Ўзбек милицияси ижтимоий тармоққа қарши жангга отланди

Вазирлар Маҳкамасининг 2017 йил 30 октябрдаги қарорига кўра, Ўзбекистон Ички ишлар вазирлиги интернетдаги «ички ишлар идоралари обрўсини тўкувчи» маълумотларни туну кун аниқлайди.

Бунинг учун вазирлик таркибида жамоатчилик алоқалари билан шуғулланувчи алоҳида бошқарма ташкил этилади.

Бошқарма ички ишлар идораси фаолиятига оид интернетга қўйилган материалларнинг «мақсадга қанчалик мувофиқлиги»ни аниқлаш ва уларга «муносабат билдириш» билан шуғулланади.

Шунингдек, бошқарма таркибида ички ишлар идораларига оид «нотўғри» материалларнинг интернетда тарқалмаслигига масъул мониторинг ва медиа маркази иш олиб боради.

Медиамарказ «фош этувчи, намунали» кўрсатувлар, мақолалар ва бошқа материаллар тайёрлайди.

Бошқарма ўз фаолиятида газета, вебсайт ва телекўрсатувлардан ташқари фейсбук, твиттер, телеграм, ватсап каби ижтимоий тармоқлардан фойдаланади.

Қарорда ва унга илова қилинган ҳужжатларда «номақбул» деб топиладиган ёки «ички ишлар идораси обрўсини тўкувчи» материаллар таърифи аниқ келтирилмаган, бироқ уларга қарши кўриладиган тадбирлар миқёси анча кенгайтирилган.

Рассом Туз
Eltuz.com