Cатира
9 март 2018

Прокурорлар қамалди, қочган МХХчилар ушланди

Ўтган ўн беш кун ичида Ўзбекистонда Рашид Қодировнинг ҳибсга олиниши ортидан прокуратура тизимидаги коррупционер амалдорларнинг бирин-кетин ушланиши кузатилди.

Жумладан, 6 март куни МХХнинг терроризм ва уюшган жиноятчиликка қарши кураш бўлинмаси собиқ бошлиғи 42 ёшли Абдурашид Мирзаев қочиб кетаётган пайти аэропортда ушланди.

Бундан илгари Абдурашиднинг отаси, Тошкент шаҳри прокурори ўринбосари 68 ёшли Мирағлам Мирзаевга жиноят иши очилганди.

Абдурашиднинг онаси, Юнусобод тумани адвокатлар ҳайъати раҳбари Муҳаббат Ҳасанова ҳам ушбу жиноят иши юзасидан тергов қилинаётгани ҳақида хабарлар очиқланганди.

Шунингдек, «Элтуз» нашри ҳибсга олиниб, ИИВ ертўласида тергов қилинаётган Тошкентдаги «Инфинбанк» раҳбари 43 ёшли Фарҳод Мамажонов иши тафсилотларини ҳам ўрганди.

Унга тегишли банкдан собиқ Бош прокурорнинг кўп миллионли коррупция пуллари Дубай ва Латвия орқали Швейцария банкларига ўтказиб келинган.

Айни йирик коррупцион схема тепасида турган собиқ Бош прокурор Рашид Қодировнинг ўғли 39 ёшли Алишер Қодиров Ўзбекистон ИИВ томонидан қидирувга берилган.

«Элтуз» тасарруфидаги маълумотларга кўра, Тошкент вилояти Зангиота туманида фаолият юритаётган ва бир марталик шприцлар ҳамда бошқа дори-дармонлар ишлаб чиқарадиган “Asia Trade” ширкати муассиси ҳозир қамоқда қолаëтган Рашид Қодировнинг қидирувга берилган ўғли Алишер Қодировдир.

Собиқ Бош прокурор Рашид Қодиров, «Элтуз» нашри илк бор хабар берганидек, 22 февраль куни ҳибсга олинган эди.

Сўнгги кунларда Ўзбекистон кучишлатар тизимидаги бир гуруҳ коррупционерларнинг ушланишини рассом Думҳам ўзининг янги карикатурасида акс эттирди.

Рассом Думҳам
Eltuz.com

Тағин ўқинг
15 июн 2017
Ташқи ишлар вазири Абдулазиз Комиловнинг дипмиссия ходимлари ва рахбарлари билан биргаликда режалаган халқ билан тўғридан-тўғри мулоқоти кутилмоқда. Вазирлик сайтида ...
30 май 2017
Республикадаги кўплаб информацион дастурларнинг ёпилиши эвазига ташкил қилинаётган «Ўзбекистон 24» телеканали 27 июндан эфирга чиқади. Бу канал дастурлари Ўзбекистон ...
23 ноябр 2017
1 ноябрдан бошлаб пойтахт бозорларида аҳолининг бирламчи эҳтиёжлари учун зарур бўлган айрим турдаги маҳсулотларнинг энг юқори нархлари ўрнатилди. Тошкент ...
4 апрел 2018
1914 йилнинг 4 апрелида Тошкентда ҳунарманд оиласидан чиққан Убайдулла Хўжаев (Убайдулла Асадуллахўжаев) «Садои Туркистон» газетасини ташкил этди. Бу газета ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...