва экстремистик тармоқларга қўшилишига йўл беришади» дея фикр билдирди россиялик олим Сергей Абашин.

Унга жавобан 2005 йилгача Тошкентда яшаган журналист Игорь Ротар қуйидаги изохни йўллади.

«Биринчидан, АҚШ (ва Европада ҳам) Ўрта Осиёдан келган қочқинларга тўла етарли нафақа пули беришади. Ҳар бир легал мигрант уларга бир неча ўн минг долларга тушади, жавоби эса бундай «миннатдорлик»… Албатта чиройли ва наив сўзларни мантра каби такрорлаш мумкин, репрессиялар экстремизмни қўзғотмоқда дея. Бироқ реал ҳаётга бунинг даҳли йўқ.

Бундай нодонлик олимга эмас, ҳуқуқ ҳимоячисига ҳос. Дарвоқе, мен Ўрта Осиё бўйича ҳуқуқ ҳимоячиси бўлиб ишлаганман ва маҳаллий диссидентларни ҳимоя қилган ғарб дипломатлари билан кўп гаплашганман, улар амалда диний эркинликлар мутлақо барқарорликни таъминламаслигини англаб етишган».

АҚШда содир қилинган навбатдаги теракт ҳорижий мамлакатларда яшаётган кўплаб ўзбекларни ғазабга келтирди.

«Соқолини белига тушириб, “аҳли суннатман”, деб алжирайдиган, бегуноҳ инсонларни ўлдириб, “Аллоҳ йўлида жиҳод қилдим”, дея жар соладиган бу манқуртлар биринчи навбатда Аллоҳнинг динига xиёнат қилган пасткашлардир!», дея баёнот берди «Эрк» партияси лидери Муҳаммад Солиҳ.

«Яна бир мол одамларни ўлдирди. Ва тағин Ўзбекистондан», деб ёзди Фарғона агентлиги бош муҳаррири Даниил Кислов

Нью Йоркда Хэллоуин куни юз берган ходиса бу йил ўзбеклар томонидан қилинган тўртинчи терактдир. 2017 йил январга ўтар кечаси Туркияда, 3 апрел куни Россияда ва 7 апрел куни Швецияда ва айни тарздаги терактлар содир қилишганди.

Eltuz.com

Тағин ўқинг
17 июн 2016
Бугунги ўзбек газеталари мамлакат президенти Каримов томонидан мустақилликнинг бош ғояси дея белгилаб берилган шиорни муттасил чайнашга мажбур. Лекин ҳар ...
23 май 2017
Ўзбекистон ва Тожикистон орасида мина майдонлари зарарсизлантирилмаган, визали бориш келиш бекор қилинмаган бўлса ҳам, икки давлат рахбарларининг Саудия Арабистонида ...
20 март 2017
Ички ишлар органлари давлат бошқарув ҳокимиятининг энг катта органи ҳисобланади. Шунга қарамай, унинг фаолияти мустақиллик эълон қилингандан кейин қисқа ...
17 феврал 2018
Ўзбекистон телеканалларидан бирида намойиш қилинаëтган “Севги изтироблари” кўп қисмли фильми душанба кунидан бошлаб эфир сеткасидан ташланади. Бу ҳақда «Элтуз»га ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...